ندى لصكر

البارت 37

أسد : الرقم باسم مريم حكيم
صكر : حسيت مثل شخص طكني ع راسي شنو أسد عيد الاسم
أسد : جاي اكلك باسم مريم بس منو هاي
صكر : سحبت السويج وطلعت كبل احس اسوق بأسرع ماعندي
ندى : نزلت العصر كعدنه بالمطبخ وسرى سوت جاي وكيك كاعدين ناكل ودخلت عمتي حياة
العمة : ها شعدجن
سرى : ولله كاعدين
العمة : ايي اكلج ندى هسه انتي مافهمناج تردين صكر لا
ندى : ليش عمة هوه وين اكو احسن من صكر
العمة : بنات تالي وكت لسانهن شطوله
ندى : شبيه هاي يربي
براء : دعوفيه يمعوده انظغطت بس ماتدري بيج تردين صكر 😉
البنات :هااا هااا 😉😉
ندى : عابت لهل شكل تتدرن علمود احرك كلب حياتو التسس 🐍
ملاك : تس شنو يعني
براء : يعني حية
ندى : ايي عفيه شويه ونفتح باب شارع دخل صكر يمشي بكل سرعة ومبين عليه عصبي
سرى : الله يستر صكر طابكات عندها
براء : عززا عبالك نار وتمشي
صكر : دخلت للبيت وصحت بصوت عالي مررررررررررريمممممم
ندى : طفرنه كلنا من الصوت
زهراء : فلك شمسويه مريم
ندى : مااعرف خ نشوف
مريم : نزلت ها صكر صحتلي واباوع لندى وابتسم عود ع عنادج
ندى : شوف نظرات وقته صكر راح ينفجر من العصبية مااحسينه إله صكر جابه براشدي
حياة : ليش صكر شمسويه بنتي حرشنك لميخافن الله بواكات الزلم
صكر : اشششش ولا كلمة ولله الي يحجي سحبت مريم من شعرهه لجججج سااااقطه مكعدججج بيتي وتحكين من ورها ظهررري اليوم اخليييج تتمنين الموتتتتت سمعتييي
مريم : مامسويه شي اكيد هاي ندى الساقط هيه الي حرشتك عليه
ندى : اني شعلية
الجد : استهدي يا صكر صوتك واصل للديوان
صكر : لحدددد يتدخلل ولكم اريدددد اذبحه الي تخلي ايده بأيد المجرم
الجد : شنهي سالفه فهمنه
صكر : ضربت راسه بالكاع جدي هيه الي ورها ضربت ندى
ندى : بقيت فاتحة عيوني شنو هيه مريم شعليه قابل هيه ضربتني طلقه
صكر : لا موهيه بس هاي ساقطه اتفقت ويه الي ضربج
ندى : باوعت عليه الي وجهه صاير عليه دم كتله ليش شنو السبب شسويت الج اني
مريم : جذب جذب مواني اكيد انتي الي ترستي رأس صكر عليه ادري بيج وحده حقيرة تغارين مني
ندى : اغار منج ع شنو بنتي
مريم : امشي لججج أن الزلم الكح...
صكر : سحبته من شعرهه وضرب ع وجهه ورفس بطنه
حياة : الله واكبر ماتت بنتي صخام بعيني فدوه اروحلك صكر عوفه
صكر : سحبت جهاز وخابرت ع أسد تعال اخذهه للسجن هاي هيه بيتي
الجد : شكاعد تسوي ياصكر مو هيج تنحل السالفه لا تنسه بنت عمتك عرضك هاي
صكر : كلت لحد يتدخل
حياة : نزلت ابوس ع أيدهه اروحلك فدوه عمه صكر لا دخله سجن شكول لناس بنتي بسجن فدوه اروحلك
صكر : هيه مشاركة بعملية قتل والقضية مو عندي اعذريني وسحبت ايدي من عدها رحت سحلت هاي الجبلة وخليته كدامي اعترفي ليش سويتي هيج
مريم : مو اني كله جذب
صكر : جبته براشدي كتلج احجي
مريم : مو اني ولله مو اني هيه ندى الحقيرة سوت هذا كله
صكر : سحبت المسدس وخليته برأسه تحجين لو شلون
ندى : شي مرعب صكر يضرب بيه وكأنه يتعارك ويه رجال مو بنيه وهيه بكل صلافه تعيط وتغلط وكله هذا تاهمتني بيه وأكثر شي يخوف من سحب السلاح صكر اني وبراء وحده لازمه ايد. ثانيه كلساع نكول راح ننضرب
مريم : احجي فدوه بس لا تقتلني اني احبك وهذا كله سويته علمود ندى تموت وانته تبقى إلي
صكر : من كالت تموت حسيت شي ضرب بكلبي جبته براشدي لججج ساقطه ولججج غير بنت خالجج وعبالج إذا صار شي بيه اباوع لخلقتج اني
الجد : تففف عليج وع تربيتج كله من حياة بس تحجين ع بنات العالم والمكروده هاي ندى مافلتت من لسانج يامه تجيبين سوالف عليه وتجيني وهسه طلعت بنتج انكس العالم
صكر : دك تليفوني اسد بالباب سحبته وخليتهم يغطون شعرهه واجه أسد وياهه شرطيات اثنين جلبكو اديه واخذهه
أسد : من كلت لصكر وطلع يركض عرفت انو هاي البنيه يعرفه شويه وخابرني ورحنه عليه شفته عبارة عن دم يعني مااخذهه المقسوم من صكر رفعت عيني واجت ع الحلوه لابسه تراك وردي وشعر رافعته والعيون كله دم والوجهه احمر من البجي وشفه ترجف يااا بويه مال اظمه هسه بكلبي استغفرالله اني شكاعد اكول هاي عرض ابن خالي اخذنه البنيه وطلعنا
الجد : كله منج يا حياة كله من حدر رأسج من جنتي عندي ماخلصان يوميه شامرتني بمصيبة وهسه بنتج تريد تكتل بنيت خاله خابريلي ع زلمتج وولدج اريد اشوف شلون متيهين بنتهم
ندى : صح مريم تكرهني ودائما تسوي مشاكل بس ونبي اني مااكرهه مجرد اضوج منه هيه وحياة وحتى من عرفت هيه الي حاولت تقتلني مااكرهته بس مال ياخذهه للسجن هاي شويه جبيرة شفت جدو شون رزل عمه حياة مااهتميت تستاهل لأن كلش مطيته مجال بحيث صار هيج رحت لجدو جان واكف هوه وصكر جدو اني اريد اكول شي
الجد : كولي بنيتي عند عيناج
ندى : جدو صح مريم غلطت من سوت هيج بس مو مال تروح للسجن
صكر : خليه هذا قانون ولازم تتحاسب
ندى : اعرف يا صكر لازم تتحاسب بس مو بالسجن هيه بنيه وبنت شيوخ يعني معروفه أهله منو مو مال تروح للسجن ترا بالمستقبل راح تتعرض لتمنر كولش قوي ويمكن يسبب عدها حالة نفسية
الجد : بارك الله بيج يبنتي وفدوه لهذا كلبج الأبيض تعالي ابوسج واعذرينه لأن بنته سوت هيج
ندى : لا جدو مصار شي عفتهم وصعدتت فوك
براء : ليش تنازلتي ماخليتيه تتعاقب
ندى : كسرت خاطري من شفته تبجي وهذا ابو الكلب 🦮خله الكلبچات بيدها
براء : اي ولله صحيح زين سويتي
ندى : بقيت كاعده وصافنه ليش هيج مريم تكرهني وصلت بيه مرحلة تقتلني نزلت جوه ورحت الغرفة جدو دكيت الباب ودخلت
جميلة : دشي ( يعني دخلي) حبوبه
ندى : رحت نمت ع جربايه وخليت راسي بحظنه بيبي ليش مريم هيج تكرهني هيه وعمتي حياة
جميلة : شوفي يمه حياة تأخرت قسمته هسه عمتج هيفاء ازغر منه بس تزوجت كبل حياة وأخذت ابن شيوخ بس حياة شكله مو ذاك الزود محد جان ياخذهه هيه رادت تحب وتنحب كامت تسوي علاقات ويه ابو المخضر ويه ابو هدوم ( ملابس) بعدين عمج فاضل كضه وأخذت ذيج الكتله مثل مااهسه صكر كتل مريم جدج حلف كال ياهوه إلى يجي ينطيه إله حتى لو جان عامل ليش مااجه حاكم الي يشتغل حارس بديوان وكال لجدج اريد مرة وجدح يعرفه ابن اجويد سأل حياة وافقت وصارت القسمه وبعدين حياة متعودة ع العز ولادل وهذا زليمه ع كده كام جدج يساعدهم مهما يكون يمه تبقى بنيته اشترهه الهم بيت بس الزلمة ابن ناس كال أمر يشتري من جدج وكام يدفع الجدج أقساط البيت كل مايصير عندها ورها تزوج أبوج امج وهيه تسودنت شلون امج مو بنت شيوخ وأخذت ابن شيوخ وراح تعيش بالعز والدلال حطت نكرهه من نكر امج منا من رحتو لاربيل وصرتي انتي وكامت تكرهج وبنته حية ع أمه وهيه تريد صكر ياخذهه بنته وصكر عاشكج يحبوبه
ندى : يا بيبي صكر عاشكني
جميلة : خايبه كردوشه هسه انتي عفتي كل هل هرج إلي كلتو وكفتي ع صكر مثل لكمة بزردوم
ندى :😂😂لعد يايييي شسوي لعمتي ربي خالقه هيج الله يهديه صكر طلع مريم من السجن بس بعدها يحوس يريد يلزم الكهوجي اجتي براء تركض
براء : لجججج ندى نشروا نتائج مالتنه
ندى :عزززززا كولي ولله
براء : ونبي
ندى : رحت نسر حباب طلع نتائج مالتنه فدوه
نسر : شنو تنطيني
براء : بكيفك شنو تريد
نسر : متأكدة
براء : اي ونبي
ندى : ديلا هسه كول شتريد
نسر : معليج صكوره اخذهه من براء
براء : اي ولله تمام بس طلعهن
نسر : اجيب لابتوب واجي
علوش : ها شعدجن ملاتمات
زهراء : نتائج ندى وبراء راح تتطلع
علوش : وصكوره شو خايفه خايبه انتي غير حافظه أكثر من المدرس الي يشرح الج
ندى : فدوه علوش مو وقتك
براء : اجه نسر وهذا علوش الخبل جاب الكل كالهم راح يطلعن نتائج
نسر : اسم المدرسة
ندى : مدرسة البنات الأهلية......
الجد : يلا بويه نسر اريد اشوف نتائج حفيداتي اريدجن ترفعن راسي
ندى :أن شاء الله جدو حبيبي
الأب علي : بابا ندى اهدي أن شاء الله خير
ندى : أن شاء الله بابا من دخل صكر صار كلبي يدك زيادة
صكر : ها شعدكم
علوش : راح تتطلع نتائج صكوره
صكر : هاا شوفي إذا مكمله اعلكج من اذاناتج
ندى : فدوه صكر هوه اني خايفه منا
نسر : طلعنن هايييي براء ناجحه
براء : صدككك المعدل شكددد
نسر : عمي شاطرة ٩٧
براء : الفرحة مو طبيعيه كمت اكمززز وبيبي جميلة تهلهل
ندى : واني نسر
نسر : اي هسه جاي تحمل هايي طلعت ولجج ليش هيج صكوره عود انتي شاطره
ندى : حسيت كلبي توقف بعد ماينبض ودموعي نزلن بسرعه ونبي درست شكد 😭😭😭
نسر : ولججج اتشاقه عميي ناجحه الف مبروك دكتورتنه
صكر : بوية ليش تبجين إذا تتدرين بروح شاطرة وقارية
ندى : خفت بس فدوه شكد المعدل
نسر : جدي صارت دكتورة عدنه بالعائلة وهذا معدلج٩٩
ندى : يااا صدككك
الأب علي : اروحلج فدوه بنيتي الشاطرة عرفت راح ترفعين راسي
بيبي جميلة : صلووواتتت صارت عدنه دختوره
ندى : يا بيبي دكتوره مو دختوره
بيبي جميلة : خايبه كلشي الجان
صكر : مبروك بنيتي
ندى : تسلم
نسر : مبرووووووك يروح نسر
براء : تسلم 😊😊
علوش : هبببب شوف المعدل ولجج شني عقله لو حاسبة
ندى : كول ماشاءالله
صكر : تسكت لو اكوملك
علوش : لا عمي اتشاقه الف مبروك صكوره اصلا اني جنت متأكد راح طلعين هيج بس الصدمة هاي ام نص لسان طلع كل لبله بيه
براء : 😂😂يا عزا شنو مسويه
علوش : ولج طلعتي شاطرة
براء : ولله كله بفضل ندى جانت درسني وتشرح الي مثل مااتشرح لنفسه
ندى : شعندي غيرج
براء : احبج
ندى : اموت عليج
صكر : احممممم
نسر : ترا اني وأخوي نغار
ندى : كلهم تباركوا الي وسرى سوت كيكة وكعدنه سهرنا بالحديقه ورحنا نام
صكر : تعللي وياي
ندى : لا أريد انام
صكر : اي تنامين بحظني مشتاقلج ولجج
ندى : ها صدك
صكر : اي صدك يلا امشي
ندى : لعد شسوي اروح وياهه خطيه مشتاقلي 🌚
صكر : دخلنا للغرفة وحظنته حيييل افيشششش يريحتججج
ندى : وعطرك انته هم حلو
صكر : ها عجبج
ندى : اي حلو
صكر : كدامج ياروح صكر
ندى :😊😊
صكر : ندى بعد مااتحملل هسه انتي خلصتي دراسه من ترجعون لاربيل نجي وراكم واخطبج ونخطب براء لنسر
ندى : بعد صكر مو من هسه
صكر : ليش شنو نتاني سادس وخلصتي كافي يا بويه مو خلص كلبي
ندى : صكر انته تحبني
صكر : انتي شتكولين
ندى : صكر انته غامض متبين مشاعرك للناس يعني ساعة اشوف تحبني وتموت عليه وساعه بس تعيط بيه وكانوا ماتشوفني
صكر : هذا سؤال اجاوبج عليه بليلة العرس اريدج انتي تجاوبني تحبنيي
ندى : اجاوبك بليلة المهر
صكر :هههههههه بنيتي هم صايره ذكية
ندى : لعد شعبالك
صكر : لا عمي ماعبالي شي
ندى : صكر إذا خطبنه من عدكم تنطونه
صكر : المن؟ 🤨
ندى : إذا خطبنه من عدكم لمصطفى
صكر : ولله يابويه مصطفى ع العين والراس وماكو من عدها بس لازم نشوف رأي البنيه وجدي وابوهه بس من. تردون إذا ملاك فااكولج هاي محجوزة لعللوش
ندى : عزززا ملاك من شوكت
صكر : قبل فترة اجو ناس يخطبونه شايفينه بعرس فهد وعلوش كال اني أريده لا تنطونه وجدي كال هاهيه
ندى : اووي فدوه شون اثنين يخبلون
صكر : لا تكولين أوي مو يحترك جد جدي
ندى : ليش
صكر : لا تكولين وبس
ندى : سويته عناد وكلت اوووووووييييي
صكر : مااتحلمت كبل سحبت شفته بقيت ابوس بيه واتفنن اصعد فوك وانزل ع الجوه
ندى : لو ماكايلة احسن احس محتاجة هوى بقيت اضرب ع صدره
صكر : بويه خ نتزوج
ندى : اوك
صكر : يعني موافقه
ندى :☺️☺️

الكاتبة : كلللوووششششش البارت الجاي عدنه عرسسسس وأخيراً راج يتزوجون💃💃💃💃💃

اي فرولاتي كولولي شنو معنوياتكم ع بداية الدوام وهم جهزتوا ملابس لو مااشتريتو