#أّلَجِمَأّلَ_ أّلَمَشٍوِهِ
بِقِلَمَ أّوِتّأّر حٌزِّيِّنِهِ
أّلَجِزِّء__أّلَعٌأّشٍر
،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نازك
كعدت من الصبح،،،،كنست الحديقه،،،وفكيت المي عليها
ورجعت للمطبخ حتى احظر الريوك لابويه،،،واخوتي
لان يطلعون من وكت للشغل
« ناز اريد طماطه مگلايه وبيض
قيس حجه وفارس هم راد مثله
«اي هسه اسويلكم
جاوبتهم وسالت ابويه،،،الي كعد يحجي ويدردم
علي امي لان،،،،، تعلمت ماتكعد
وتسويله الريوك
« يابه شلون تريد البيضه
« سوويهن عيون
اني داشتغل شفت قيس طلع اسبوعيته
وانطاهن لابويه
الي اخذهن منه هو وفارس
وانطاهم منها مصرف،،،
اخوتي جانوا يشتغلون وينطون لابويه،،،،
وهو يصرف على البيت،،،لان شغله
جان مو قوي
عكس ليث الي جنا مانعرف
وين يودي فلوسه
« شفتيهم،،،لاخوتج يشتغلون ويخلون بايدي
خوما مثل هذا اخوج الجلب،،،الي يصرف فلوسه
على روحه بلي وجع گلب
،،لاا واجماله يريد يزوج ويجيبلي
عله مثله تنام على گلبي
حجه بصوت عالي ،،،،وهو متعمد مثل
كل مره يسمعه
ويسمع امي الي جانت ماتسكت
«عوفه يابه يجوز ديضم يمه
« ههههه منو يضم اخوج الفاشل،،،ولج هذا العار
بس يقبضهن يصرفهن على بطنه وكشخته
انتي ماتشوفي كل اسبوع جايب
ويا،،علاكه هدوم
سكتت وخليت الريوك كدامهم وقيس
حجه بضوجه
« يابه اتريك وخلي نتوكل على الله
ابويه جر الخبزه وهو يدردم وكام ياكل
واخوتي تريگوا على السريع،،،،وطلعوا
ابويه كام،،،،وراهم وحجه وياي
« هذا المصرف راح اخلي على الفرن ،،،،،
هزيت راسي،،،وهو كمل
«كولي لامج التنبل خلي تركب
تبسي،،،صارلي كم يوم
مشتهي احجي وهي ولا عبالك
يمها الحجي
« ادلل يابه،،،اني راح اسوي الك
هز راسه،،،وطلع
كفيت المواعين
وغسلتهن،،،،،وبعدين صعدت للسطح
لميت الفراش وخليته جوه سگيفه،،،احنا مسويها اله
حتى الشمس ماتضرب بي،،،
شلت الترمز ومشيت،،،خطوه ووكفت من طارن الحمامات
رأسن اجه ايوب كدامي،،،،
عفت الترمز بالكاع وتمشيت،،،،للحايط
من جهه النبكه
هناك الواحد اذا يباوع منه محد يكدر يشوفه
لان الفروع مالتها مسوي سد ،،،،اخذت التنكه
صعدت عليها وباوعت لبيتهم
جان ماكو احد بس الحمامات طالعات من القفص
قسم يفتر بالسطح وقسم طايرات بالجو،،،،،
ظليت صافنه عليهن،،،،لدقائق
