[Unicode]
အခန်း(၆၆):ဒါရိုက်တာကျုံး ဖြစ်ပုံရတယ်!
မည်သူမဆို လေယာဉ်တစ်စီးပေါ်တွင် ဆယ်နာရီထက် မနည်း ကုန်ဆုံးရတာက အလွန်ပင် သက်တောင့်သက်သာရှိလိမ့်မည် မဟုတ်ပေ။ဆုနိုသည်လည်း ခြွင်းချက်မဟုတ်ပါ။ သူ့တင်ပါးက နာကျင်နေသလို ခံစားရသည်။ နောက်တော့ သူ့ခါးက နာကျင်လာပြန်ရော။ သူသည် တစ်ကိုယ်လုံး မသက်မသာခံစားနေရပြီး ခဏလောက်မတ်တတ်ရပ်ရန်လိုနေပြီဟု ခံစားလိုက်ရသည်။ ဟန်ဝေသည်လည်း သူ့ရဲ့လှုပ်ရှားမှုများကြောင့် ခေါင်းမူးသွားပြီး မျက်နှာဖုံးကိုတပ်ကာ အိပ်ပျော်သွားတော့သည်။ ထို့ကြောင့် ဆုနိုသည် ပိုပျင်းလာသလို ခံစားလိုက်ရပြီး သူ့ဘေးရှိလူအားလုံးကို စိတ်ပျက်စွာကြည့်လိုက်သည်။
"ထိုင်လေ" အိုးရန်လုံသည် ထိုင်ခုံကို ညွှန်ပြလိုက်သည်။
"ကျွန်တော်တင်ပါးက နာနေတယ်" ဆုနိုက နူးညံ့ချိုသာသည့်အသံလေးဖြင့် ညည်းညူပြသည်။
မစ္စတာဒါရိုက်တာက သူ့အိတ်ကပ်ထဲရှိသကြားလုံးတစ်ဘူး ထုတ်လိုက်သည်။
ဆုရှောင်းနို၏မျက်လုံးများက ချက်ချင်းပင် လင်းလက်သွားသည်။
"မနေ့က ကိုယ် ပေါ့ပေါ့ပါးပါးတစ်ခုခု စားဖို့အတွက် ကော်ဖီဆိုင်ကိုသွားခဲ့တယ်။ ဒီအရသာက မဆိုးဘူး ထင်လို့ ကိုယ်ဝယ်လာခဲ့တာ" အိုးရန်လုံသည် သကြားလုံးဘူးလေးကို ကမ်းပေးလိုက်သည်။
"စားကြည့်ပါလား? "
ဆုရှောင်းနိုသည် ချက်ချင်းထိုင်လိုက်ပြီး ဘူးကိုဖွင့်ရန်အာရုံစိုက်လိုက်သည်။
မွှေးကြိုင်သည့် နို့နှင့်သီဟိုလ်စေ့လှော်တို့နှင့်အတူ အချိုပေါ့ပေါ့ သကြားလုံးလေးသည် ချိုမြိန်လွန်းလို့ ဒီထက်ကောင်းသည့် အရသာပင် မရှိတော့သလိုပင်! ဆုနို၏ပူပန်သောကခံစားချက်အဖုံဖုံသည် ချက်ချင်းပျောက်ကွယ်သွားပြီး ရှဉ့်ငယ်လေးကဲ့သို့ သူ့မျက်နှာထားလေးက ပေါ်လာသည်။
"မနက်ဖြန်ဆို ကိုယ်တို့ရောက်ပြီ။ မင်း ကိုယ်နဲ့အိမ်ပြန်ချင်လား? " အိုးရန်လုံ မေးလိုက်သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
