[Unicode]
အခန်း(၅၇):ဘယ်ဟိုတယ်မှာလဲ နှင့် ကျွန်တော် လာရှာမယ်
"မင်း ဆုနိုကို သွားခေါ်မလို့လား?" ဒီသတင်းကိုကြားတော့ မုချိုး အရမ်းအံ့သြသွားသည်။ ဘာလို့လဲဆိုတော့ မစ္စတာဒါရိုက်တာသည် ပုံမှန်အားဖြင့် အလွန်တည်ငြိမ်ပြီး စိတ်အေးအေးထားတတ်တဲ့သူ တစ်ယောက်ဖြစ်လို့ပါပဲ!သူ့မှာ ဂရုစိုက်စရာတစ်ခုခုရှိတိုင်း ဘာလုပ်ရမယ်ကို မဆုံးဖြတ်ခင် သူ သေချာစဉ်းစားလိမ့်မယ်။
သို့သော် သူသည် ဆုနိုထံမှ ဖုန်းခေါ်ဆိုမှုတစ်ခုကြောင့်ကုမ္ပဏီ၏အလုပ်တွေကို ချန်ရစ်ခဲ့ပြီး တခြားတစ်ဖက်နိုင်ငံကို သွားဖို့လုပ်နေကာ ကုမ္ပဏီကိုပင် ဘာမှမပြောခဲ့ပေ။
ဒါ တကယ့်ကို လက်လွတ်စပယ်နိုင်တာပဲ!"ငါ သူ့ကိုတကယ်ကြိုက်တယ်" အိုးရန်လုံ သူ့အိတ်တွေကို ထုပ်ပိုးနေစဉ် ပြောလိုက်သည်။
“.....မင်းအခု အသက်ဆယ့်ရှစ်နှစ်လို လုပ်နေတာပဲ!”
မုချိုး သက်ပြင်းချလိုက်သည်။"မင်း ကျုံးလီဖုန်းပိုင်ကို လိုက်နေတဲ့အချိန်တုန်းကလည်း မင်းက ရှစ်နှစ်သားလိုဘဲ!" အိုးရန်လုံ ပတ်ခနဲ ပြန်ပြောလိုက်သည်။
"မင်းရဲ့ ရိုးသားမှုကြီးကို ငါချီးကျူးပါတယ်!" မုချိုး ဒေါသတကြီးပြန်ပြောလိုက်သည်။
ငါတို့က ဒီမှာအိုင်ကျူအကြောင်းပြောနေတာမဟုတ်ဘူး။ မင်း ထပ်ပြီး ရန်ဖြစ်ချင်လို့လား!
အဖြေကတော့ မဖြစ်ချင်တာသိသာပါတယ်!
မစ္စတာဒါရိုက်တာသည် မုချိုးနဲ့ စကားပြောဖို့တောင်စိတ်မကူးတော့ဘဲ အထုပ်အပိုးတွေကို တံခါးကနေ ဆွဲထုတ်သွားလိုက်သည်။လေပြင်းကြောင့် ယိမ်းခါသွားသည့်အနက်ရောင်ကုတ်အင်္ကျီကို ဝတ်ထားသည့် သူသည် တကယ်ကိုပင် ကြည့်လို့ကောင်းနေသည်။
ဥက္ကဌမု၏အလွန်အမင်းမကျေနပ်မှုကို လျစ်လျူရှုထားခဲ့သဖြင့် သူ မထွက်ခွာမီ အိုးရန်လုံ၏ဝိုင်ဗီရိုကိုဖွင့်ကာ ပုလင်းတစ်လုံး ယူခဲ့သည့်အပြင် ရေခဲသေတ္တာထဲက သစ်သီးတွေတောင် ယူသွားခဲ့သေးသည်။သူက စျေးပေါတဲ့ ပစ္စည်းတွေအပေါ်မှာတောင် အခွင့်အရေးယူရတာကို နှစ်သက်ပုံပင်။ထိုမြင်ကွင်းကို ကြည့်ဖို့တောင် ခံနိုင်ရည်မရှိပေ!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...