[Unicode]
အခန်း(၅၃.၂):ကျွန်တော့်အိမ်ကို မလာနဲ့ နှင့် မမျှော်လင့်ထားသည့် အလှည့်အပြောင်း
[အပိုင်း-၂]
ဆုနိုသည် ပင်ပန်းနွမ်းနယ်မှုမရှိဘဲ အိပ်ရာပေါ်တွင်လဲလျောင်းနေသည်။ ဘာကြောင့်လဲဆိုတော့ သူ
မစ္စတာဒါရိုက်တာဆီကို စာပို့ရမလား?မပို့ရဘူးလား?ဆိုတာကို ဝေခွဲမရ ဖြစ်နေလို့ပါပဲ။
အား!!တကယ့်ကို စိတ်ရှုပ်စရာပဲ!
သူ ဆယ်မိနစ်လောက် ယောက်ယက်ခတ်နေပြီးနောက် ကျုံးလီဖုန်းပိုင်ကို ဖုန်းခေါ်ဖို့သာ ဆုံးဖြတ်လိုက်တော့သည်။ ညဥ့်ဦးယံမှာ ရင်ဖွင့်စကားတွေ ပြောဖို့က သင့်တော်တယ်လေ!
"ဟဲလို....နိုနို" ဒါရိုက်တာကျုံးက အလွန်ပင် လျင်မြန်စွာ ဖုန်းကိုင်လိုက်သည်။
မုချိုးသည် သူ့နံဘေးမှာ လည်ပင်းကိုဆန့်၍ သူတို့စကားပြောဆိုနေသည်ကို ကြားနိုင်ရန် ကြိုးစားနေသည်။ တကယ့်ကို မတော်မတရားလုပ်မယ့်သူလိုပင်။
စိတ်ပျက်စရာမျက်နှာဖြင့် ဒါရိုက်တာကျုံး သူ့ခေါင်းကို တွန်းဖယ်လိုက်သည်။မစ္စတာမုက အလွန်ပင် စိတ်လှုပ်ရှားသွားသည်။
"ဟုတ်တယ်...... ငါ။ " ဆုနို စောင့်အောက်ထဲကနေ ပြောလိုက်သည်။ "မင်းဘာလုပ်တာလဲ?" သေးသေးမွှားမွှားစကားလေးတွေနဲ့ စလိုက်တာက စကားလမ်းကြောင်းပြောင်းဖို့ နည်းလမ်းကောင်းတစ်ခုပဲ!
"ငါ ညကောင်းကင်ကို ကြည့်နေတာ " ကျုံးလီဖုန်းပိုင်က အနုပညာရှင်တစ်ယောက်လို ပြောလိုက်သည်။
မုချိုး စိတ်ထဲမှာ အထွန့်တက်လိုက်သည်။ သူနှင့်အတူ checkers(ချက်ပြားဂိမ်း-ကိုယ်တွေဘက်မှာတော့ အာ့လိုပဲ ခေါ်ကြတယ်) ကစားနေတာ ရှင်းနေတာကို။ ဒါပေမယ့် သူ ဒါကိုရှင်းရှင်းလင်းလင်း ထုတ်ပြီးတော့ မပြောနိုင်ပါဘူး!
"........"
"ငါမင်းကို မေးစရာရှိတယ်။ " ဆုနို စိတ်ကို ငြိမ်အောင် လျှော့ထားလိုက်ပြီးတော့ ၎င်းအား တိတ်တိတ်ဆိတ်ဆိတ်နေရန် သေချာစေခဲ့သည်။
"ဘာလဲ?" ကျုံးလီဖုန်းပိုင်က မုချိုး၏ခေါင်းကိုအတင်းတွန်းဖယ်ရင်း - ခေါင်းကိုလာမှီဖို့မကြိုးစားနဲ့။ နှာဘူးကောင်!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
