خيال ياتي الى اجفاني لارى منه جنتي
نعم هذه جنتي الدافئة فيها صوت حنون
فيها لمسة لطيفة فيها نظرة دافئة
فيها امان لا يعوض فيها كلمات لاتنتسى
فيها حياة حلوة وفيها اشخاص اغلى من في قبلك
بلى هذة ذكرياتي الجميلة
************************
🍁
ويا روحه اخواني الوضع ساء بل موصل وكل يومية نسمع شخص انقتل
اليوم الثاني من الشهر السادس
طلعنا الصبح لمحاضراتنا اسرافيل رجع دخل للبيت يجيب المحاضرات نساها
شفت وقفت سيارة انفتحت الباب وذبوا كونية يم الحاوية وراها راسا راحت طلع ايسو لمن شخطت السيارة انداريت اشوف شنو ذبوا ايسو سال
اسرافيل. شبي هذا شخط السيارة هيجي
ناز. مادري السيارة وكفت ذبت هذيج الكونية وشخطت
سكتنا يطلع منها شي احمر
اسرافيل. دا يصب منها دم لو شنو
راح يمها صحت بي. اسرافيل لا تروح يمها
اسرافيل. خل اشوف شنو ماسوي شي بس افتحه
مااعترضت راح ايسو يفتح الراس مال الكونية رحت ورا اشوف فتحنا وانصدمنا
صرخت مفجوعه من شفت داخله طلع وارينا على صوتي يشوفون شصاير كعدت بل كاع من صدمتي
ركض علي علينا بس هو باقي بل بيت شاف الكونية بيها جثة ابن جيرنا مقطعة وراسه يبين من بين الدم الي مغطي
رجف جسمه من عرفه هادي صديق قاسم جانو يطلعون ويطبون سوه قبل يومين كال قاسم مفقود ويدورون علي
مشهد مرعب امه شافته راسا وكعت ابو يدك عله راسه إخوانه يبجون يمه منظر رهيب كوموا الحجية وودوها للمستشفى اتصلوا بل شرطة وهمه دا يشيلون بل جثة احنه مصدومين شفت يوسف ركن سيارته ونزل يباوع على الوضع
اجه يمنا كال. علي بيكم شي
علي. لا يوسف مبينا شي
يوسف. حمدالله
علي. شصاير ليش هيجي انقتل هادي اعرفه معنده عداوات
يوسف. شكولك هاي الحالات كثرانه وكل يوم نلكي واحد لو مذبوح لو مقطعينه لو يرمون علي حتى يموت بمكانه انتو انتبهوا لاتطلعون لمكان وحدكم ولاتتاخرون
اندار علينا وكال. ليش انتو طالعين
اسرافيل. ذبوا هادي بطلعتنا من البيت
يوسف. شنو شفتوا
ناز. اني شفت كل شي لمن اجت السيارة وراحت
خزرني يوسف كال. لاتحجين اذا كالوا شفتي شي تكولين مشفت اي شي راح تطول السالفة وتصير جرجرة للمركز ماريد تفوتين للهوسة بليل اجي تحجيلي كل شي واني احلها من يمي
أنت تقرأ
تحت حطام داعش انت منقذي (قيد التعديل)
ChickLitبين مأساة الماضي وتحدي الحاضر ننقل لكم قصة عائلة موصلية في زمن تنظيمات ادعت الاسلام ودعت الناس اليه تنظيمات لم تجعل الرحمه طريقاً لها فقتلت تحت غطاء الدين واحتلت الارض مغرقة ايها بدماء الابرياء فماذا ستؤل اليه امور هذه العائلة بعد الجرائم التي حدثت...
