لما بنغلط مش ضروري نعترف بغلطنا بس عالاقل نصلح الغلط ده
الخطأ مثل عود ثقاب بعد اشعاله تزداد الحرائق تباعا هكذا الخطأ ان لم تعتذر عنه او تصلحه يتزايد بصوره غير طبيعيه بالمزيد من الاخطاء
وصلت اميره ل بيت البنات مع عاصم
عاصم: اميره بخير متتخضوش سيبوها ترتاح شويه
بيري: طب وانت رايح فين؟
عاصم: عز محتاجني هخلص معاه وارجع علطول مش هتأخر خدي بالك من نفسك ومن الامير الصغنن اللي هنا وقبل رأسها وخرج
شروق انتظرت قليلا وقالت: طيب براحه بس قوليلينا مالك؟ حصل اي؟
اميرة كادت تتكلم حتي وصلت لها رساله علي الهاتف نظرت لهاتفها بصدمه وهي تقرأ ( انهارده اتفقت مع عز نكتب الكتاب ومش مهم لو عملنا حفله صغيره كده وتنتقلي علي بيتي بعدها..... فستانك علي وصول يا عروسه )
اميره قذفت الهاتف علي الارض بعصبيه وبكت بكل ماتبقي من قوتها
التقطت ريهام الهاتف والحمدلله مازال يعمل ف قرإت الرساله
ريهام: بت هوا عملك اي؟ انطقي! ..... مفيش واحده طبيعيه ترمي الفون كده عشان عريسها بيبلغها بفرحهم
حياه: خلاص يا بنات براحتها لو مش عاوزه تكمل خلاص
شروق: مش عاوزه يعني ايه؟ هوا عشان ياسين رجع وقالها كلمتين تعمل كده
اميره صرخت فيهم: بس بقا كفااايه ارحموني.... محدش فيكم بيسأل فيا اصلا ولا حاسين بكل اللي انا عيشته انا هتجوز صالح ومحدش فيكم يكلمني ولا له دعوه بيا بعد انهارده
لما يبعت الفستان دخلوه الاوضه ومش عايزة اشوف وش واحده فيكم وقامت من امامهم
بيري: في حد يعمل كده يا شرووق بردو... انتي عارفه هي وياسين كانو مع بعض ازاى ويستحيل كام شهر وتتجاوز ليه تجرحيها كده
حياه: الموضوع مش ياسين وبس صالح غلط واضح جدا من كلامها عليه
بيري: ماهو اللي هيتكلم لازم حد من الشباب ودي مهمتك يا حياه
حياه: لا دي مهمه ريهام انا وعز مش تمام من فتره بقا عصبي اووي خصوصا تعب العلاج الطبيعي اللي مفيهوش تحسن ده
ربطت ريهام علي ضهر حياه واحتضنتها: كله هيبقي تمام ان شاءلله متقلقيش كله حاجه هتعدي
شروق: ثانيه بس المتخلفه اللي فوق دي فرحها انهارده قومو نشوف هنلبس اي
حياه: متقلقيش نشوف المهم بس
عز والشباب وصلو البيت
عز: اميره فين؟
حياه: عز طمني الاول في اي البنات شدو سوا وهي هتتجوز صالح انهارده بس شكلها زعلانه في اي فهمني
عز: مش هتتجوزه وحتي لو حصل مش هتتحرك من البيت ده
ريهام: طيب فهمونا في اي
احمد: هتفهموا بس بعدها تحضرو الفرح قدام النااس كأنكم متعرفوش اللي سمعتوه وبعد الفرح هي هتكون هنا
عز حكا كل حاجه حصلت
حياه: عز! انت بجد معملتش معاه حاجه
عاصم: بعد الفرح هنعمل كل حاجه متقلقيش مش هنسيب حقها يروح كده
شروق: انا قسيت عليها بجد صعبانه عليا
عبدالرحمن: المهم دلوقتي ان محدش ف المعازيم والصحافه تحس بحاجه عشان لو حصل حاجه بعدين محدش فينا يتسجن
حياه: خلاص حاضر... ريهام لو مش قادره تنزلي بلاش
عز: لا لا كلنا هننزل يلا اطلعو اجهزو
أنت تقرأ
شقيق الروح (مكتمله )
Randomاحاط به الظلام من كل اتجاه حتي اضاءت حياه بنور قلبها حياته اعادت له الحياه وملاءت قلبه واناست روحه فعشقها واصبحت روحها ل روحه شقيق 👑
