[Unicode]
ကိုယ် ဖြေရှင်းလိုက်မယ်နှင့် cancel ခံလိုက်ရသည့် အလုပ်
မျှော်လင့်ထားသလိုပင် ထန်ရှောင်းယွီရဲ့ အဖြေမှာ....
"ဟန်ဝေ""ဟန်ဝေ?" ချိုးကျီယန် ဒါကိုကြားတော့ မျက်မှောင်ကျုံ့မိသည်။ "သူ့ကို ဘယ်လို ရန်စခဲ့တာလဲ?"
အခုမှ လူ့အသိုင်းအဝိုင်းထဲကို ဝင်လာတဲ့သူက ဟန်ဝေလိုလူမျိုးနဲ့ ဆက်သွယ်ဖို့ နည်းလမ်းက မရှိသင့်ဘူး။ သူတို့နှစ်ယောက်လုံးရဲ့ အခြေအနေ,နောက်ခံမိသားစုနဲ့ နောက်ကြောင်းတွေအရဆို ပိုလို့တောင် မဖြစ်သင့်ဘူး။
"အစ်ကိုကြီးဟန်ကို သိတယ်ပေါ့" ထန်ရှောင်းယွီ အံ့သြသွားရသည်။
"ဖျော်ဖြေရေးလုပ်ငန်းဆိုတာ လူအမျိုးမျိုးအထွေထွေ တွေစုနေတဲ့ အိတ်ကြီးတစ်လုံးပဲ။မင်း ဒီမှာ လုပ်သက်ကြာရင် သိလာပါလိမ့်မယ်" ချိုးကျီယန် ဆက်မေးလိုက်၏။ "သူ့နဲ့ ပဋိပက္ခ ဖြစ်ခဲ့တာလား?"
"အဲ့လိုမျိုး မဖြစ်ခဲ့ပါဘူး။အစက အစ်ကိုကြီးဟန်က သူ့နေရာမှာ လာလိမ်ဆော့နေတဲ့ လူလိမ်တွေကို ဖမ်းခိုင်းတာ။ကျွန်တော်တို့တတွေ အစပိုင်းတုန်းကတော့ အလုပ်လုပ်ကြတာ ကောင်းကောင်းမွန်မွန်ပါပဲ။ဒါပေမယ့် ကိစ္စလေးတစ်ခု ဖြစ်သွားတယ်" ထန်ရှောင်းယွီရဲ့ စိတ်အခြေအနေက ပြောနေရင်းနဲ့ ထိုးကျသွားတော့သည်။
"ဘာဖြစ်ခဲ့တာလဲ?" ချိုးကျီယန် မေးလိုက်သည်။
"ကျွန်တော် လူလိမ်တွေကို တမင်သက်သက် လွှတ်ပေးလိုက်တယ်" ထန်ရှောင်းယွီ သူ့ကို ကြည့်လိုက်ရင်း ဆက်ပြောလိုက်၏။
"နောက်တော့ အစ်ကိုကြီးဟန် သိသွားပြီး အဲ့ဒီအချိန်ကတည်းက လိုက်ရှာတော့တာပဲ။ဆေးရုံမှာတွေ့ခဲ့တဲ့ တစ်ခေါက်တုန်းကတော့ သူတို့တွေ ကျွန်တော့်ကို ဖမ်းမိသွားတယ်။ ဒါပေမယ့် အကြောင်းတစ်ခုခုကြောင့် ကျွန်တော့်ကို ပြန်လွှတ်ပေးလိုက်တာ "သာမာန်အားဖြင့် ဘော့စ် တစ်ယောက်နဲ့ ဒီလို ထိပ်တိုက်ရင်ဆိုင်ရပြီဆိုရင် အကြီးအကျယ် ထိခိုက်စေမှာပဲ။သေချာတာကတော့ သူတို့က အမာရွတ်လေးအနည်းငယ်နဲ့ ပြန်လွှတ်ပေးမှာမဟုတ်ဘူး!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...