شقيق الروح (مكتمله )

البارت العاشر

كل واحد فينا بيكون له تأثير قوي علي كل الناس المحيطه بيه لو اللي جواك كان سئ بسبب افعال البعض ف ستعالجه الايام وليس من حولك لا تطلق السلبيات بداخلك علي الاصدقاء والاهل
الايام تقسو كثيرا والاهل احيانا كثيره يظهرون القسوة ويتعمدون الاهمال حتي الاصدقاء لا تأمنهم ف ان يتحملوك اليوم يهجرونك غدا
روحك مستنزفه عالجها دون اللجوء ل احد وان عرض احدهم المساعده انتهز الفرصه ولكن احذر ان تزيد عن الحد ف لكل منا مشاكل وهموم نحتاج ان نزيحها عن كاهلنا فلا تزيد من هموم غيرك دوما حاول ان تجعل ذكراك علي لسان الجميع انك خفيف الروح تحلو منك النصيحه وصحبتك تدوم ولا يشبع منها
ياسين طلب اميره والوقت كان متأخر
اميره بنوم: الوو
ياسين بصوت ضعيف مكتوم: اميره محتاجلك
نهضت اميره قليلا واعتدلت: انت فين؟
ياسين: انا تحت البيت عندك بالعربيه ممكن تنزلي
اميره: طيب حاضر هغير هدومي واجي
اميره بدلت ثياب نومها بثياب اخري ونزلت صعدت للسياره
اميره شهقت بصدمه وهي تحاوط وجهه ياسين بكفيها: ياسين ياحبيبي مالك؟  فيك اي؟ عينيك حمرا اوي وشكلك تعبان انت حاسس ب اي؟
ياسين تنازل عن كبريائه وعن كل القيود المحاطه بعنقه وبكي وظلت اميره متمسكه بكفه محاوله تهدئته
بعد برهه هدأ ياسين: انا تعبت اوي بجد هوا ليه مش عايز يبعد عني انا مش هسامحه خلاص
اميره: ياحبيبي اهدي بس ده ابوك هتعمل ايه يعني
ياسين: ابويا اللي خدني من الملجأ ورباني انا معرفش غيره الله يرحمه ده بقا جايلي ليه دلوقتي لسه فاكر ان له ابن
اميره: خلاص اهدي طيب واللي انت عايزة اعمله
ياسين: انا مبقتش عارف حتي انا عايز اي
اميره: طيب عشان خاطري بلاش تعمل في نفسك كده
ياسين استفاق قليلا ومسح وجهه وتكلم بجحود ونبره غير طبيعته: اطلعي نامي وبعدين نتكلم
اميره: لا طبعا انا مش هسيبك
ياسين: انتي عارفه اني مبحبش الصعبنيات مش عشان بينت ضعفي ليكي هتعملي كده
اميره: يااه اي الحساسيه دي كلها....  من امتي بينا كلمه ضعف دي....  احنا من اول يوم اتعرفنا ببعض قولنا ان احنا مش عايزين نخبي حاجه ولا يكون في بينا حدود بس طالمه كده تمام براحتك تصبح علي خير ونزلت واغلقت باب السياره بعنف والقت بنفسها علي التخت مستسلمه ل نوبه عياط
بيري صحيت علي صوتها حاولت تعرف مالها
اميره بصوت مخنوق: سبيني ف حالي
بيري: يبنتي يمكن حلمتي ب كابوس
اميره: روحي نامى بقا
بيري شدتها بعنف: في اي مالك؟
اميره احتضنتها حتي غفت  بيري مرضتيش تضغط عليها ونامت بجوارها افضل

عز وحياه
حياه: ريهام حامل ومش عارفه تقول ل احمد 😂😂😂
عز: نعم!!  ده التالت الراجل هيطب ساكت والله 😂
حياه: ده رزق بتاع ربنا حد يكره
عز قبل رأسها: لا يروحي انا عن نفسي ربنا يرزقني بدسته عيال يارب... لكن احمد متمرمط جامد والله
حياه: كلنا والله متمرمطين كلنا بنشتغل اكتر مابنتكلم سوا
عز بتخيل: نهااار اسود ده هيبقي مفجوع
حياه: اي
عز بضحك: لا ولا حاجه اصل احمد واحنا بنتغدي مع عبدالرحمن اكل اتنين بيتزا لارج وكان جعان بحجه ان عنده عيلين تفتكري بعد التالت هيتحول زومبي بقا ولا اي
حياه مقدرتش ترد من كتر الضحك 
حياه: لا بجد مش قادره والله 😂
واكملت
حياه: هنزل الشغل امتى
عز: مش سمعتي الدكتوره بنفسك
حياه: يعني مش هنزل
عز: كل الورق هيجيلك هنا والصبح وانا نازل هبعت البنات عندك بالفطار تفتطرو سوا وبيري تعمل الغدا هنا وممكن يعني ممكن تروحي محل الورد بس
حياه قبلت خده بفرحه: بحبك اوى اوى والله ♥
عز احتضنها: بحبك ❤
عاصم سهران طول الليل بيكمل تجهيزات شقته الصغيره
يجلس على كرسي ويكتب في كتاب ماتم وماينقص
عاصم لنفسه: عااش والله خلاص مفضلش غير الفرش يعني بيري والبنات مش هيكملو يومين وهكون اتجوزت يعني فرحي كمان 3ايام 
عاصم اتصل ب ياسين: اي يابني انت فين
ياسين: فالشارع
عاصم نظر لساعته: الساعه 3الفجر يبني انت كمان بتخلص شقتك زيي
ياسين: لاء
عاصم: بقولك ايه طيب انت فين اجيلك
ياسين: استني خليك هجيلك انا
فات حوالي ربع ساعه
عاصم اتخض من منظر ياسين ولم يعلق
عاصم: تشرب قهوه؟
ياسين: ياريت
عاصم: انت شارب حاجه
ياسين: يعني علي خفيف كده
عاصم: يراجل ده انا بقولها بهزار طيب ليه يبني كده
ياسين: كنت عايز انسي عايز اعيش في دنيا غير دي ولقيت نفسي مع الهباب ده ....  اميره متعرفش حاجه عن الموضوع ده تمام
عاصم: اكيد طبعا
ياسين: والله مانا عارف هي هتكمل معايا ولا لاء
عاصم: ليه بس حصل اي؟
حكي ياسين ماحدث وهو يأخذ عده رشفات من القهوة ليزيد الكافيين من معدل تركيزه
عاصم: يعني انتو زمان كنتو ازاى طيب
ياسين: هفهمك........ بص ياسيدي انا و اميره كنا زمايل ف كليه الهندسه من اول ما اتعرفنا كنا اخوات واصحاب ف سنه تانيه انا اعترفتلها  بحبي وصورت اليوم ده عشان نفضل فاكرينو من يوم ارتباطنا خدنا عهد علي نفسنا  اننا مش هنخبي حاجه ولا هنعمل التمثيليه بتاعت المخطوبين وبعد الجواز نتفاجئ ببعض قررنا اننا نتعامل بكل الموافق ونزعق ونطلع اللي جوانا سوا وانهارده انا لما روحتلها وجعتها بالكلام وقولتلها مش عايز ابين ضعفي قدامك وبس النقطه دي معناها ان عهدنا مع بعض دلوقتي ملوش معني لأن انا عمري ما داريت ضعفي عنها هي كانت ام واخت وصاحب وحبيبه وكل واحد من دول ملهوش دعوه ب اميره ودي كانت اجمل حاجه بس انا بوظت الدنيا ومش عارف هصلح النيله دي ازاى
عاصم: دي يتعملها تمثال والله انت تستاهل قطع رقبتك بس معلش تعالي نصلي الفجر وتبقي تقولي اعترفتلها ازاى وبعدها تطلع تصالحها قبل ماتروح الشغل
ياسين: بص احنا هنصلي واطلع انام شويه عشان مش شايف قدامي اما بقي اعترفتلها ازاى ده هتعرفه كمان 3 ايام بالظبط يوم فرحي
عاصم: حتي فرحي مظبطه معايا اي ده 😒
ياسين ابعده  بعنف: يا اخي هي ناقصه تناحه اتجوز ف اي يوم محبكتش يعني.....  يلا قدامي نلحق الركعتين
ياسين وقف تحت بيت اميره  ومسك ميكرفون
ياسين: اميره....  اميره..    خلاص ذنب الناس كلها ف رقبتك وانتي عارفه صوتي وحش...  وبحبك وحشتيني بحبك وانتي نوووور عيني ده وانتي مطلعه عييييني بحبك مووووووت وكإن الوقت في بعدك واقف مبيمشيش
عاصم طلع فوق خبط عالباب ودخل ل اميره: يبنتي والله كان مش طبيعي معلش حقك عليا انا
اميره: مش طبيعي ازاى يعني؟ اي كان شارب وديني لتكون بنهايه اللي بينا
عاصم اترددت وتعثر في كلامه: خلاص بقا علي ضمانتي المره دي ده احنا كده كلنا هنتجوز كمان 3 ايام فكيها بقا
خرجت اميره تنظر من  الشباك
ياسين: بحبك يا اميره والله بحبك
اميره: وانا كمان بحبك وبموت فيك والله
ياسين: نتجوز بعد بكره ولا والله اتجوزك دلوقتي
اميره بضحك: لا خلاص بعد بكره كويس
اميره بضحك صرخت: مجنوووووون
ياسين كان طلع لها فوقف في ضهرها قائلا: يعني هوا اللي يتوه في حبك يبقي عاقل ده انا ابصم بالعشره اني اتجننت رسمي
اميره حاوطت عنقه بدلال: بس مالك مش هيعيش معانا غير بعد شهر العسل بشويه ممكن
ياسين: انتى تؤمرى حاجه تانيه؟
اميره: لاء وصلني ل حياه عشان نخلص شوية حاجات كده ونطلع نفرش الشقه بتاعتي انا وبيري
بيري: انا رأيي انا وريهام علي شقتي وانتي وشروق علي شقتك عز هيموتنا لو حياة حصلها حاجه
عاصم: وجه نظر بردو... طيب يلا نفطر ونشرب القهوة عشان نلحق اليوم من اوله