بارت جديد من روايه
(قددري)
هو احسن شي الواحد يعيش لنفسه،
سواء كان وحده أو مع الشخص ألي يحبه،
بالحالتين لازم متنسون نفسكم وتضلون تحبوها وتنطوها اهتمام،
لان اذا أنفقد هذا الشي الشخص ألي مقابيلك ما راح يكدر يعوضك عن نقص حبك لذاتك..
................
مريم....لا محسيت انتي ما شفت الي شفته هيه جانت أبويه وامي اني يتيمه وهيه أبويه وامي وهسه ثنينهم راحو ماراح تحس بيه....
امير....كافي اهدي
امير....حاولت أجرها اهدئها كامت تبجي بصوت جريتها حضنتها
وثارت أكثر بس تريد أتركها تتلاوه وياي تريد اعوفها اخر شي
هدئت وكامت تاخذ نفس بقوه حضنتها زين كامت بجي حسيت بدموعها ع قميصي
عفتها تفرغ الي بداخلها لان مبينه تعبانه حيل ورا نص ساعه تقريبا سكتت بس بعدها الشهكه بيها
امير....أحسن هسه
مريم...لا تعبانه
امير....فتره وتعدي وتصيرين احسن من الاول
مريم...راسي يوجعني حيل صار يومين منايمه
امير....تردين انطيج مهدئ؟
مريم...اي اريد انام
امير....ماشي بس اريد تجاوبيني ع سؤالي بدون كذب
مجاوبت رجعت كلتلها
امير....شوكت آخر مرا شربتي مهدئ
مريم...قبل أسبوع يمكن
امير.....ليش مكلتي الي
مريم....ماعندي رقمك
امير....راح انطيج هل مرا بس بشرط من تريدين مهدئ تخابريني ومن اشوفج محتاجته مثل اليوم اني انطيج بايدي اتفقنا
مريم....اي
حركت السياره وطلعت المقبره وهيه تبجي بهدوء طول الطريق عيني عليها
رجعنا لحضره بل نجف وضلينا هناك لل10 بليل دخلت زارت وصلت
المغرب طلعنا حتى نرجع لبغداد قبل كلشي رحنا لمطعم اكلنا واشتريت الها براسيتول ومخليتها تشوفه وهمتها انو مهدئ وعبرت عليها وشربته
راسا شربته ونامت اسوق وعيني عليها وجها الي صاير احمر وخشمها
طبعا بكوه وصلنا بغداد من الازدحامات لل1 بليل خابرت مهند كتله وصلنا متأخرين راح اخذها لبيتنا
كال بعد احسن لان هوه اليوم مو بل بيت يطمئن عليها
وصلت لبيتنا ودخلت السياره وكعدتها حيل غافيه جانت
