Oops! This image does not follow our content guidelines. To continue publishing, please remove it or upload a different image.
• Winter Rain 🌧️🖤 •
" تصحى هازال و تمسك تليفونها على امل انها تلاقي مكالمة أو حتى رسالة لكن ماتلقيش ، تقفل الفون و تقوم تاخد حمامها و تخرج تلبس ، تصحى وعد "
وعد : رايحة فين هازال : هكون رايحة فين ..رايحة الشركة ، ياسين كلمني امبارح و قالي انه عايزني مش عارفة ليه وعد : زفت الطين ده هناك هازال بزعل : مش عارفة .. انا خارجة
" خدت الشنطة و خرجت ، ركبت العربية و مشيت ، كلمت ياسين "
هازال : ايوة يا ياسين … اه قربت على الشركة .. اه شوفتك اي ده ، ده بيتك .. تمام هقرب عليك اهو " قفلت ، قربت عليه " هازال : انت بيتك قريب اوي ياسين : ما انا اشتريته عشان كدا هازال : طب اركب يلا " ركب " هازال : قولتلي انك عايزني صح ياسين : اصلي عرفت انك بتحبي الانمي ف في فيلم جديد لسة نازل قولت نتفرج عليه احنا و جاسر هازال : لا لا يا جماعة مش ممكن حد يلحقني ، ده بيسرق قلبي علني يا جدعان
" يضحك و تضحك هي كمان ، يفضلوا يتكلموا لحد ما يوصلوا للشركة ، يدخلوا و يبقى جاسر هناك و علي معاه و بيأكله ، يقفوا باصين لهم بصدمة "
ياسين و هازال : اي ده !! " يبصلهم علي بإحراج " علي بإحراج : منك الله يا جاسر الكلب ياسين بضحك : هو اي الحوار جاسر : كنا بنلعب ريست و جزعلي ايدي فقعدته جنبي يأكلني غصب عنه هازال : مش بقولك baby j جاسر : بس يا قطة هازال : اجي اكسرلك التانية يعني ، ده انت غتت علي : انتوا اي الي جابكوا جاسر : السؤال الاهم .. اتقابلتوا ازاي ؟! هازال : ياسين طلع بيته جنب الشركة هنا و عديت عليه و جينا سوا علي : ايوا ليه بقى ؟ ياسين : هنتفرج على انمي جاسر : الفيلم الجديد هازال بطفولة : ولما انت عارف ان في فيلم جديد نزل مقولتليش ليه جاسر : افتكرتك عارفة
" تدبدب في الارض و تتحول ملامحها لعبوس "
هازال بطفولة : انت عارف اني مش متابعة اخر فترة عشان مشغولة معاكوا ، وعارف اني بحب الانمي " يضحكوا التلاتة على طريقتها " ياسين بضحك : دي طلعت مهوسة اكتر مني يا جماعة انا مش متخيل اني لقيت نصي التاني اخيراً علي : انا جربت اتفرج على فيلم انمي قبل كدا ، كنت لسة في المدرسة و كان اول يوم في الاجازة و كنت فرحان بيه اوي و متحمس للضحك بقى ، بنت خالتي حملته و بعتتهولي و مكنتش عارف الاسم جاسر : و كان اسمه اي علي : اما فتحته لقيت اسمه قبر اليرقعات باين هازال و ياسين في وقت واحد : عارفااه ، عارفه علي : و مالكوا فاخورين اوي كدا ليه ، ده طلع فيلم منيل و قفلني من الانمي كله ، ده خلاني اعيط يا مؤمن جاسر لهازال : مش ده الفيلم بتاع عمتو الحرباية هازال : اه هو ، الولية منها الله خدت هدوم امهم و باعتها و مدتهمش اكل ياسين : انا لحد دلوقتي بتفرج عليه عشان البت اخته الصغيرة هازال بضحك : ااه دي لذيذة اووي علي : لقد ابتلينا بقوم يقولون على النكد عظمة جاسر : طب انا اسف يا شباب على قطع الاتصال العقلي الي بقى بينك وبين ياسين فجأة ده بس تعالي معايا عايزك في حوار هازال : طب اشطا ، ثواني يا شباب
