[Unicode]
အခန်း(၅၉):စကားပြောရအောင် နှင့် ဒေါသမထွက်လိုက်ပါနဲ့!
နေရောင်ခြည်သည် ထူထဲသည့်ကန့်လန့်ကာများကို ဖြတ်၍ လေထုကိုနွေးထွေးစေပြီး သာယာစေသည်။
ဆုနိုသည် စောင်အောက်တွင် ကွေးဆန့်သွားပြီး တကယ်ကိုပျော်ရွှင်ကျေနပ်နေမိသည်။သို့သော် သူ့ရဲ့ခါးကတော့ အရမ်းကိုနာကျင်နေရပြီး ခန္ဓာကိုယ်သည်လည်း အလွန်ပင်ပန်းနွမ်းနယ်နေရသည်။
ဘယ်လောက်တောင် သေးသွယ်တဲ့လူသားလေးလဲ!
အိုးရန်လုံသည် သူ့ကိုနမ်းဖို့အနားကပ်လာပြီး မေးလိုက်သည်။ "မင်း ပင်ပန်းသွားပြီလား?"
“ အင်း.. ” ဆုနို အနည်းငယ်ရှက်သွားရသည်။
"ဒါဆို ခဏအိပ်လိုက်ဦး" အိုးရန်လုံသည် ဆုနိုအား စောင်ဖြင့် ဖုံးအုပ်ပေးလိုက်သည်။
“.....ကျွန်တော် နည်းနည်းဗိုက်ဆာနေပြီ” ဒီစကားသံက ယောက်ျားမဆန်သည့်ပုံပေါက်နေပေမယ့်လည်း ဒီပြသာနာက စိတ်ရှုပ်စရာကောင်းတဲ့ ဒုက္ခတစ်မျိုးဖြစ်နေပြန်တယ်!!
ဆုနို၏ဝမ်းဗိုက်ထဲမှ အသံထွက်လာတော့သည်။ သူ နံနက်စာမစားဘဲ အိမ်ကနေ ပြေးထွက်လာပြီးတော့ ခန္ဓာကိုယ်လေ့ကျင့်ခန်းလေးကိုလည်း အကြိမ်ကြိမ်လုပ်ခဲ့သေးသည်။ ဒါကြောင့် ဆုနိုသည် အစားအသောက်တွေကို အမှန်တကယ်လိုအပ်နေပြီ!
ဒါ အရေးပေါ်ကိစ္စပဲ!!!
အိုးရန်လုံသည်လည်း သူ့အပြုံးပျောက်သွားသည်နှင့် delivery ကို ခေါ်လိုက်တော့သည်။ သူ ထမင်းလာပို့ပေးဖို့ တောင်းဆိုခဲ့သည့်အပြင် ဆန်ပျော့ပျော့လေး ဖြစ်အောင်လည်း မှာကြားခဲ့သည်။ အိုးရန်လုံက တအားကိုဂရုတစိုက်ရှိလှသည်။
"ကျွန်တော် ဒါရိုက်တာကြီးနဲ့ညစာ အတူမစားရလောက်ဘူး" ဆုနိုသည် အိုးရန်လုံ၏လက်နှင့်မျက်နှာလေးကို ပွတ်သပ်လိုက်တော့ တစ်ဖက်သူက ရယ်လာသည်။
“အပြင်မှာ အရမ်းမမှောင်ခင် ကျွန်တော်အိမ်ပြန်ရမယ်။ ကျွန်တော်အစ်ကိုကြီးကို ဘာမှသံသယမ၀င်စေချင်ဘူး "
ဆုနို၏တင်ပါးလေးသည် စိတ်အနှောင့်အယှက် ဖြစ်ရလောက်သည်အထိ နာကျင်နေရသော်လည်း သူသည်ကား အိမ်မှာရှိနေသည့်ဧကရာဇ်ကြီးကို ရန်မစရဲပေ။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
