ندى لصكر

البارت 33

صكر: صار ثاني يوم والعملية بليل جهزت كلشي بس صار تغير انو العملية وتسليم البضاعه العصر تفاجأت شلون بنهار وع ضوء شمس مااهتميت وركضت لقيس اسمع قيس العملية صارت العصر لازم احنه نتحظر وماا نروح بس اني وياكم و4 جنود أني اختارهم ودير بالك تحجي كدام احد ع هاي العملية احنه لازم نحسب حساب ع كل خطوة منه يمكن اكو واحد يؤدي المعلومات لابو ريشة مانريد نغلط بعد هذا التعب
قيس :ولله لو بس اعرف منو يجيب الك هاي الاخبار جان ارتاح وصار مااحجي كدام احد
صكر : من نخلص من هاي العملية والزم ابو ريشة وانتف ريشاته اكولك منين اجيب الأخبار
قيس : إذا انته تنتفه اني اريد اشوي😂😂
صكر : اختاريت 4 جنود ثقه مو اي من كان وتجهزنه وطلعنه والي يسأل وين نكول اكو مشكله صايره ع اخد سيطرات ورايح اشرف بنفسي عليه
قيس : من طلع صكر يحجي َيه الجنود حظرت نفسي ودك تليفوني شفته فهد الو ها فهد شلونك
فهد : هلا خويه قيس انتم شلونكم صكر َياك
قيس : اي وياي لا تخاف عليه خافوا عليه اني العبد الفقير بيد اخوك😂
فهد: عوف ضحك قيس وكولي انتم وين وشنو هاي العملية
قيس : اعذرني مااكدر احجي ولله صكر يشنقني إذا كلت لأحد
فهد : ولك جا شريد اسوي اني بس كولي وين مكانكم اخاف يصير شي عليكم عاد نندلكم
قيس : ولله يخوي احنه كاعد نتجهز راح نطلع علمود وأحد مجرم اسمه ابو ريشه وهاي العملية ع حدود....
فهد : وانتم من كل عقلكم رايحين لهيج مكان لأبي ناس لاشي
قيس : جا شنسوي واجبنه هذا اني اترخص قبل مايجي صكر ويمسعني عاد هسه يكتلني قبل ابو ريشه
فهد : الله وياك روح مودعين
نسر : ها فهد شمالك وجهك تصوفر
فهد : ولك نسر صكر رايح للموت برجلينه
الجد : وهوه داخل للديوان سمع حديث فهد ونسر
شنهو شبي حفيدي صكر
فهد : لا يبوي كلشي ماكو
الجد : اني مو ياهل (جاهل) وتضحك علي يفهد كولي شبو لصكر
فهد : بعد مااكدرت اجذب وسولفت اله
الجد : انه ابوك يافاضل ولدي بنص ألموت وانتم ماتعلمون
فهد : شنسوي يبه نخاف عليك
الجد : هذا الحجي ماينسكت عنه اخذ نسر وكم وأخذ وياك من ديرة وروح ورها صكر مااريد تردون وله صكر وياكم
فهد نسر: حاضر
نسر : طلعنه احنه َ3 زلم ويانه طبعا تسلحنه وطلعنه للمكان الي كال عليه قيس
ندى : جنت نايمه وتحلمت بصكر كاعد بمكان عبارة عن طلق ودم وهوه يركض بنص ويعيط وجنه اجت صوت طلقه وهوه وكع ع وجهه فزيت واني استهترت بقيت ادك والطم اتصلت عليه طلع مغلق لو اني تخبلت بقيت بي ابجي اريد خير يطمني عليه ماكو
صكر : طلعنه وتوجهنه للمكان جان عبارة عن غابه وبيه كرفان مو خلال الصوت عرفت موجودين جوه بقينه نراقب منا من تحت سيارة ونزل منه ابو ريشه كلت ولله طحت ومحد سمئ عليك
قيس : مو وقت تنطي أمثال كول هسه شنسوي والعدد هواي واحنه قليلن
صكر : شوف هسه هذول يستلمون البضاعه ويطلعون همه وحراسهم ويبقى ابو ريشه وحرسه ويقل العدد ونهجم
قيس : اباوع ع الي اجو يستلمون البضاعه لابسين زي عريس يعني مو عراقيين خرب بيك ابو ريشه يتعامل ويه دول ولله شويه ونسحبوا وصدك قلل العدد يمكن صار ب10 زلم
صكر : من شفتهم راحو غمضت عيني وكلت ربي انصرنه ع أعدائنه هجووووووووووممممممم
طفرنه عليهم وكعوا الحرس وابو ريشه طفر بسيارة هوه و2حراس ركضت وراهم واشوفلك سيارتين حاصرن سيارة مالته وصار اشتباك بيناتهم اباوع عليه هذا فهد نسر شجابهم هذول ابو ريشه شرد من سياره وركضت ورها بتجاهه الكرفان اني اجيت اطلع إله من ورها
قيس : شفت فهد ونسر اجو يمكن الله دزهم النه باوعت صكر شفته يركض ورها ابو ريشه ومااشوف إله ابو ريشه سحب قنبله وشمرهه ع الكرفان وصكر بالكرفان اباوع عليه شب من نار ركضت واني اصيييح ولكككك خوووويهه صكررر مااحسسس إله اجت طلقه بكتفي واباوع هذا ابو ريشه
صكر : شفته شمر قنبله الغبي كله ضنه اني هناك ماايدري بيه ورها شفته سحب سلاحه واجيت من ورها وصارت طلقه بخوي عزيز روحي قيس مااتحملت وجبته طلقه برأسه طاح ابو ريشه كدامي
نسر : شفت كدامي شلون صار الانفجار وقيس يصيح باسم صكر طحت ع رجليني كل ضني صكر بهذا الكرفان وهسه ماات مااشوف إله صكر يطلع من ورها الكرفان ويركض اتجاهه قيس منظر يقشعر إله جسم بحيث من تشوفه تكول الله يعين الي بجيش شون يصير هيج أشياء كدامهم يعني تخيل المنظر صكر يركض وهاي نار الي ورها شفت قيس وكع ركضنه عليه
صكر : شد حيلك يخوي لا تروح من أيدي وتكسر ظهري
قيس : خاب ع كيفك ماادري بيك عندك مشاعر كلشي مابيه هذا دجاجه جابه بكتفي لاتخاف مااموت وراك وراك
نسر : شبيك صكر ماتتدري بي عار مايموت
صكر : حظنته حسيت عبالك راح اخسرهه بعدين رفعت عيني ع نسر وفهد انتم شجابكم هنا
فهد ونسر : اثنيهنم اشرو ع قيس
صكر : هذا انته
قيس :. ولعباس ماكتلهم تعالوا بس انطيتهم المكان ماادري راح يجون
صكر : خايب اني جنت متحلف بأبو ريشه إله انتف ريشاته هسه انته الي انتفك
قيس : لا خويه داخل عليك وانته ابن شيوخ لاتردني
صكر : لو مو داخل لو طافر اليوم شيفكك ومال واحد من الجنود ميخالف سيدي خطيه هسه هوه متصوب خ يطيب وهوه بعدين عاقبه
قيس : هاهيه ع كولت حامد خ اتعافه خايبن هوه اني وحيد امي خ تفرح بعرسي
صكر : هوه من واكف بعيني غير امك لو ماامك جان من زمان طكيتك چيلة وخلصت منك
فهد : هسه عوفوا نقاش وانته صكر ارجع ويانه لأن ابوي معصب ولايصير بي شي
صكر : اي بس إبلاغ الجهات الأمنية واجي انتم هسه روحوا لا يجون ويشوفونكم ويصير تحقيق
فهد : خوش جا احنه راح نطلع كبلك وننتظرك مو ماتجي
صكر : عمي جاي ولعباس جاي خابرت الفوج مالتي تقريبا 5 دقايق وهمه يمي
النقيب علاء : نقيب صكر
صكر : احترامي
علاء : ليش ماكلت النه صكر
صكر : هاي العملية سرية ومو اي شخص يدخل بيه هسه اريد تاخذون جثة المتهم ابو ريشة واني اسعف ظابط قيس لأن تصوب
علاء : تمام الله وياكم
صكر : أخذت قيس وطول طريق يسولف خايب شني سالفتك سد حلكك ادري طكوك طلقه لو بلعوك راديو
قيس : شتريد اونسك بطريق واكول بسم الله لا تحسدني
صكر : احسدك ع شنو خالي 😒
قيس : لا سلامتك بس لاتعصب
صكر :وصلنا للمستشفى وكال مابي شي يعني بس بكتفه شخط ظمودوها وخيطو الجرح وطلعنه ذبيته ع أهله وطلعت لبيتنه اول مااوصلت لاكاني جدي وحظني
الجد : ليش هيج يولدي تروح لهيج مكان وهيج عالم ماتخاف من الله وماتكول
صكر : بست أيدهه وكلت شلون جدي اكول غير هذا شغلي
ابو صكر : صكر بويه ليش هيج تسوي بينه ماتكول امي ابوي خطيه هل امك مفرفحه
صكر : دخلت جوه واشوف امي ناصبه إله فاتحه كلت ها خيركم من المات.
ام صكر : يمممه صكر يبعد روحي وتبوس بي يمه كلت راح وليد من أيدي
الجدة : اسكتي يأمره اني شكلت مو كلت هذا أسد لاتخافين عليه هسه يرد الكم
ملاك : حبوبه علينه منو مساع شفته تبجي بالغرفه وتتدعي يرجع صكر
الجدة : خايبين كضولي هاي أم عطوب اريد اهلس عطوبج وحده وحده
صكر : عوفيه حبوبه معليج بيه غير من معزتي هل خايفه عليه
الجدة :اي ولله يمه شعندي غيرك انته نظر عيني
نسر : هاي جا واني
الجدة : انته بس تحرك بكلبي كلشي مابيك فايدة
نسر : مشكورة حبوبه
فهد : واحد منكم خابر علي وطمنه صكر اجه
صكر : من جابوا طاريهم كلبي فز من مكانه وتذكرت بنيتي يابويه هسه شلون حاله
نسر : لا محد هسه اني اخابرهه
ندى : كاعده بالحديقه ودموعي من وحدهن ينزلن وكلساع اتصل عليه يطلع مغلق من سمعت تليفون بابا اتصل وسمعته يكول اي الحمدلله هسه شلونه دخلت للبيت اركض ماما شنو بابا يخابر منو
الأم : خابرهه نسر الحمدلله صكر راجع وهسه هوه بيتهم وهذا المجرم لازمي
ندى : الحمدلله والشكر يربي خليت ايدي ع وجهي وبقيت ابجي
الأم : كولي ياالله بنيتي لاتفاولين ع الولد هسه هوه رجع والحمدلله تعالي اكلي شي
ندى : مااكدر ماما منا من اسمع صوتته واتاكد مابي شي شويه اجتني رسالة تليفونه نفتح صعدتت ركض للغرفه واتصلت عليه
صكر : الو
ندى :😭😭😭
صكر : ياالله شكو تبحين
ندى : عبالي راح يصير بيك شي
صكر : تخافين عليه ولج
ندى : شون لعد تعرف من البارحه مامخليه شي بحلكي
صكر : اكول هل تبحين ثاري ع الاكل ولله مو عليه
ندى : عليكم اثنينكم بس الاكل أكثر
صكر : يابويه يروحلج فدوه الاكل وصكر اثنينهم
ندى : كولي بيك شي خوما تأذيت
صكر : لا مابيه شي الحمدلله بس قيس صديقي تصوب
سرى : جنت رايحه الغرفه صكر أكله تعال تغدهه وسمعته هيج يكول حسيت كلبي يريد يطلع من مكانه ونزلت ركض غسلت وجهي هاي شبيج سرى شعليج بالولد تصوب مات شعليج لا اسم الله عليه يربي شنو هاي شبيه
ندى : ياعيني خطيه الحمدلله ع سلامتة حبييي
صكر : هاي عليمن حبيبي
ندى : للولد
صكر : ليش تخليني أجي هسه لاربيل افرك حلكج
ندى : لا ولله عود تخوفني اصلا مااخاف ويلا عيني بلا مطرود اريد اروح اكل بأي وسديت تليفون
شويه واجتني رساله كاتب
صكر (بسسسيطه ست ندى صارن اثنين سدت تليفون بوجهي وداعتج إله اطلعهن من خشمج وين تروحين طيرين اكضج اكضج)
ندى : نننن خاب دطير اخاف منك اني ولله ياربي شايف نفسه فد شوفه
براء : رحت ندى اشوفه لأن خطيه صار اله يومين حالته يرجى إله صعدتت فوك لكيته كاعده وتحجي ويه روحه ها خبالو شعندج
ندى : هذا صكر الخايس عباله اخاف منه
براء : ولجج انتي مخبله صاحيه منو صار اله يومين دك وتنوح عليه
ندى : انجبي معليج اصلا لا أحبه ولا شي هيج مجرد كسر خاطري وبس
براء : لا ولله انتي مو صاحيه
نادي : ولي عن وجهي اريد اكل نزلت جوه واحس شهيتي مفتوحة ع الاكل جان غدانه سمج حميته وطلعت طرشي وخبز وببسي وكعدتت أكلت.
صكر : ورها يومين دزو عليه الفرقة مالتنه تحظرت وطلعت جايين جميع ظباط المختصين بالفرقة ومن خلال المؤتمر الي سوها عرفت انو راح اتكافى صرت من نقيب صكر إلى الواء صكر وقيس من ظابط إلى نقيب وكرمونه ورئيس الوزراء جان موجود أخذت يوم ورجعت ثاني يوم لأهلي وجدي كال إله نسوي عزيمه يوم الخميس والكل ينعزم بعد شيخ صكر ترفع
ندى : كاعدين نتغدهه واجه بابا كال حظرو أنفسكم باجر نطلع للبصره
الأم : ليش
الأب : ابوي خابرني وعزمنه لأن صكر ترفع ومسوين وليمة جبيرة ولازم نكون حاظرين
ندى :بابا براء تروح ويانه مو
الأب : اي بابا اكيد
ندى :رحت ركض خابرته لجججج قردة راح نروح للبصره باجر
براء : ليشش
ندى : جدو عزمنه ع وليمة مااعرف شنو ماافهمت
براء : اني وياكم مو
ندى : لا ماناخذ قرود َيانه
براء : ايا حقيره عليه
ندى : اي عمي عليج وبعد رجا لا تخابريني ولا اخابرج ايعع شون ناس
براء : اني اعلمج يا حقيره بقيت افكر معقوله مااشوف نسر استغفر الله كاعدين واجه بابا كال هسه عمج علي حاجاني َكال براء تروح ويانه للبصره بأجر يردون يروحون
براء : طرت من الفرح
الأب : بس اني كتله ماتروح فشله بابا كلساع ترحين همه اهلهم
براء :🥺😢
الأم : خليه تروح ويه ندى
الأب :هوه علي يقنع بيه يكول علمود ندى
براء : اي بابا فدوه حباب خ اروح وياهم اتونس ولله هناك معدلين َطيبين
الأب : تمام تمام كافي يلا روحي حظري نفسج
براء: مااكولكم ع الفرحة البيه حظرت جنطتي ع سريع وانطاني بابا مصرف ورحت لندى
ندى؛: كاعد احظر بملابسي واجتي براء
براء : ع عنادج يا صخله راح اجي وياكم
ندى :اول شي ياقرده اعرف راح ترحين وثاني شي انتي صخله مو اني
براء : لا انتي صخله شكرة
ندى : نحبي براء
براء : خاب هسه سكتي كوليلي شون راح تروحين للحب وانتي معترفه إله 😉😉😉
ندى :هاااا
براء : وجعااا شعبالج حبيبتي هذا صكر هسه تلكينه ينتظرج لحظه لحظه
ندى : انجبي شنو هل كلام يلا نامي ورانه طلعه من وقت
براء : اي حبي راح انام وانتي فكري باجر تصبحين ع خير
ندى : شمرت عليه المخده نطمري خايسه
براء :😂😂😂😂
صكر : كاعدين بديوان وكال جدي
الجد : باجر عمكم علي يجي
صكر : فزيت من جابو طاريهم يجون كلهم لو بس عمي
الجد : لا وليدي كلهم
نسر : همسست لصكر هاااا باجر صكورة عدنه
صكر : من سمعت اسمه ابتسمت من يمي
نسر : اويلي يأبه ع الحببب
صكر : اسكت لا اكوملك شو انته فرحان لأن براء باجر تجي😉
نسر : بقيت صافن بوجهه صكر هاا اي لا شعليه بالبنيه
صكر : علينه نسر مو حافظك حفظ اني بس بعدني ماافارغ الك
نسر : ضحكت ودنكت هيج عشكي لهاي الخبله مفضوح يأبه شيجيب باجر
صكر : استاذنت منهم وكمت صعدتت انام فتحت تليفون وكتبت إله(من اكتلج مردج الي هل باجر تجين وبدال مالليوم نايمه بغرفتج بأحر بحظني واني اعلمج ع سدت التليفون إله اطلعهن من شفايفج الي ماينشبع منهن) دزيت وضحكت كلت هسه شيصير بيه 😂😂
ندى :بقيت اتكلب ا؛ فكر يحجي براء واجتني رسلله فتحته من صكر اني قريته وآله حتى بطني بقت توجعني يمممه بقيت اطك سن بسن شكد صاير منحرف شمرت تليفون ونمت مااكعدتت إله ع صوت ماما تكعد بينه
الأم : ولكن يلا مووتني ولله ترا نعوفكن ونروح
ندى : لا كعدتت لبست فستان تسعيني لون خردلي وسترة جلد اسود َحذاد اسود وجنطه سوده رفعت شعري كله ستوته
براء : لبست تنوره اسود َقميص احمر وبي خطوط اسود وحذاء احمر وجنطه حمره وسوت شعري ع شكل تسريحه بسيطه
ندى : طلعنه تقريباً ب٣ونص براء كالعاده نامت واني بقيت عيوني ع طريق وكلساع تجي بالي رسالة صكر وبطني تبقى توجعني من طلعت شمس ليست نظارات تقريبا ب١٢ احنه وصلنا براء كعدتت
براء : خطوات بيني وبين نسر احس كلبي يدك سررريع اباوع لندى طالعه قمة الاناقه الله يعين صكر نوب مخليه الستره بس ع كتوفه ونظارات فد شي شنو هل جمال عيني
ندى : أوي مرسي.
براء : لوما واكفين كدام بيت حدج إله اصوفر الج
ندى : علمود هاي الأسلحة الي شايلنه يضربوج بيه
براء : لا يمعوذه شنو سالفتكم ماتتحملون شقه
ندى :😂😂😂سحبتي كلامج
الأم : كافي يلا نزلن
صكر : كعدتت الصبح بدلت لبست دشداشه بيجي ولفيت الشماغ شلون جراوية وخليت عطر وأخذت سبحه ونزلت جوه لل12اجو وكفت سيارة نزل عمي سلم شويه وتفتح الباب نزلته ام ندى وبراء وشويه ونزلت هيه اباوع عليه قمة الجمال طالعه بنت الكلب وين اوديه شتسوي وشتلبس يطلع يخبل عليه نوب هاي نظارات شون كاعده عليه
ندى : من نزلت باوعت ع صكر طالع يخبل بس مبين عصبي يلا عادي هوه دوم هيج دخلنه جوه سلمت ع بيبي
الجدة : يمه يكردوشه صايره شحلاتج
ندى : بيبي ندوشه مو كردوشه
الجدة : هسه عيارتج يحبوبه شبيه كردوشه
ندى : مابي شي يخبل سلمت ع عمتي أم مريم ايعع شكد اكرهه وهيه سلمت من طرف خشمه ورحت للبنات
سرى : يمعوده ونبي اشتاقينه الجن
ندى : فديتج ونبي احنه همين
ملاك : خيه جناينه صايرات يخبلن
براء : ندى اوك جنتكم اني شكو
ملاك : خيه علينه هيه غير لنسر فديته حبيب اخته
براء : يا عزا خجلت
ندى : معقوله تخجلين انتي
براء : قابل مثلج انتي وهذا لسانج عبالك بيكيسي
ندى : نننه تغارين منه ترحيله فدوه شوي ودخل علوش
علوش : عمي اكول البصرة منورة اثاري صكوره هنا هيه والفاهيه
براء : هاي عليمن فاهيه
علوش : خايبه شبيج فاهيه ولا صكورة
ندى :اويي فدوه وشبيه صكوره عيني تسوهه عشر زلم بحالهم
صكر : ولله صح مااجذبتي
ندى : يمممه اسم الله
صكر : اباوع عليه تجنن نوب هاي العيون مخليه الهن كحل غير يكتلن شلونجن بويه
براء ندى : تمام
صكر : اي دومجن اي ست صكوره كملي من ذوله الزلم العشرة
ندى : علوش ونسر 😁😂
علوش : اني شعليه
ندى : غير انته حجيت تستاهل الرد
براء : ندى فدوه كافي شوفي صكر شون يباوع عليج ولله خفت منه
ندى : عادي شبيج تعلمي عليه هذا حماج المستقبلي هاي نظرته دائما لا تخافين صيري ريلاكس
صكر : شعندج بس تبسبسين
ندى : سلامتك عيوني انته
صكر :ذوبتني بكلمة منه بنت الكلب يابويه كون الزمج -احممم بويه سرى حظرن الغدهه نتغدهه يكول جدي كلنا بالهول الجبير
سرى : صار خويه.
ندى : طلعت للصاله وشفت جدو وعمامي ونسر سلمت عليهم
الجد : جدي بشريني نجحتي
ندى : بعد جدو ماطالعه النتائج
الجد : ها ربي يسهلج وتنجحين انتي زينه بالامتحانات
ندى : اي جدو الحمدلله
علوش : لا تخاف عليه هسه تلكاهه حفظت الكتاب كله
الجد : ضربه بالعوجية كول ماشاءالله احسن منك عاد
ندى : حيييل كبسه 😛
علوش : لا جدي صدك جذب تخلي صكورة تشمت بيه
الجد : هاي عزيزة رروحي تعالي بحظن جدج
ندى :كمت لجدو واني امشي بغرور ومن وصلت يم علوش هزيت كتفي وكعدتت بصف جدو وهوه حظني
صكر : حسيت نار شبت بضلوعي لازم هسه اني الي احظنه لازم هسه هيه بحظني
ندى : اباوع ع صكر يهز برجله هوه إذا متوتر يسوي هيج يمه اسم الله صعدتت فوك اغير ملابسي لبست تراك وردي وجاي اضم بملابسي ماحسيت إله الغرفه ينسد الباب نقفلت عبالي براء كتله لبسي مثلي هم تراكج الوردي ماحسيت إله احد حطني من ورها وعطر صكر بقيت متجمدة بمكاني
صكر : افيشششش يريحتج
ندى : صكرر
صكر : يبعد طوايف صكر
ندى : دفعت جاي تسوي لايجي احد
صكر : خ يجون اني ومرتي ماامسوي شي
ندى : من كال مرتي استحيت أوي فدوه تخبل بحلكه
صكر :ها بنتيتي اكو كلمة لازم تكولينه مو صحيح
ندى : عرفت شنو قصدهه كتله يا كلمة
صكر : كلمة من أربع حرف اريدج تكولينه
ندى : شنو هيه
صكر : ولجج كردوشه ع كولت حبوبتي لاتسوين روحج غشيمه
ندى : اووي صكر لا تكول انته هم كرودشه
صكر : من احترك صكر لاتكولين أوي ولج اني كوه كاض روحي لاتخليني اسوي شي
ندى : خوفني من كال هيج كتله يعني شنو تكتلني
صكر : صدك ضحكتني ههههههههه ولجج انتي ولله خبله راح تعلعلين كلبي
ندى : يا فدوه شون تضحك تخبل ضحكتك
صكر :مو احلى منج سحبته وحظنته
ندى : صكر كسرت اعضامي
صكر : اي اريد اكسرهن واسويهن مركة
ندى : ايععع شنو هاي مقزز
صكر : اروح فدوه للي يكول مقزز شبيج اصلا طعمهن طيب
ندى : يعني شنو انته تأكل لحم بشر
صكر : اي اني هناك بدوام الي يعصبني اذبحه واطبخه
ندى : هااا🥺🥺
صكر : اباوع عليه شويه وتبجي شكله صار يخبل كتله ايي جا شعبالج ديري بالج تعصبيني علمود مااكل لحمج عفته وطلعت لأن بس ابقى راح تضحكني منظره
ندى : يمهه هذا يخوف جني 😭😭
براء : صعدتت فوك ابدل وسحبني من أيدي نسر
نسر : اي نسر يا بعد روح نسر مشتاقلج َللججج
براء : حتى اني
نسر : يابويه اروح فدوه للي مشتاقلي
براء :كافي نسر ولله خجلت
نسر : سحبته وحظنته يابويه يريحتج اعشقه عشق
براء : من حطني احس كلبي راح يطلع من بين ضلوعي يمهه دفعته وطفرت فوك شفت صكر طالع من الغرفه ويضحك معقوله صكر يضحك 😮😯دخلت للغرفه واشوف هاي خايفه ها شبيج ولج
ندى : ولج صكر ياكل لحم بشر
براء : يععع من كلج.
ندى : هوه هسه كلي
براء : هههههه خايبه شبيج يجذب عليج هسه من أجيت شفته واكف بالباب ويضحك
ندى :هااا
براء :ولله يثوله هوه يصلي ومسلم ماياكل لحم بشر بس يجذب عليج يريد يخوفج
ندى : بسيطه اني أعلمه
براء : يلا خ ابدل وننزل جوه نتغدهه
ندى : تغدينه واني طفرت ليفوك رحت انام وبين وبينكم شردتت من المواعين مابيه حيل كعدتت الساعه ب10 بليل نزلت جوه لكبتهم كاعدين بالحديقه مساء الخير
الكل : مساء النوور
علوش : مغمي عليج صكوره شنو
ندى : اي ولله نعسانه
علوش : دومج نعسانه
ندى : ليش مظغوط مني
علوش : من جمالج جنج عكروكه
ندى : عكروكه شنو؟
علوش : يعني ضفدع
ندى : ايعععع ضفدع
علوش : أوي عيني اي ضفدع
براء وندى :🤣🤣🤣🤣🤣
براء : لك كلمة أوي تخبل بحلكك
علوش : شعبالجن لعد
ندى : كافي لا تشوف نفسك علينه
علوش : اسكتي لج صكوره ام السانين
ندى : هاي عليه
علوش : لا على ابوي
ندى : علوووشششش
صكر :ها صوَووتتت
علوش : اجه صكارج
ندى : انجب محد صكاري
فهد : شبيكم ولكم
ندى : كمت رحت يم عمو تقبل هذا علوش يكولي تشبيهن ضفدع
فهد : خايب علوش خاف الله هاي تشبهه ضفدع جا خايب انته تشبهمن
علوش : عمي شو امشو كافي عيوني الخضر اني
نسر : ترا ضفدع عيونه هم خضر
براء : 😂😂بوووم
علوش : حجت أم نص لسان
ندى : شوف عمو اني يكلي أن لسانين وبراء نص لسان
صكر : بهاي الولد مااجذب انتي بيكيسي شادة الج وبراء مسكينه ماتحجي كوه نسمع صوته
ندى : لا يغركم مظهرهه ترا لسانه عبالك مال دلالة
براء : يمعوده شبيج ترا يتشاقون
ندى : اي اعرف بس هذا الخايس يكلي أشبه ضفدع هسه لو غير شي بيه مجال
علوش: يلا ميخالف تشبيهين البريعصي
ندى : بريعصي شنو
علوش : خايبن هاي تماوع فوك راسي شكوله كالت شنو هذا
ندى : اي غير اعرف شنو هوه
نسر : يعني ابو بريص
ندى : اوووعععع يمه فدوه لحد يجيب اسمه ونبي اخاف منه اوعع
براء : لافدوه لاتجبب اسمه ترا ندى صدك تخاف من عندها
علوش : عمي خوش بعد مااحجي
ندى : كعدنه شويه اكلنه كيك وصعدنه فوك نام لأن باجر العزيمه مالتهم فرشت اسناني واجاني صكر
صكر : يلا كدامي
ندى : وين
صكر : نام
ندى : اي روح
صكر : انتي وياي يلا بلا كلام زايد
ندى : صعدت بدون مااحجي اصلا اني مشتاقه إله دخلت سد الباب اجه كبل حطني
صكر : احس حساسي بداخلي مدري شنو بس خايفه عليه من شي ماادري
ندى : بيك شي
صكر : احم لا ويلا كولي هاي الكلمة
ندى : اي كلمة
صكر : تعرفينه كلش زين
ندى : اييي عرفته هيه ا ك ر ه ك
صكر : سحبت من أيدهه وبسته من شفته بقيت اتفنن بيه وحسيت اتفاعلات وياي بقيت ابوس بيه ساعه اعضه
ندى : من باسني احس نفسي مثل العطشانه وصار هواي مشاربه مي حسيت نفسي مشتاقه إله
صكر : حسيته اختنكت سحبت نفسي كتله ها ولج شنو جنج مشتاقلي
ندى :لا منو يكول اصلا ولا مشتاقه الك
صكر : اي صح مبين من البوسة
ندى : صكررررر
صكر :عيونه
ندى : سحبت الغطه وغطيت راسي حسيت بيه اجه بصفي سحب راسي وخلاها ع أيدهه وحظني ونمت فزيت من نوم ع حلم جنه اني ميته مااعرف شنو وصكر يبجي وأهلي كلهم باوعت ع الساعه ب٤ونص شفت صكر شون نايم شكله يخبل عيونه كبار ورموشه طوال بقيت اتأمل بوجهه ماادري احس نفسي راح افاركه بقيت اباوع عليه وماحسيت شوكت نمت مااكعدتت إله ع صوت الباب فتحت عيوني شفت صكر ماكو باوعت ع ساعه ب٨ شويه وطلع صكر من الحمام
صكر : صباح الخير
ندى : صباح النور شوكت كعدتت
صكر : ب٦ كعدتت اجه الكصاب ذبحنه ٤ طليان وهسه اجه الطباخ عفت نسر واني أجيت اسبح
ندى : هااا اوكي
صكر : اريد شي
ندى : شنو
صكر :مثل بوسة البارحه
ندى : صكر لا تصير منحرف أجيت اكوم دفعني وصار فوكي صكر شدسوي لا يجي احد
صكر : خ يجي شمسوي اني مثلا
ندى : صكررر
صكر : ماتحملت قربة يمي كبل سحبته شفته بقيت ابوس بيه بعدين عضيته
ندى : ليش تعضني
صكر : حلالي وبكيفي
ندى : سخيف
صكر :ها عليمن
ندى : مو يمك. اجيت اكول اطلع وهوه واكف ع المراية كتله صكر إذا متت شنو تسوي
صكر : اهلهل راح اخلص منج
ندى : شمرت عليه المخده نايمه ع كلبك لا تخاف. عفته وطلعت حسيت نفسي نهضمت من كالي هيج اني ادري يشتاقه بس ماادري احس بدي ابجي دخلت للغرفه ماكو احد بدلت لبست فستان ابيض قصير وسويت ظفيرة هنديه ولبست كلادة صكر وحذاء ابيض ونزلت جوه صباح الخير
الكل : صباح النور
براء : فديت لابس ابيض
ندى : عمري
علوش : شنو هاي عيني صكوره طالعه إله بشدة
ندى : شعبالك عيني شدة ودفترين
علوش : نعالين لاتهنبلين علينه
ندى : ثول 😂
براء : 😂😂
علوش : صلوات ضحكت أم نص لسان
ندى : ترا خوش اسم
براء : انجبي نديوه
ندى : بقينه نسولف وتريكنا صارت ب١١صار الخطار يجون بحيث صار مي جاي كهوه اباوع ع صكر شون رافع الدشداشه فدوه يخبل
صكر : احس اكو شي بداخلي ع خوف اي عندي خوف بس من شنو ماادري اباوع ع الكهوجي هذا الجديد الي اجانه مامرتاح إله والي خوفني من شفت عندها سلاح كلت يمكن يحمي روحه بس مامرتاح إله
ندى : كاعده العب بتليفون واجتي رسالة من رقم ع الو اتس اب فتحته مكتوب
مجهول : انقذي صكر
ندى : منو حضرتك وشبي صكر
مجهول : هسه من مهم منو اني انقذني صكر حياته بخطر اكو شخص يريد يقتله تلكين صكر بالحديقه الخليفه لازم تبلغينه بأسرع وقت
ندى : حسيت رجليني مااكدر امشي بيهن كمت اسحب بنفسي َركضت فتحت الباب مال الحديقه البرا طبعا هيه كلششش جبيرة بقيت افتر واعيط باسم صكررر
صكر : دخلت للمطبخ ولكيتهم كلهم كاعدين بس ندى ماكو براء لعد ندى وين
براء : مااعرف شفته طلعت بالحديقه الخلفيه
صكر : عصبت شنو تتطلع هناك لا يشوفه واحد طلعت شفت الباب مفتوح وكفت وصحت ندى
ندى : سمعت صوته انداريت ولكيته واكف بالباب كتله وين جنت صكر اكو ناس تريد تقتل بعدني ماخلصت الكلمة وماحسيت إله شي حار صار بصدري باوعت اشوف دم ع فستاني
صكر : من حاجيته اندارت وكالت اكو ناس ومااسمع إله صوت طلقه اباوع منين اجت هاي طلقه واجتي عيني ع ندى لابسه فستان ابيض وصاير من جهة صدرهه كله احمر اباوع ع المنظر الكدامي شويه وطاحت ركضت عليه ندى ندى إذا هذا مقلب فتحي عيونج فدوه ندى لاتعوفيني ولججج بنتيي
أسد : كاعدين بديوان ع عزيمه بيت خالي وسمعنه صوت طلقه وشويه صوت صكر يصيح طلعنه الي بديوان كلنا نركض شفت منظر مايروح من بالي ابد صكر كاعد بالكاع ومددها بحظنه غزال البراري لمحت الضربه من سطح ركضت عليه اني وكم ولد
جواد : بعد صار كله عفتهم ومارحت الهم منا اليوم عزيمه شيخ النه استحيت اردهم ورحت من سمعنه المطلقه وركضنه ولن اشوف حوريتي بالكاع ولابسه ابيض وجهه صاير اصفر وكله دم كعدتت كدامه اباوع ع شكله
صكر : اهزز بيه كعدي ولججج لاتعوفيني ولله اموت بدونج ولله
ندى : إبتسمت وكلت هسه صار بيك تهلهل مو كلت إذا متى اهلهل
صكر : حجيه مقطع وكوه تنطق من كالت هيج حسيت نفسي خسرته بقيت اباوع بعيونه كتله شلون اهلهل واني بدونج حياتي سوده ولج لاتعوفيني
براء : كاعدين سمعنه صوت طلقه عادي مااهتمينه يمكن البرا ضربوهه بس سرى كالت صكر يصيح وهاي زلم كله تركض باوعت ع الكل موجود بس ندى ماادري حسيت اكو شي طلعت اركض وراي عمتي وشفت ندى بالكاع عبارهه عن دم وكعت من طولي وعمتي بقيت اعيط وتملخ بشعرهه عمو تخربط وكع وجد كذالك
صكر : غمضت عيونه لا بويه لا تغمضين فدوه لا ولكممممممم جيبوا سيارة شلته اركض بيه ونسر كدامي فتح السيارة وطلعنه كبل للمستشفى اكعد بيه ماكو حتى نفسه اختفى ولكك نسررر بسرعه راح تموت دخلنه كبل للطوارئ من شافو حالتي هيج استقبلونه اخذتوهه للعمليات كبل يمكن ٣ ساعات مرت واني ع وكفه وحده اباوع ع دشداشتي عباره عن دم وكلادة بيدي وآله آخر شي من ابتسمت الي نزل دموعي واني اتذكر كل لحظه وياهه شويه وطلع دكتور كال اني اسف سوينه الي علينه وادعولها تكوم خلال ٢٤ ساعه إذا مااكعدتت تتدخل غيبوبه
صكر : احس صاقعه طاحت ع راسي ماحسيت إله طحت
نسر : من شفت هذا ندى هيج نزلن دموعي عليه وآله ع أخوي مااجنه صكر هذا الجبل الي مايهمه اي شي شفته شلون نهار اخذنه علكنه إله مغذي طلع عندها انهيار عصبي اباوع علينه شلون نكلبنه خلال ساعه وهسه ندى بين الموت والحياة اباوع عليه من الشباك معلكين اجهززهه بجسمه الله يعينك يخوي صكر ع هذا المنظر

الكاتبه : وهسه يخلص البارت طبعا اليوم كلش طويل اريد تكولون ندى تموت لو لا وشلون راح تصير حياة صكر بدونه
إلى اللقاء فرولاتي ❤️