[Unicode]
ဝမ်မုနိုင်းနိုင်းနှင့် သွေးနှောကပြားဆယ်လီ
သားတစ်ယောက်ကို မွေးထားတယ်ဆိုတဲ့အိပ်မက်ကို မက်တာက တကယ့်ကိုကြောက်စရာကောင်းတဲ့ကိစ္စပင်။
ဆုနိုရဲ့အဝတ်တွေက ချွေးအေးတွေဖြင့် စိုရွှဲနေပြီး ကြောက်လန့်တကြားဖြင့် မျက်ခွံတွေ ပွင့်လာခဲ့သည်။
"နိုနို!" ဟန်ဝေ သူ့လက်တွေကို ဆုပ်ကိုင်လိုက်ပြီး "မင်းဘယ်လိုနေသေးလဲ?"
ဆုနိုကတော့ သူ့အိမ်မက်ထောင်ချောက်မှာပဲ ပိတ်မိနေဆဲဖြစ်သည်။
သူ ဒီလောက်ကြီးတဲ့ သားတစ်ယောက်ကို ဘယ်နေရာကနေများ မွေးလိုက်တာလဲ?သူ နှလုံးဖောက်လုနီးပါး လန့်ဖြန့်သွားရ၏။
"နိုနို?" သူ့ရဲ့မျှော်လင့်ချက်မဲ့နေတဲ့ မျက်ဝန်းတွေကို တွေ့တော့ ဟန်ဝေခင်ဗျာ ဗျာများနေရပြီ!
သူ့ခေါင်းကိုထိခိုက်သွားတာဆိုတော့ ချာတူးလန်နေတဲ့ရုပ်ရှင်တွေထဲကလို အတိတ်မေ့သွားတာများလား?
"အဲ့ဒီကလေးက ငါ့ကလေး လုံးဝမဖြစ်နိုင်ဘူး!"
ဆုနို ဒီအကြောင်းကို လုံးဝလက်မခံနိုင်ဘူး ဖြစ်နေသည်။
"ဘယ်ကလေးလဲ?"ဟန်ဝေ တွေဝေသွား၏။
"မင်းကလေးလား?"
"........"
ဆုနိုရဲ့ခေါင်းက အခုမှ နည်းနည်းကြည်လာရသည်။
"အစ်ကိုကြီးလား?ဘယ်လိုလုပ် ဒီကို ရောက်နေတာလဲ?"
"မင်း အကြီးအကျယ်ထိခိုက်သွားတယ်ဆိုတာကို ကြားတာနဲ့ ငါဒီကို ရောက်လာတာ"
ဟန်ဝေ အိပ်ယာခေါင်းရင်းက ခလုတ်ကို နှိပ်လိုက်သည်။ " ဆိုးဆိုးရွားရွား နာနေသေးလား?"
"ကျွန်တော့်ခေါင်းက နာနေတယ် ပြီးတော့ ကျွန်တော်ခြေထောက်က....အား!!!" ဆုနို မံမီစတိုင်ဖြစ်နေတဲ့ သူ့ခြေထောက်ကိုကြည့်ပြီး လန့်သွားရသည်။ "ကျွန်တော်ခြေထောက်..ဘာဖြစ်သွားတာလဲ!
"အရိုးကျိုးသွားတာ" ဟန်ဝေ သူ့ခြေထောက်ကို မျှော်လင့်ချက်မဲ့စွာ ကြည့်လိုက်သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
