ထိုနေ့နောက်ပိုင်း ကောင်းမြတ်ကတော့ တိမ်လေးကို အရိပ်တကြည့်ကြည့်လုပ်နေသည်။ တိမ်လေးနား ရစ်သီရစ်သီလုပ်နေတဲ့ ဝေဖုန်းကိုတော့ သူ ကြည့်မရ။ ရန်ဖြစ်တာကို သဘောမကျတဲ့ တိမ်လေးကြောင့်သာ ဒေါသကို အတတ်နိုင်ဆုံး ထိန်းထားရသည်။
တိမ်လေးကတော့ ဘာမှ မသိတာမို့ ပျော်ပျော်သာ နေသည်ကို တွေ့ရတော့ အနည်းငယ် စိတ်သက်သာရာရသည်။
တွေးနေတုန်းမှာပဲ
" အကို.. အကို "
" ........ "
" ဒီညလေ ခေါက်ဆွဲပြုတ်လေး စားရအောင်နော် "
" တိမ်လေး စားချင်လို့လား "
" ဟုတ်တယ် စားချင်လို့၊ ခုနကလေ အကို မင်းစစ်က သူအိမ်မှာ စားတာတွေ ပြောပြနေတာ အဲ့တာနဲ့ စားချင်သွားလို့ဗျ ဟီးးးးး "
" အင်း ညနေ ကျောင်းဆင်းရင် ခေါက်ဆွဲထုပ်ဝယ်ပြီး ပြန်မယ် "
" ဝါးးးး ကောင်းလိုက်တာ ခေါက်ဆွဲစားရတော့မယ် "
..............
ကျောင်းဆင်းတော့ တိမ်လေးသဘောအတိုင်း ခေါက်ဆွဲထုပ်ဝယ်ကာ အိမ်ပြန်လာရသည်။ အိမ်ရောက်တော့
" မားမား သား ဒီနေ့ ထမင်းမစားတော့ဘူး "
" ဘာလို့လဲ သား၊ နေမကောင်းဘူးလား "
" ကောင်းပါတယ် အကိုနဲ့ ခေါက်ဆွဲပြုတ်စားမလို့ "
" အေးပါ အေးပါ အများကြီးလည်း မစားကြနဲ့ဉီး "
" ဟုတ်ကဲ့ " ဆိုကာ တိမ်လေးကတော့ အပေါ်ထပ်အခန်းထဲ တက်သွားသည်။
ကောင်းမြတ် ဝယ်လာတဲ့ ခေါက်ဆွဲခြောက်ထုပ်ကို ယူကာ မီးဖိုချောင်ထဲဝင်လိုက်ပြီး အစားအစာထည့်တဲ့ ဗီဒိုထဲ ထည့်ထားလိုက်သည်။
ထိုစဉ်
" ကောင်းမြတ် "
" ဗျာ အန်တီ "
" အန်တီ သားကို ပြောစရာရှိလို့ "
" ဟုတ်ကဲ့ဗျ "
အန်တီက ရပ်နေရာမှ သူ့နားကို ရောက်လာပြီး ရုတ်တရက်ဆိုသလို ပွေ့ဖက်ခြင်း ခံလိုက်ရသည်။ ပြီးနောက် ပွေ့ဖက်ထားရာမှ ခွာကာ သူ့ရလြက်နှစ်ဖက်ကို ဆုပ်ကိုင်လာသည်။ အန်တီ့ကို သေချာကြည့်တော့ မျက်ရည်တွေ လဲ့နေတာမို့ အန်တီ ငိုနေသည်လားဟု တွေးလိုက်သည်။
![](https://img.wattpad.com/cover/279158723-288-k253075.jpg)
YOU ARE READING
" မြတ်နိုးရာ တိမ် "
Romanceမင်းမို့လို့ ချစ်မိတာပါ ကလေး ( ကောင်းမြတ်ကြည်သာ ) ကျွန်တော်က အကုိ့အတွက်ဆို ဘာလဲ ( တိမ်မိုးလျှံဝေ)