بارت ٤٥
#أماً_لهُن
#مريم_السعدي
عسل ...
وكفت التفتت عليه شفته يباوعلي مستغرب
- شنو ؟؟!!
بلع ريك عبس حلكه شال غراضه توني احجي طبو اربع ولد سكتت
طلعت وراه شفته وكف يم جماعته عفته وصعدت للوزه حجيت كلشي وعيون حسن علينا تريد تسمع كلمه من الدنكوله
عيوني تجري احجي وارجف ولوزه صارت اعصاب همست
- مو كتلج هاي الجلبه هي ماخذتها
هزيت راسي
- يمكن بس هو هم منطاني مجال
- عوفي داكولج عوووفي
هزيت راسي
- ان شاء الله شدتقرين
همست
- لغه اسباني كملتي الروايه
- لا بعد
- كعدي اقري حدما يخلص الدوام نطلع باجر ماكو دوام
- ادري
كعدت وراها بالميز حسن رد رجع كدامها يقره وهي هم اقره عيون عالقصه البيدي وعيون عليهم
تقرب بجسمه همس وهي منصيه عالكتاب ساكته تبسمت وهزت راسها بهدوء
بقيت اكلب
شفتها باخر ورقه من المجلد البيدها باوعتله ودارت عينها مرتبكه
همست
- هاي كمل
راسا طاها اللخ
- هاج هذا كملي قراءته هذا وجر نفس يبتسم يعاين بوجهه وهي منصيه عالكتاب النطاه الها
هذا يبسطلج اللغه كلش تصير سلسه .. تاكلين شي مااكلتي من رحيتي ليهسه
كالت بصوت ناصي
- تريكت تسلم
- ويامن تريكتي
- وي علي
- نياله
كالها وجر حسره وفتح الكتاب البيده كملت الروايه شوي وصعدت نور كالت
- ها حسن
- ها شكو رفع ايده بعد ساعه عالدوام شبيج
- لا ردت اكعد اقره شوي
- اي كعدي
- شتنصحني
- انتي كليله ودمنه زايده عليج كالها واني خربت ضحك كوه كتمت ضحكتي كملت الروايه ودخلت اندمجت بيها حدما قريب الدتخلص التفتت ورايه شفته
يحيى كاعد بيده كتاب رفع نظره باوعلي وبسرعه نصه
كامت لوزه
- ها وين
- كالت هسه بس اجيب مي
عافت كتابها حسن جان مموجود توقعت يردون يكعدون وحدهم بس شلت غيبتهم شوي واجه حسن باوع لمكانها جنطتها والقلم بنص الكتاب ابتسم فتح الكتاب وتلمس الصفحه والقلم وتلفت شافني داباوعله
نتر
- ها خير نزلي عينج بالكتاب
- اوك ههه
جتي لوزه كام من مكانها يبتسم كال
- كعدي ليش مكتيلي اجيبلج ويايه
- لا عادي
كعدت وهو كبالها يقره بس عينه عليها كلسا وهي متباوع بس تبتسم
كملتها لروايايه وابتسمت كانت عاطفيه تخبل بقيت بعالمها حدما حسن كال
- يله نروح
وكفت ونور هم موجوده بصف يحيى جانت انهزم منهم ويلحكوني
ازل : تالي هسه شصفت
- هاهي رجعت شنو رايج
- ماعرف والله اني من يمي حرت
- عسل انصحج
- اي
- لتخلي يشوفج
- شون يعني
- اي لتخلي يشوفج شوكت تداومون
- الاربعاء اخر يوم ووراها الثلاثاء اليجي
