Chapter 99- ပြဿနာရှာတဲ့ သူဆင်းရဲ
စနေနေ့ နံနက်မှာ GuHaဟာ သားသားနားနား ဝတ်ဆင်ပြီးတဲ့နောက် အိပ်ယာဘေးမှာ ဆောင့်ကြောင့်ထိုင်ချလိုက်တယ်။ ပြီးမှ BaiLuoYinရဲ့ပါးလေးကို ဆွဲညှစ်လိုက်တယ်။
( ငါ အပြင်ခဏသွားဦးမယ်)
BaiLuoYin အိပ်ယာနိုးကာစ အိပ်မှုံစုံဖွားဖြစ်နေတယ်။ အိပ်ငိုက်နေတဲ့ သူ့အသံက လေးတွဲတွဲနဲ့။
( ဘယ် သွား မှာ လဲ?)
( ငါ့အစ်ကို ဒီနေ့ပြန်လာလို့။ သူ့ကို လေယာဉ်ကွင်းမှာ ငါသွားကြိုမလို့)
BaiLuoYinက မျက်လုံးကို ပွတ်ရင်း ( မင်း အစ်ကို? အစ်ကိုအရင်းလား? သူ့အကြောင်း မင်းပြောတာလည်း တခါမှ မကြားဖူးပါဘူး)
( အရင်းတော့ မဟုတ်ဘူး။ ဝမ်းကွဲ။ သူက နိုင်ငံခြားမှာနေတာ။ ငါတို့ညီအစ်ကိုတွေ တွေ့ကဖြို့ဆိုတာ ခဲယဉ်းတယ်။ ဒီတခါ သူကလည်း အလုပ်ကိစ္စနဲ့မို့ ပြန်လာတာ။ ဒီမှာ သူ ရက်ပိုင်းလောက်နေပြီးတာနဲ့ ပြန်မှာ)
BaiLuoYin အိပ်ယာပေါ် ထိုင်လျက် ( အင်း.... ဒါဖြင့် နောက်ကျနေမယ်... သွားတော့လေ)
GuHaiက BaiLuoYinကို ခဏလောက် စိုက်ကြည့်နေပြီး ( မင်း ဒီနေ့ ဘာလုပ်စရာရှိလဲ?)
( ဘာအစီအစဉ်မှတော့မရှိဘူး။ ငါ အိမ်စာလုပ်ဖြစ်ချင် လုပ်မယ်။ ဒါမှမဟုတ် အန်တီZhouတို့ဆိုင်မှာ ငါကူညီလို့ရတဲ့ဟာ ရှိမလား ကြည့်ဦးမယ်)
( အခြားဘယ်မှ လျှောက်သွားမနေနဲ့နော်!) GuHaiဟာ ကလေးငယ်လေးတစ်ယောက်ကို ချော့မော့ပြောနေသလို ပြောတာ။
BaiLuoYinက မျက်ခုံးကြီးတွန့်လျက် ( ငါ့အတွက် ပူမနေနဲ့။ မင်းကိစ္စသာ မင်းလုပ်)
GuHaiဟာ BaiLuoYinရဲ့ပါးပြင်ကို အသာလေး ပုတ်လိုက်ပြီးမှ အပြင်ကိုထွက်သွားတော့တယ်။
GuHai ထွက်သွားချိန်ကျ BaiLuoYin မျက်စိကျယ်ပြီး အိပ်မပျော်တော့။ ဒါ့ကြောင့် သူလည်း အဝတ်အစားလဲပြီး အပြင်ထွက်လာခဲ့တော့တယ်။
( အန်တီ)
အန်တီ Zhouဟာ သူမရဲ့ဆိုင်ထဲမှာ စားစရာတွေပြင်နေတဲ့အခိုက်အတန့်ဖြစ်တယ်။ သူမ BaiLuoYinကိုလည်းမြင်ရော၊ သူမရဲ့မျက်နှာမှာ အပြုံးပန်းများ ပွင့်လန်းလာပါတယ်။
YOU ARE READING
Are you addicted?Book-1 (Myanmar Translation )
Romanceထူထောင်ကာစ အိမ်ထောင်သစ်တခုရဲ့ လင်ပါသား GuHaiနဲ့ မယားပါသား BaiLuoYinတို့ဟာ တော်စပ်မှုအရဆို ဆုံမှတ်မရှိတဲ့ ရန်ဖက်တွေဖြစ်ပေမယ့်၊ အဖြစ်မှန်ကို မသိပါဘဲ သူငယ်ချင်းတွေ ဖြစ်သွားရာက သံယောဇဉ် တွယ်မိကာမှ အမှန်တရားဟာ ပေါ်ပေါက်လာခဲ့တယ်။ သူ့တို့ကိုယ်သူတို့ မိသားစ...
