تيان بعياط و نبرة ندم : كنت نايم .. غايب عن الوعي .. متخدر ، معرفش حصلي اي بس انا مكنتش في وعي .. انا محبتش حد غيرك والله ما حبيت حد غيرك طول عمري … ديني فرصة اخيرة يا هازال
" تمسح دموعها " هازال : للأسف يا تيان … مش هقدر .. مش عشان لسة تحت تأثير الصدمة الي شوفتها .. لكن انا اتحملت منك كتير اوي … و كتر الوجع يعلم القسوة … والوجع قضى على حبك الي في قلبي … انا فعلا سامحتك .. لكن انا مابقتش حبيبتك
" بصلها و هو بيعيط و عقله رافض يقبل الي قالته "
تيان : لا .. ده مش حقيقي … انتِ عايزة تحرقي قلبي زي ما عملت .. لو الهبل الي قولتيه ده حقيقي دموعك دي تفسيرها اي ، جيتي ليه دلوقتي اصلا !!
هازال : انا بشر يا تيان .. مفيش حد في الدنيا بيفضل عايش على ذكرى علاقة ماشفش فيها غير تعب .. مضحكش فيها قد ما عيط … صدقني يا تيان ، احنا لازم نفضل صحاب .. لو فكرنا اننا نكمل في علاقتنا تاني هنخسر بعض … وللاسف انت شخص غالي عندي اوي ، مش هقدر امثل عليك الحب .. ولا هقدر اجبر نفسي على حبك .. الصداقة اجمل بكتير من الحب يا تيان .. واحنا صحاب هعرف ابص في عنيك و احكيلك مالي .. لكن واحنا مع بعض مش هقدر .. وانا مش عايزة نوصل للمرحلة دي … افهمني ارجوك
" يمسح وشه و يبتسم بحسرة "
تيان بحسرة : عندك حق .. انا حبيتك اه … لكن بطريقتي .. وللاسف طريقتي دي اتسببت في وجعي زي ما وجعتك و يمكن اكتر .. ربنا يوفقك يا هازال … هفضل طول عمري اتمنى اني اشوفك فرحانة و الابتسامة مش مفارقة وشك … سلام يا هازال .. سلام