ندى لصكر

البارت 31

صكر : من كالت هيج بقيت اباوع بوجهه تذكرت من جانت زغيرهه لحد مااهسه كدامي شي واحد إله ماانسي كلشش اتذكر عنه بقيت اتأمل بوجهه عيونه كبار ولون ماله بشمس صاير رصاصي خدوده هذلي قضيه وحدهن وله خشمه الي ضايع بوجهه ع كد ماازغير وشفته يايابه هاي تموتني زغيرهه وحمره ابتسمت إله ومشيت
ندى : من كتله بقى صافن بعدين راح كلت يمكن مايحبني وهوه لو ماامير مااينهي عليه بسيطه استاذ صكر شوف منا وهيج شون راح اعاملك تريد تستغلني خلصو زيارة القبور وطلعنه للإمام طبعا هم كلش حلو بس تحسين نجف خنكه مااعرف لأن قبور مو مثل كربلاء بقينه تفتر بسوك هم أخذت الي كم حاجة وعجبتني هناك حلويات علوش جان يمي سألته علوش بربك شنو اسمه هاي اريد اشتري منه
علوش : هايي اسمه ساهون
ندى : اسمه غريب زين طعم مالته طيب
علوش : يخبل
ندى : رحت اشتريت منه والي لفت نظري انو رخيصه اشتريت علبتين ورحعنه للإمام تغدينه هناك وطلعنه للفندق هم كذلك حجزنه سويت كامل اني كبل نمت وطلعنه بليل هم افترينه وتعشينه
براء : طبعا طول سفرة تسر مااكالي ولا كلمة حبيت اني أبدى اشوف ليش هيج احم نسر ليش صاير ماتحجي وياي
نسر : تذكري انتي شمسويه
براء : صفنت شسويت اني خرب بحظي
ندى : فترينه وخلصنه رجعنه للفندق وجدو كال نطلع باجر نمت وكعدتتني ماما رجعنه للبصره طول طريق صافنه ع شارع واكول صكر معقوله مايحبني معقوله يريد يستغلني اففف يااا خيولي عساس اني الي احبه يطبه طوب وصلنا بعد تعببب اني كبل صعدتت فوك نمت
براء : وصلنا ندى نامت كبل اني دخلت سبحت وبدلت اجيت اطلع من الحمام مااحس إله نسر رجعني للحمام
نسر : اريد احجي وياج
براء : تفضل
نسر : عرفتي ليش مااحجي وياج
براء : ولله مااعرفت
نسر : كتله ع ذاك اليوم من اتجاهلتني
براء : ظربت ع كصتي ولله جنت مستعجله اسفه حبيبي ولله بعد ماعيدها
نسر : شكلتي
براء : اسفه
نسر : إلى ورها شنو
براء : شنو
نسر: كلتي حبيبي مو
براء : خجلت دنكت راسي
نسر : يايابه اني اسعد واحد بهذا العالم ارجعي عيديه مرة ثانيه لخاطري
براء : اوو نسر كافي ولله اخجل
نسر : لخاطري إذا تحبيني
براء : حبيبي☺️☺️
نسر : يروحلججج فدوووه حبيبججج لججج اموت علييييييج
براء : ☺️☺️☺️☺️
نسر : طلعت الكلاده ولبسته إله سمعي هاي ماتنزع من ركبتج سمعتي
براء : يا تخبل تسلم يعمري
نسر : اويلي يأبه لعد يوميه اجيب الج علمود اسمع هاي الكلمات
براء : ضربته ع صدرهه َطلعت لا يجينه احد دخلت للغرفه واحس الكل يسمع كلبي شون يدك باوعت ع الكلاده وبسته وهمست إله احببببك
ملاك: هاي المن احبك
براء : بسم الله انتي منين طلعتي
ملاك : عوفيه من هل حجي وكوليلي هاي المن احبك ها ها لأخوي 😉😉😉
براء : انجبي لجج
ملاك : ولجج اني حماتج عيب تغلطين عليه
براء : لزمته وبسته احلى حمات بدنيا
ملاك : ها يعني ثبتت ع اخوي
براء : ياا انجبي ولله اخجل
ملاك : لججج فديت انيي يوم لهاي لخبله تعترف لصكررر خايبه نذر عليه إله اطلع بالحديقه واهلهل بعد. وحتى إذا نكتلت من جدي وصكر ميخالف
براء : 😂😂😂تعترف تعترف لا تخافين بس كون صكر يتحرك ويبادر بالبداية
ملاك : حبيبتي إذا ع اخوي فهو قالب ثلج لا يتحرك ولا شي وكتوم ومايحب يسولف
براء : لعد هاي ابرد منه نشوف شلون تصير بعدين
ملاك : ع كولتج بلا مرت اخوي نامي مو زين عليج سهر وراج عرس
براء : امشي لجج قرده
ملاك : تخونه خوش اخو يستاهل الهوسه كلوووش😂😂😂
براء : الحمدلله 🤣🤣
ندى : كعدتت صبح بدلت لبست تراك ونزلت صباح الخير
الكل : صباح النور
الأب علي : هلا بابا شعجب كاعده من وقت
ندى : مو بابا نمت اول مااجينه
الأب علي : زين تسوين حظرو رواحتكن ترا باجر نروح
ندى : تمام
الجد : وين يا علي مصار الكم هواي
علي : ولله يابويه شسوي بعد ندى وبراء عدهن دوام مال المعهد تقوية للسادس وصار اسبوع ماامداومات بعد مايصير
الجد : ها هم صحيح يلا جدي ندى اريدج تشدين حيلج وتنجحين علمود تجينه
ندى : أن شاء الله حبيبي جدو
الجدة : ولله يكردوشه راح اشتاقلج تعودت عليج
ندى : بيبي فدوه اروحلج ندوشه مو كردوشه
الجدة : خايبه هسه هنا اثنيهن نفس شي
صكر : سمعت بيهن راح يروحن بأحر وصدك نقهرت اباوع عليه هيه وحبوبتي يداهرن صدك خبله
ندى : بكيفج بيبي كردوشه ندوشه قردوشه
الجدة : يا قردوشه هم حلو
ندى : يا بيبي😳
الجدة : خايبه تقشمر وياج😂
ندى : بيبي اني ولله احبج تعالي عيشي يمنه
الجد : هااا انه اخوك َتعوفني
الجدة : لا يحبوبه انتي بس خلصي السادس وانتي تعيشن يمنه
ندى : لا بيبي مكدر مو جامعه مالتي أن شاء الله
الجدة : اي يحبوبه غير من تخلصين السادس نزوجكم انتي وصكر وتتدرسين يمنه
ندى : من كالت هيج بيبي باوعت ع صكر شفته يبتسم ورافع حاجبه كتله عشتوو ومنو يكول
الجدة : دميلي عني ميلي منو يكول انه اكول واشوف تحجين إله اكسر العوجية ع ظهرج هذا صكر اكو وحده ماترضه بي زين الزلم كله
صحو : يا بعد راسي يحبوبه همست لحبوبتي عوفيه هاي تتدلع عليه
الجدة : اي ولله تتدلع اسمعي ولج يكردوشه إذا تتدلعتي ع ولدي صكر ازوجه ثانيه سمعتي
ندى : يا فدوووه واني شكو زوجي عشرة اصلا اني مايهمني عفتهم وصعدتت
الجدة : لا يغثك حجيه يصكر ختولي مبين من عيونه تحبك بس هاي كردوشه راسه يابس مثل جدك
صكر : ع تخافين حبوبه اني اكسرهه راسه
الجدة : خايب دميل انته مد ايدك عليه وشوف شسوي بيك
صكر : ها مو هسه دفعين عليه
الجدة : كدامه ماانطي بيك بس هيه لا عز الله معزته مثل معزتك هاي كردوشة كلبي
صكر : ضحكت كلت صدك كردوشة كلبي طلعت للديوان اليوم العصر عدنه كعدهه
ندى : كعدتت براء كعدي يلا نعل رفسته
براء : شكو شكو شبيج
ندى : جوعانه
براء : وشسويلج روحي اكلي
ندى : مو اريدج تكعدين كدامي علمود تنسد نفسي اقصد تنفتح شهيتي
براء : اممم اقنعتيني حكوم ابدل
ندى : صدوك باجر نروح
براء : يا ليش
ندى : شنو ليش صار اسبوع كافي
براء : اففف☹️☹️
ندى : باوعت عليه الله شنو هاي الكلاده للي تخبل
براء :من نسر ☺️
ندى : اي عيني كله هداية نوب اسمج واسمه لعد اني ماكو معجب نعال يجيب الي
براء : موجود صكر
ندى : ويعع لعبتي نفسي🥴
براء : ثول ترحين إله فدوه
ندى : عشتوو ليش ماترحين انتي
براء : هسه نجبي ونزلي كدامي واني راح اجيج
ندى : اوكي نزلت رحت للمطبخ كعدتت خليت رجل ع رجل بنات منو بعد مامتريكه
ملاك وسرى : بس احنه البقيه تريكوا
ندى : اوك اني وياكن اني وبراء
ملاك : تمام
ندى : كاعدين واجه علوش
علوش : صكوره يبعد روح
ندى : شكو شتريد
علوش : كبر جاي اتغزل بيج
ندى : لازم اكو مصلحة ورها هذا الغزل
علوش : اييي
ندى : شكو
علوش : اكلج اريد اعترف لملاك بس خايف
ندى : خايب دولي رجال جيس روبه
علوش : انجبي صكوره رجال وغصبن عليج بس يعني اقصد اخاف تكول اني اعتبرك مثل اخوي
ندى : أمم يعني قصدك اقيس نبض الك
علوش : خايبه ايي ولله انتي كفو تفهميني من اول نظرة
ندى : يلا بلا لواكة اني اشوفه الك
علوش : خايبه اروحلج فدوه تعالي انطيني بوسه
ندى : أنجب ولك لا تشوفنه
علوش: ها هم صحيح يلا اني رايح
ملاك : وين تعال تريك ويانه
علوش : وهوه صافن بعيونه اني من اشوف عيونج اشبع
ملاك : هاا
ندى :وهيه تضرب كصته فضحنه الغبرر ع كولت بيبي
احم علوششش
علوش : اي ليش لا اتريك
ملاك :اوك
ندى :كعدنه تريكنه ودخل صكر ع سريع
صكر : بويه سرى بعد شويه يجون زلم عدنه كعدنه حظرن الماي والعصير وجاي خوش
سرى : صار خويه بس كم واحد
صكر : بويه اني كم مرة كايلج لا تكولين كم واحد كولي بس هلا بالخطار وهاهيه
ندى : هسه هيه شكالت غير علمود تحظر الهم الكلاصات
صكر : بويه مايصير الخطار ينحسب
ندى : هلو هاي شون صايره
براء : هسه انتي شعليج سدى حلكج
ندى : -اويي هسه شكلت اني
صكر : اني شكايل
ندى : افف🙄
علوش :صكوره شكايل صكر
ندى :شعرفني روح اسأله
علوش : كبر بالخبله
ندى :تغدينه وخلصنه وصارت هاي الكعده كلت لسرى سرى بربج سوى النه كيكه
سرى : صار من عيوني
ندى :فديت عيونج
سرى :طلعت المواد مال الكيكه وماكو بيض رحت للمخزن مال مواد الغذائية ولكيت الباب مقفول خرب المفتاح عند علوش رحت اشوفه لكيت ولد عبالي علوش كتله علوش اريد المفتاح مال المخزن بسرعه
قيس: سمعت صوته خرب ولله صوته يايابه ولله مشتاقله درت وجهي وكلت مو عندي ولله
سرى: رفعت راسي ونصدمت عززا صديق صكر احم ولله اسفه عبالي علي
قيس : زين ليش تكولين إله علوش كولي علي
سرى : وانته شكو يااخي شعليك  أحيت اروح سحبني من  ايدي
قيس : من احجي وياج توكفين وسمعيني سمعتييي 🤨
سرى : يمهه كلبي كام يدك سريع وعيونه تخبل بقيت صافنه ع عيونه
قيس : احم اعرف ترا بنفسي حلو
سرى : عزا ولله عيب دفعته وكلت منيلك هل حلات جنك قرد ونهزمت
قيس : 😂😂😂خرب جنه جهال بس خذت كلبي
سرى : دخلت جوه يمه كلبي ولكيت علوش بالمطبخ وبن جنت انته
علوش : هنا
سرى : اريد المفتاح مال المخزن
علوش : هاج اخذي
سرى : اخاف لاكيه
علوش : تلاكين منو
سرى : ها لا هيج روح جيبلي بيض يلا يطلع احد من زلم ويشوفني عيب
علوش : اي عفيه هاي لو صكوره جان كالت دجيبه يا زلمه يابطيخ ماتخاف من أحد
سرى : روح لا تجيك 😂😂
علوش : اي ولله
ندى : كاعدين بالغرفه اني وملاك وبراء احم اكلج ملوكه
ملاك : هاي عليمن عليه منج من الشيطان
ندى : نجبي واسمعي انتي هم معجبه بأحد
ملاك : لا خيه منين
ندى : بدون جذب يعني ابد
ملاك : اكولجن من مو تكولن لأحد
ندى وبراء : لا ولله ابددد
ملاك : اني معجبه بعلي
براء : يا بهذا الخبل
ملاك : انجبي ولله هوه دمه حلو يحب يضحك ويسولف
براء : ها ندى شو صفنتي
ندى : زين هوه هم تحسينه معجب بيج هيج
ملاك : ماادري بس هوه دائما اشوفه صافن بوجهي يكول كلام حلو
براء : إذا ع كلام الحلو هوه يمشي ويتغزلل بالعالم
ندى : ضربت براء ع راسه هسه انتي شنو يمج كلساع طفرتي خ اسمع البنيه
براء : وهيه لازمه راسه وجع شبيج
ندى : خبلتيني
ملاك : كافي لا تتعاركن
براء : لا حبي عادي متعوده عليه
ندى : شوفي ترا انتي الوحيدة الي مامطلع الج لقب ويسميج ملوكه شتردين بعد
ملاك : ميخالف الله كريم
ندى : زين وزهيره
براء : انتي اليوم جايج ع العالم كوليلنه انتي بيمن معجبه
ندى : اني معجبه باخوج
ملاك: يايا وأخوي عشتوو اخوي لخوش اخو يستاهل الهوسه
ندى : دسدي حلكج لا يجي يشمرج من الشباك وعود ابقي هوسي خوش اخو
ملاك : هوه صح اخو بس مخبل
براء وندى🤣🤣🤣🤣
ندى :تعشينه وخلصنه وطلعنه برا بالحديقه راحو علوش يمنه همسلي
علوش : ها صكوره بشري
ندى : شتنطيني
علوش : شتردين
ندى : سلامتك
علوش : خايبه دجحي
ندى : بشرط
علوش : شنووو ولجج
ندى : هسه تروح تجيبلي علامة حلويات يلا اكولك
علوش : صارر
ندى : كعدنه ناكل كيك واني انتظر علاكتي اجه فهد وصكر ونسر الله بالخير
ندى : هلاو و
نسر : خايبه صكوره مو هيج يكولون فشلتيني هسه معقوله انتي حفيدة شيخ جمال يكولن الله بالخير والعافيه
ندى : تمام ع الجايات
صكر : بويه ليش عيونج ع الباب منتظرهه احد
ندى : بسم الله شون انتبه لا هيج
صكر : امم🤨
ندى : شوي واجه علوش
علوش : هاج خبله قطيتني قطه
ندى : ياا تروحلك فدوه صكوره
براء : هاي ليش واحنه
نسر : اني اجيبلج من عيوني
براء : سالمه عيونك يروحي
ندى : اباوع عليهم كتلهم شني هاي عيني ترا اني عندي جفاف عاطفي ماأحب هاي سوالف يمي
صكر : ليش بويه جفاف تعاليلي اني ارويه
فهد : خايب كفووو طالع ع عمكك
ندى : يا خبال ولله فشله كمنه انام واجاني صكر
صكر : ها ضيم كلبي شلونج
ندى : تمام
صكر : سحبنه من أيدهه
ندى : هاي وين
صكر : تنامين
ندى : اوو صكر باجر ورانه طريق
صكر : اي خوش
ندى :🙄🙄🙄
صكر : دخلنه للغرفه كبل حظنته لأن صدك مشتاقله
ندى : بيك شي
صكر : اشششش
ندى : بقه حاظني بعدين وخر مني ولبنسي سوار اسمي واسمه وكال
صكر : هذا ابد لا تذبي من يدج
ندى : يا فدوه شكد حلوو
صكر : عجبج
ندى : يخبل تسلم وبسته بخدهه
صكر : يا يأبه هاي بوستج مووتتني
ندى : يا ليش
صكر : رجعت حظنته كلش مقهور لأن باجر تروح راح اشتاقله همست إله راح اشتاقلج
ندى : كلت بكلبي واني هم
صكر : سحبته ونومته بحظني بسته بكصته يلا نامي بويه باجر وراج طريق
ندى : تصبح على خير
براء : من شفت ندى ماكو عرفته راح تنام يم صكر طلعت فرشت اسناني واجاني نسر سد الحمام وحظني كال ي
نسر : يعني راح ترحين
براء : بعد شسوي
نسر : راح اشتاقلج
براء : واني هم
نسر : براء كولي هاي الكلمه خليني ارتاح
براء : اي كلمة
نسر : تحبيني لو لا
براء : حظنته وهمست إله امووووت عليك مو بس احبك
نسر : بقيت محمد بمكاني كلت عيديه مرة ثانية
براء : احبببببك
نسر : كبل بسته من شفته وشفته تفاعلت وياي بقيت ابوس بيه واعض منا من حسيت اختنكنه ثنينه خليت كصتي ع كصته براء احبج
براء : من باسني حسيت نفسي مشتاقتله ومو كال احبج كلبي كام يركص كبل فتحت الباب وطفرت للغرفه باوعت لوجهي بالمراية صاير احمر وشفتي طالع منه دم خرب بالحظ كبل نمت

هلو هلو شونكم حبايبي طبعا اعرف تأخرت عليكم بس شسوي ظروف وماجاي الحك
سؤال / ليش صكر ماكال احبج لندى يا ترا هوه يحبه لو بس مجرد انو يريد يخدعه جاوبوني بتعليقات