[Unicode]
စကားဦးရိပ်သမ်းခြင်းနှင့် အံ့သြလောက်ဖွယ် တိုးတက်မှုအဟုန်
"မင်း ဒီကို ဘယ်လိုရောက်နေတာလဲ?" ဆုနို အံ့သြသွားသည့်ပုံစံ သရုပ်ဆောင်လိုက်သည်။
တကယ့်လိမ်ဆင်ကြီးပါပဲ!
"ကျွန်တော် အကိုကျိရန်နဲ့ အတူတူလာခဲ့တာ"
ထန်ရှောင်းယွီက "ကျွန်တော် အခု သူ့ဒရိုင်ဘာလုပ်နေတာလေ "
"ဒရိုင်ဘာ?" ဆုနို တကယ်အံ့သြသွားရ၏။
ပြီးခဲ့အချိန်တုန်းကတော့ ကာစီနိုဝိုင်းမှာ အလုပ်လုပ်နေခဲ့တာမဟုတ်ဘူးလား? အခု ဘယ်လိုလုပ်ပြီး abs မန်းရဲ့ ဒရိုင်ဘာ ဖြစ်သွားရတာလဲ? ဒါ လုံးဝ မဖြစ်နိုင်ဘူး! လျို့ဝှက်အကြံအစည်တွေ ရှိနေတာများလား?
ကြောက်စရာကောင်းလိုက်တာ !
သူ ဆက်ပြီး မေးချင်နေသော်လည်း သူ့ဘေးနားတွင် ရုတ်တရက်နှုတ်ဆက်သံတစ်ခု ပေါ်လာသည်မို့ စကားစပြတ်သွားရသည်။
"မင်းတို့ ဘာအကြောင်းတွေ ပြောနေကြတာလဲ?"
"အမ်,ဒါရိုက်တာကြီးတို့ရဲ့ အစည်းအဝေးက ပြီးသွားပြီလား ?" ဆုနို ဆိုဖာအတွင်းပိုင်းကို ရွေ့ပေးလိုက်ရင်း သူ့ကို နေရာပေးလိုက်သည်။
မစ္စတာဒါရိုက်တာက လိမ္မာပါးနပ်စွာဖြင့် ဝင်ထိုင်လိုက်ပြီး စိတ်ထဲမှာတော့ ပေါက်ကွဲထွက်တော့မလို ခံစားနေရသည်။ မကြာသေးခင်ကပဲ သူ့လုပ်ငန်းရှင်တွေနဲ့ စီးပွားရေးအကြောင်းတွေ ဆွေးနွေးနေစဥ်မှာ သူ့ကို
လှည့်ကြည့်လိုက်တော့ ဆုနိုနဲ့ ထန်ရှောင်းယွီတို့ စကားပြောနေတာကို တွေ့လိုက်ရသည်။
သူ့ခန္ဓာကိုယ်တစ်ခုလုံးက သနားစရာကောင်းစွာ ရှာလကာရည်အိုးထဲကို နစ်ကျသွားခဲ့သလိုပဲ!
ပုံမှန်အားဖြင့် ဆုနိုက တုံးအပေမယ့် အခု သူ့ရဲ့အချစ်ပြိုင်ဘက်က သူ့ဆီကို အရင်လာ ချဉ်းကပ်တယ်ဆိုတာ သူသိနေတယ်! ဒါ သူ့ကို အရမ်းစိတ်ဆိုးစေလိမ့်မယ်! ပြီးတော့လည်း အချစ်ပြိုင်ဘက်ဆိုတဲ့စကားလုံးက.....သူ့ကို တကယ်ပဲ ချဥ်စေတယ်!
"သူက Renrui အုပ်စုရဲ့ မားကတ်တင်း ဒါရိုက်တာအိုးရန်လုံလေ " ထန်ရှောင်းယွီ အနည်းငယ်ရှုပ်ထွေးနေသည့်ပုံကို မြင်တော့ ဆုနိုက အလျောက်အထိုက်မိတ်ဆက်ပေးလိုက်သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
