[Unicode]
အခန်း(၆၃):ဝန်ခံခြင်းနှင့် လက်ထပ်ခြင်းအဆိုပြုလွှာ
"လွန်ခဲ့တဲ့ ရက်အနည်းငယ်ကပဲ အကိုကျီရန် အဲဒီကိုသွားသေးတယ်မလား?" ထန်ရှောင်းယွီ မေးလိုက်သည်က Today မဂ္ဂဇင်းအတွက် ရိုက်ကူးရေးအကြောင်းကို ပြောနေတာပဲ ဖြစ်သည်။"ခံစားချက်တွေက မတူဘူးလေ" ချိုးကျီယန် အောက်ထပ်သို့ဆင်းရန် ဓါတ်လှေကား ခလုတ်ကိုနှိပ်လိုက်သည်။ "ပြီးခဲ့တဲ့တစ်ခေါက်တုန်း မီဒီယာအတွက်ကြော်ငြာရိုက်ကူးဖို့ သွားခဲ့တာ။ ဒီညသွားတာက ပြဇာတ်ကို ရှု့စားဖို့လေ"
"ဒါဆို ကျွန်တော် အိမ်အရင်ပြန်နှင့်လို့ရမလား?" ထန်ရှောင်းယွီ မေးလိုက်သည်။
"မရဘူး" မစ္စတာချိုး ငြင်းလိုက်သည်။
"ဒါပေမယ့် ကျွန်တော် ပြဇာတ်တွေကို စိတ်မ၀င်စားဘူး" ထိုစကားကိုကြားပြီးနောက် ထန်ရှောင်းယွီ စိတ်ဓာတ်ကျသွားရသည်။
"ဟာသက အရမ်းရယ်ရတယ်လို့ကြားတယ်။ မင်းအစကနေ အဆုံးအထိရယ်နေရမှာ" ချိုးကျီယန်ကတော့ စိတ်ရှည်လက်ရှည် ချော့မော့ ဆွယ်နေသည်။ "ကိုယ်တို့ အဲ့ဒီကို အပန်းဖြေဖို့သွားကြတာပေါ့"
ထန်ရှောင်းယွီ သူ့ကို ဆွံ့အလျက် ကြည့်လိုက်ပြီး "ဒီနေ့ပဲ ကျွန်တော့် ဖုန်းထဲကနေ အဲ့တာနဲ့ ပတ်သက်ပြီး သတင်းတွေ့တယ်။ ပရိသတ်တွေက သူတို့ကြည့်နေရင်းတောင် ငိုရတယ်တဲ့"
"သူတို့မှာ ဟာသဆဲလ်တွေမရှိလို့ပဲနေမယ်" ချိုးကျီယန် အရှက်မဲ့စွာပြန်ဖြေသည်။
ထို့ကြောင့် အစစ်အမှန်နံပါတ် ၁ ဖြစ်ဖို့အရေးအကြီးဆုံးက မျက်နှာအရေထူဖို့ပဲ။ ဒါ တကယ်အရေးကြီးတယ်!
ဓာတ်လှေကားသည် မြေအောက်ထပ် ၁ သို့ရောက်သွားသည်။ တခြားသူများမှာ အချိန်ပိုအလုပ်လုပ်နေဆဲဖြစ်သောကြောင့် ကားပါကင်သည် လူရှင်းနေလေသည်။ လမ်းလျှောက်နေစဉ်တွင် မစ္စတာချိုး ပြောလိုက်သည်။ "ဒီဒဏ္ဍာရီကို မင်းကြားဖူးလား?"
"ဘာကိုလဲ?" ထန်ရှောင်းယွီ ထူးဆန်းသည်မို့ မေးလိုက်သည်။
"ညသန်းခေါင်ယံအချိန် ကားပါကင်မှာ ငိုနေတဲ့အသံကို မင်းကြားရလိမ့်မယ်ဆိုတာလေ " ချိုးကျီယန်သည် တိတ်တိတ်နေရန် လက်ဖြင့် အချက်ပြလိုက်ပြီး "ကောင်းပြီ။ ဂရုတစိုက် နားထောင်ကြည့်"
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...