كن حرا مهما تاتي لك من صعاب
كن طيبا مهما واجهت من اساءات
كن رحيما حتى يرحمك الله
كن شجاعا لا يهاب غير الله
كن فطنا تنجو من مصاعب الدنيا
كن ذكيا ترى الناس على اصلهم
كن وفيا تبقى ذكراك مسكا في عقول الطيبين
كن شهما يذكر اسمك بين المنقذين
كن في العشق مثالا يذكره الشاهدون
كن سيفا لا يرضى بغير الحق على رقاب السيئين
كن ذكرى تكتب بسطور من ذهب ليراها العالم اجمع
رسالة تذكرنا بشهداء كانهم نسيم مسك يمر على خواطرنا وبطولتهم لا تزال تصول في ميادين التاريخ فرحمة على جميعهم 🌼
***********************
مع بزوغ الفجر على أرضنا و تتبعها نسمات تلفح على وجوهنا وقوة نابعة من قدرة إلهية على تحملنا لحد الان كانت ولا زالت قصة نضال نرويها لأبنائنا لنبين ماذا عانينا وماذا رأينا حاملين معنا احزاننا من أجل غد أفضل وأمل في رب كريم
ابتسمت من تذكرتهم شكد مشتاقه لاخواني مشتاقه لكعداتنا وايامنا وونستنا
قاطعني عن تفكيري يوسف. بشنو تفكرين
ابتسمت. بخواني كلش مشتاقتلهم
يوسف. مابقه شي راح تشوفيهم
سكت شويه ولزم ايدي يضحك. اكولج يحلوه
ضحكت. كول ياحلو
يوسف. اول مانطلع نتزوج خاف تكولين ننتظر
انداريت علي مبتسمة. اخواني ميرضون
يوسف. لا تخليني اسب اخوانج خلو بكلبي عله نتزوج يعني نتزوج واذا ماقبلوا اخذج وانهزم
ضحكت. بس باقي تنهزم وياي اصبر شويه
عصر ايدي وكال بحركه. لا شويه ولا هواية كتلج نطلع اليوم ورا اسبوع متزوجين
رفعت حاجبي. وين نكعد بل حديقة
اندار. ماعليج اني ادبر بس انتي وافقي
هزيت راسي بضحكه. يابه موافقه بس فك ياخه
ضربني على جتفي حسيته وكع. شو ماعاجبج
لزمت جتفي مصدومة. يوسف جتفي راح ايدك حديد
ضحك يمسد عليها رجعت كلت. ليش ماعاجبني شاب حلو وعنده راتب ويحبني بعد شريد
يوسف. اي بعد شتردين اكو احسن مني
ناز. لا ماكو اصدار محدود
ضحكنا بين حجينا حسيت بشي دخل بكتفي ووكعت على وجهي لحظات وانشاليت بيد يوسف و شال عشق بيده الثانية احس بوجع يضرب براسي بس من هول الموقف لازمه راس يوسف خايفة لا يصير بي شي
بين أصوات الطلقات وكل دقيقة واحد احسه يجي من يمي وبين ركض يوسف الي ماوكف ابد بجيت أصيح. يااباالحسن ياعليييي
YOU ARE READING
تحت حطام داعش انت منقذي (قيد التعديل)
ChickLitبين مأساة الماضي وتحدي الحاضر ننقل لكم قصة عائلة موصلية في زمن تنظيمات ادعت الاسلام ودعت الناس اليه تنظيمات لم تجعل الرحمه طريقاً لها فقتلت تحت غطاء الدين واحتلت الارض مغرقة ايها بدماء الابرياء فماذا ستؤل اليه امور هذه العائلة بعد الجرائم التي حدثت...
