قِــدري

بارت 16

بارت جديد من روايه

(قددري)

‏دائما خليك متفائل مهما قست عليك الظروف مهما صارت لك من مشاكل، مهماا خسرتت اشخاص ، مهما أنخذلت مهما صارت لك أشياء تطيحك ، دائما حُط ببالك كل شيء يصير لك"خيره" مُو صار لك مثلاً شيء تبدأ تسمح للحزن يتناثر بداخلك ، دائماً وأبداً شوف الشيء الصح وأمش عليه ، لا تسمع لقلبك أسمع لعقلك وخليك قوي علمودك و علمود نفسك 💜..

...................

امير...كافي حبيبتي لا تبجي اهدئي

شربت المي منه واني ارجف ودموعي صارت شلال

حط مي بايده وغسل وجهي احاول اسكت بس الشهكه بيه لحد ما هدئت حيل تعبانه

امير....

من حجتلي حيل استغربت اشلون كتمت بكلبها كل هل سنوات

هدئت من البجي ونامت سحبتها بحضني بنومتها كل شوي تشهك

اباوع عليها وجها احمر صاير من البجي وخرت شعرها عن وجها وحضنتها أكثر

شفتها غفت حيل استغليت نومها تقربت حطيت وجهي بركبتها وشميتها حيل

وخرت بسرعه حتى لا تكعد وتخاف مني بستها برأسها ونمت

محسيت لحد ثاني يوم الصبح بعدها نايمه يمي

بس نايمه ع بطنها وفاتحه رجليها ووجها ممبين بس شعر ولازمه البدي مالتي حيل

ضحكت عليها شلون نايمه جنها جاهله وخرت الشعر وطلعت وجها

هزيتها أكثر من مرا اريدها تكعد ماكو نايمه كلت اعوفها بعدها بل 9 مدام مرتاحه

كمت دخلت للحمام سبحت وطلعت بهدوء بدلت وطلعت من الغرفه

نزلت جوه امي تلكتني

امي ....مرتك وينها

امير....فوك نايمه

امي....شنو نايمه شسويت ولك

امير....شسوي شبيج نايمه

امي....تقربتلها

امير...لا يمه من هاي الناحيه اطمئني هيه فد مرا ميبستها

عفتها ورحت للصاله ابين ما يصير الريوك دك الجرص طلعت افتح

بيت خالتي ثريا وسما وياهم

امير....ها ولج ليش مكلتي الي قبل لا تباتين

خالتي....ولك شنو تاخذ إذن منك حتى تبات يمي

امير....لا خاله تفضلو يلا هلا بيكم اجيتي بوكتج مريتي يمي

خالتي ثريا....يا مريومه هنااا اي والله حيل مشتاقتلها