[Unicode]
ထင်ယောင်ထင်မှားတစ်ခုနှင့် နွေးထွေးတဲ့ ရေကန်ထဲက ဖားငယ်ကလေး
ကိုယ်ချစ်ရသူ ချက်ပြုတ်ပေးတဲ့ နေ့လည်စာထက် ဘယ်သူချက်ပေးတာကမှ အမှန်တကယ် ပိုကောင်းနိုင်ဖွယ်မရှိ။
"ဒါရိုက်တာကြီး ဒီနေ့အလုပ်မရှိဘူးလား?" ဆုနို သူ့ကိုအနောက်ကနေ ပွေ့ဖက်လိုက်ပြီး အလွန်ပင် စိတ်ကျေနပ်ပျော်ရွှင်နေပုံရသည်။
"ကိုယ်နေ့လည်မှာတော့ အစည်းအဝေးတစ်ခုရှိတယ်။ ဒါပေမယ့် ကိုယ်က မင်းနဲ့ခဏလောက်နေချင်တယ်"
အိုးရန်လုံ အပူချိန်ကို ပြန်လျှော့လိုက်ပြီး တစ်ဖက်ကိုလှည့်ကာ ပြန်ပွေ့ဖက်လိုက်သည်။ "မနေ့ညက မင်းကောင်းကောင်းအိပ်ပျော်ရဲ့လား?"
"အင်း.." ဆုနိုက အရမ်းကို နာခံတတ်သည့် ပုံစံလေးဖြင့် သူ့ရင်ခွင်ထဲကို ဝင်နားလိုက်သည်။သူ့ ရင်ခွင်ထဲမှာ မှီတွယ်နေရင်း သူရဲ့အစ်ကိုကြီးရဲ့ 'ညအိပ်မယ်'ဆိုတဲ့ ဆုံးဖြတ်ချက်ကို တွေးမိရင်း စိတ်ထဲမှာ ညည်းညူနေမိသည်။
အား..!အစ်ကိုကြီးသာ လာမအိပ်ဘူးဆိုရင် မနေ့ညကလိုပဲ သူ့ရဲ့ ခန့်ညားတဲ့ မစ္စတာဒါရိုက်တာကြီးရဲ့ ရင်ခွင်ထဲမှာ အိပ်လို့ရအုံးမှာကို! တကယ့်ကို ဝမ်းနည်းစရာပဲ!
"အဲ့ဒီနေရာလေးက မသက်မသာဖြစ်နေသေးလား?" သူ မနေ့ညတုန်းက နည်းနည်းလေး လက်လွန်ခြေလွန်ဖြစ်သွားသည့်အတွက် ဒီ့ကိစ္စနဲ့ ပတ်သက်ပြီး သူ အတော်လေး စိုးရိမ်နေမိသည်။
ဆုနို၏မျက်နှာမှာ ချက်ချင်းပင် ပူထူသွား၏။အဲ့-ဒီ-နေ-ရာ ဆိုတာ ဘယ်နေရာလဲ?!
"အဆင်ပြေလားသိရအောင် ကိုယ့်ကို စစ်ဆေးခွင့်ပြု။ဟုတ်ပြီလား?" အိုးရန်လုံ၏အသံက နူးညံ့သိမ်မွေ့လွန်းသည်။
ဆုနို ခေါင်းကိုခပ်ပြင်းပြင်းခါလိုက်သည်။
ဒါရိုက်တာက သက်ပြင်းချလိုက်ပြီး“ ကိုယ်မင်းကို စိတ်ပူလို့ပါ”
"တကယ်ကောင်းနေပါပြီ" ဆုနို၏နားတွေက နီရဲနေကာ သူမျက်နှာနှင့် အလွန်လိုက်ဖက်လို့နေသည်။ သူ့ရဲ့ပန်းသေးသေးလေး အကြောင်းကို ပေါ့ပေါ့ပါးပါး ပြောနေသလိုမျိုးမပြောနိုင်ဘူး!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
