بارت جديد من روايه
(قددري)
- باجر بس يصير عندي بنية وتكبر راح اتفقد عيونها اذا مورمات، راح اتفقد أيديها اذا جارحتهن، اريد انتبه على بحهه صوتها اذا بيها نبرة بجي، اريد اتفقد بالليل اذا دتبجي وحاطة ايديها على حلكها حتى محد يحس عليها ، اريد اتاكد أنو نبضات قلبها ميوجعنها، لما اريد اسألها شلونج ؟ ترد تمام و متكون داتجذب عليه وتبتسم ابتسامة مزيفة من بعد كلمه تمام، اريد اكون صديقها وحبيبها وبيت سرها اريد اعلمها أنو كتمان الوجع اكبر من الوجع نفسه 🥺💚.
...................
ورا ساعه اله شويه وكف مهند كدام بيت جبير ودك هورن طلع رامي فتح الباب
بس مجان بيت جدي..
دخل السياره ونزلت بهدوء اجه رامي سلم واخذ من خاطري ودخل
جرني مهند دخلني من المطبخ ورحنا ع صاله أبويه ومرته كاعدين
اجه احمد هم سلم وراح وملوكه ركضت لحضني مسحت ع رأسها
مريم.....مهند وديني لغرفه اريد ارتاح
اتجاهلتهم كانو مموجودين اصلا احس بلاعيمي متجرحه من العياط
مشيت وراه مهند متجاهلتهم وملاك ويايه تمشي صعدنا طابق ثاني
وراح ع غرفه صايره ركن وبصفها غرف ثنين
فتحها غرفه بناتيه مرتبه كلش
Oops! This image does not follow our content guidelines. To continue publishing, please remove it or upload a different image.
وبعد كلش ابسط من هيج بس جانت حلوه او اني عجبتني
مهند....مشيها هل فتره بهاي الغرفه ابين ما اشتريلج وحدا ثانيه
مريم....ماكو داعي هاي حلوه
دخلت ومهند راح نزعت الشال وشمرته كعدت ع فراش وانفجرت ابجي وملاك صافنه عليه
طلعت من الغرفه تركض كمت نزعت الجبه والحذاء وسديت البردات وشغلت السبلت
تمددت ع فراش ودموعي تنزل لحد ما غفيت جنت حيل ضايعه وتعبانه
مرت هاي الفتره بصعوبه ويا مرت أبويه الي بس انزل تتعارك هيه وخواتي
الولد احسن بس البنات كلش عندي خوات ثنين تؤام(سلا وهلا)
