[Unicode]
အခန်း(၇၄): Photoshoot နှင့် သူက ငါ့ကိုလိုက်နေတယ်
"ကိုယ် မင်းဆီကိုလာဖို့မလိုတာ သေချာရဲ့လား?" အိုးရန်လုံသည် စိတ်မအေးနိုင်ပေ။
"ရတယ်။ ကျွန်တော် အခုပဲ ကုမ္ပဏီကို ပြန်မောင်းနေပြီ" ဆုနိုသည် ကားစက်နှိုးလိုက်ပြီး "ဒါကိုသာ ဒိုင်အန်း သိရင် သူထပ်ပြီး ဇီဇာကြောင်ပြီး ဇာချဲ့နေအုံးမှာ!"
သူ ပါးစပ်ဟလိုက်တာနဲ့ အမြဲလိုလို စိတ်အနှောင့်အယှက်ဖြစ်ရတယ်!
“ကောင်းပြီ။ သတိထားမောင်းနော်။ တစ်ခုခုဆိုရင် ကိုယ့်ဆီသာ ဖုန်းခေါ်လိုက်” အိုးရန်လုံ ပြောလိုက်သည်။
“ကောင်းပါပြီ” ဆုနို ဖုန်းချလိုက်ပြီး ထွက်သွားဖို့ အဆင်သင့်ဖြစ်နေချိန်မှာပဲ တစ်စုံတစ်ယောက်က ကားပြတင်းပေါက်မှန်ကို ရုတ်တရက် ခေါက်လိုက်သည်။
ပြီးတော့.....အနက်ရောင်ဂျက်လေယာဉ်ဖြင့် မြေပြင်ပေါ် ဆင်းသက်လာတဲ့ မစ္စတာဒါရိုက်တာကို သူတွေ့လိုက်သည်။
ဘယ်ဟုတ်မလဲ!
တကယ်တော့ လူတွေကို တိုက်သွားတဲ့ စိတ်ရှုပ်ဖွယ် စက်ဘီးသမားပဲ!
"ဘာလိုချင်လို့လဲ?" ဆုနိုသည် ပြတင်းပေါက်မှန်ကို နှိမ့်လိုက်ပြီး သူ့လေသံက သိပ်သဘောကျနေပုံမရပေ။
"တကယ် တောင်းပန်ပါတယ်ဗျာ" အမာရွတ်ရှိတဲ့လူက သူ့လက်ထဲမှာ အရမ်းကြည့်လို့ရှု့လို့ကောင်းတဲ့ သေတ္တာတစ်ဘူးကို ကိုင်ထားပြီး "မင်းသွားနေတဲ့လမ်းအရ ဒီဆိုင်ကိုသွားချင်နေတယ်လို့ ကိုယ် ထင်ခဲ့လို့ပါ"
သူဘာလုပ်ဖို့ကြိုးစားနေတာလဲ...
"မင်း မှားနေပြီ" ဆုနို အေးစက်စွာပြောလိုက်သည်။
ငါက အစားအသောက်ကို နှစ်သက်သူတစ်ဦးဖြစ်ပေမယ့်လည်း ဉာဏ်ပညာနှင့် ဂုဏ်သိက္ခာရှိတဲ့ foodie တစ်ယောက်ပဲ!
ဒါကို လက်မခံနိုင်ဘူး!
"ဒါ ကိုယ့်ဖုန်းနံပါတ်" အမာရွတ်နဲ့လူက သူ့ကို စာရွက်တစ်ရွက် ပေးလိုက်သည်။
မင်းဘာလို့ လာရှုပ်နေရတာလဲ! ဆုနိုသည် သူ၏နက်မှောင်နေသည့် နေကာမျက်မှန်ကနေ သူ့ကို စိုက်ကြည့်ကာ အေးစက်စက် အသံဖြင့် "ဘာကိစ္စမှ မရှိတော့ရင် ငါ သွားတော့မယ်"
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
