أنتِ و بس

حفل التخرج

الفصل السابع :

أحمد:قول لي بقي إيه الموضوع المهم
شادي:أنا في وحده معايا في الكليه معجب بيها و عاوز أتجوزها
أحمد: بس أنت لسه مشتغلتش ده انت لسه مخلص أمتحناتك من شهر
شادي: أنا بعد أن شاء الله ما تطلع النتيجه و أفتح الشركه هروح وأتقدم لها
أحمد:بس أنت تعرف عنها إيه و هي أسمها إيه؟
شادي:أنا أعرف عنها كل حاجه هي أسمها جميله والدها و مامتها متوفين و هي عيشه مع أختها و خالتها في بيت متوسط خالتها بتشتغل wedding planner
احمد:ده انت تعرف عنها كل حاجه يا شادي أنت تعرفها من أمتي؟
شادي:بصراحه أنا أعرفها من زمان بس مكنتش بتكلم معها عشان كنت خايف أنها تصدني بس السنه ديه أتعرفت عليها عن طرق صحبتها
فاطمه:بتتكلموا في أيه
أحمد:تعالي يا فاطمه
فاطمه:في أيه يا أحمد
أحمد:شادي كبر يا فاطمه و عاوز يتجوز
فاطمه:ألف مبروك يا حبيبي و يا تري مين سعيده الحظ
شادي:أسمها جميله و هي معايا في الكليه
فاطمه:أسمها حلو
شادي:جدا يا ماما هي جميله و أسمها جميله و طيبه جدا و ذكيه
فاطمه:تب أحنا هنشوفها أمتي
شادي:أن شاء الله قريب أوي هتشفوها
فاطمه:إن شاء الله يا حبيبي
أحمد: المهم أنت بعد ما تطلع النتيجه و تفتح شركه الأدويه اللي أنت بتحلم بيها و بعد كده تتقدم لها و برده لازم أسأل عنهم
شادي:شكرا يا بابا عن أذنك

                    ***************
ذهب شادي إلي غرفته أخذ هاتفه الذي كان موضوع علي الدرج ثم طلب رقم جميله
جميله:ألو يا شادي
شادي:ألو يا جميله و حشتيني
جميله: وأنت كمان
شادي:وأنا كمان أيه
جميله:و حشتني يا شادي
شادي:يا سلام علي شادي منك هو أنا أسمي حلو كده
جميله:أنت عامل أيه
شادي:حاسس أني مش كويس
جميله:ليه تعبان
شادي:تعبان أوي
جميله:من أيه؟
شادي:عشان أنت مش جمبي
جميله:حرام عليك يا شادي قلقتني عليك
شادي:أنا بحبك أوي يا جميله
جميله:و أنا كمان يا شادي بحبك
شادي:أيه رأيك أعدي عليكي بكره نروح نشوف النتيجه مع بعض
جميله:ياريت عشان أنا متوتره أوي
شادي:أنا هعدي عليكي علي الساعه ٨ص
جميله:تمام أشوفك بكره باي
شادي:باي
                ******************
ثاني يوم في الصالون كانت جميله و هنا و دلال جالسين يتناولوا الفطار
جميله:خالتو أنا خايفه أوي من النتيجه
دلال:متخفيش يا حبيبتي أن شاء الله هتنجحي أنت تعبتي و ربنا هيعوض تعبك خير
جميله:يا رب يا خالتو
هنا:جميله أيه رأيك أجي معاكي
جميله:لا أصل شادي هيعدي عليا هنروح نشوف النتيجه مع بعض أنا هقوم بقي أغير هدومي
ذهبت جميله إلي الحمام تغسل يدها ثم ذهبت إلي غرفتها لتغير ملابسها
هنا:جميله تلفونك بيرن
جميله:ماشي أنا جيه
كان شادي اللي بيرن عليها
شادي:ألو يا جميله أنا تحت
جميله:ماشي أنا نزله
شادي:مستنيكي
أخذت جميله شنطتها و تليفونها و نزلت لشادي
ركبت السياره
شادي:عامله أيه يا جميله
جميله:قلقانه أوي يا شادي
شادي:متخفيش يا حبيبتي أن شاء الله كلنا نجحين أنت ممكن تضغطي علي الكوره ديه بتهدي
جميله:اه عرفهاشكرا أوي يا شادي أنا فعلن محتاجها
شادي:العفو يا حبيبتي يالي بينا بقي إلا كده هنتأخر
جميله:يالي
وصلت جميله و شادي الكليه في طريقهم ليروا النتيجه كان كريم و ميرنا ينتظرهم
جميله:ميرنا شوفتي النتيجه
ميرنا:لأ كنت مستنياكي
جميله:تب تعالي نشوفها
ذهبوا ليروا أن النتيجه
كانوا جميعهم في منتهي السعاده عندما وجدوا أنهم ناجحين
جميله:اه الحمد الله مبروك يا جماعه
شادي:الله يبارك فيكي يا حبيبتي
ميرنا و كريم:الله يبارك فيكي يا جميله
جميله:حد يعرف أمتي هتكون حفله التخرج
شادي:هتكون بعد أسبوعين
جميله:أنا نفسي اليوم ده يجي بسرعه
ميرنا:و أنا كمان عاوزه ألبس لبس التخرج و أصور بيه
جميله:تب باي يا جماعه عشان أروح أطمن خالتو و هنا
شادي:ماشي أنا جي معاكي أوصلك
جميله:ماشي باي يا ميرنا باي يا كريم
أوصل شادي جميله إلي المنزل
شادي:باي يا حبيبتي
جميله:باي
ذهبت جميله إلي المصعد و صعدت إلي الشقه رنت الجرس ففتحت لها دلال
دلال:أيه يا جميله طمنيني
جميله:نجحت يا خالتو الحمد الله
دلال:ألف مبروك يا جميله
ثم ظغرطت
هنا:ألف مبروك يا جميله
و حضنتها
ثم قامت هنا بتشغيل أغاني علي تليفونها وقاموا يرقصوا كانوا سعداء جدا لنجاح جميله

                  ************
مرت الأيام
في  حفله التخرج كانوا الطلاب جالسين في الأماكن المخصصه لهم دخل وكيل الكليه و معه عميد كليه علوم و مجموعه من الاساتذه ذو المنصب العالي في كليه علوم وبدأ وكيل الكليه بأن ينادي علي اسماء الطلاب واحد تلو الاخر و يسلمهم الشهاده جميع الأشخاص الذين حضروا الحفله من الطلاب و أسرهم كانوا يسفقون و سعداء فهذه لحظه رائعه لا تنسي طيله العمر و بعد الانتهاء من أستلام الشهادات
ميرنا:كريم شادي جميله يلا نصور شويه صور للذكريات
كريم:ماشي
وقفوا هم الاربعه كان شادي يقف بجانب جميله و أضع يده علي كتفها و كريم يقف بجانب ميرنا
ألتقطوا العديد من الصور
شادي:جميله
جميله:أيوه يا شادي
شادي:كنت عاوز أعرفك علي بابا و ماما
جميله:اه طبعا يا شادي
ذهبت جميله مع شادي
شادي:بابا ماما ديه جميله اللي حكتلكه عنها
فاطمه:ألف مبروك يا جميله
جميله:الله يبارك فيكي يا طنط
أحمد:عرفت تختار يا شادي شادي كلمنا كثير عنك يا جميله
جميله:ده شرف ليه يا uncleأني أتعرف بيكم
أحمد:شكرا يا بنتي
.....يتبع......
                        ************