تحت حطام داعش انت منقذي (قيد التعديل)

البارت 45

‏سألت #أمّي ذات يومٍ: ما هو #الحبّ؟ ... فابتسمت وأجابت بحنانٍ: هو الذي بيني وبينك يا #ولدي ... ولم أجد من يومها إجابةً أصدق منها💜

انمار🌼
**********************

انصدمت من حجي ميس واخذت صفنه مرتبه على حجيها

ميس. ولج ماتدرين رحيم طلع يكبسل ويتعاطه وذاك اليوم متهجم على نور وابو اسد تخبل كال اكتله دمه مهدور

-صخام الصخمني هاي شوكت

ميس. قبل شي اسبوع والقهر امه العايقة تحجي على نور وخاله ام اسد تخبلت تتعارك وياها وكل دقيقة عركه من الروس

-يبوو ولج ذوله شنو من عائلة وابو شسوه لمن عرف بابنه هيجي

ميس. ههههه ابو طرطور لا يحل ولايربط كام يزامط كدام خالج ويكول اسوي هيج وهيج تالي كلشي ماسوه

-هذا من يوم يومه مطي على كوله اخوي

ميس. اي وولج متتت واني اشوفه لا يحل ولا يربط شنو من بشر كمت اسب بي واغلط علي بكلبي لمن اشوفه مو جهره استغفر الله

-لعد شلون قبل خالي موسى على قيس وهذا وضع البيت

ميس. من ورا السالفة حته مافكر يدري بعمو اسماعيل وتربيته شنو

-اي وشصار هم لا تظمين سوالف

ميس. هههههه ولج وين اضم اني.. ها اي رضا راح يخطب

-يا منو

ميس. مادري وفرحه متخبله لان ماياخذ بنات خواله

-اي حته يطكونه بسحر

ميس. اي ينخاف منهم بس الخبر الي فرحني فهد زواجه بهاي الايام ويا عقد قيس وهيثم

-يا الف مبروك فرحتلهم يستاهل فهد اشو همه فد مره قررو يتزوجون

ميس. هههههههه انفكت عقدتهم سوه.. اوي ولج بعد اكو احداث اني ماعرفها لان جنت اقره

-هاي جنتي تقرين وعندج كل هل الاحداث لو مااتقرين شلون

ميس. انجبي صوجي دا احجيلج

-ههههه لا فديتج شسوي بدونج

-صبغي بعد صبغي

-على فكره يمته تطلع نتائجكم

ميس. ورا اسبوع كالو

-زين ليا ومحمد وينهم

ميس. ها ليا ببيت جدي ومحمد نايم

-اها راح اجي ويا قيس لمن ينزل

ميس. تمام انتضرج

-تمام حبي اني اروح اتصل على نور اطمن عليها

سديته وكمت يم البنات جانو ينظفون المطبخ

-اساعدكم بشي

مريم. اي والله تعالي كشري بتيته وكطعيها عمري