Oops! This image does not follow our content guidelines. To continue publishing, please remove it or upload a different image.
Winter Rain 🌧️🖤
" الحلقة الثانية عشر ♡ "
" روحت البيت ، دخلت وهي ساندة على ياسين و وعد ماسكة ايديها ، يفتحوا الباب و البلالين تفرقع فجأة و الزينة ملية البيت و تيان واحمد هشام وعلي و جاسر عملين صورة كبيرة بطول الحيطة ليها "
الكل : مرحباااا
" بصتلهم بفرحة ممزوجة بتعب و عيطت من الفرحة بصت لياسين ، مسح دموعها "
احمد : احنا حبينا نعملك حاجة بسيطة تفرحك
هازال : انتوا عملتوا كل ده امتى
وعد : كل ده بقيادتي انا
جاسر : يا كدابة
وعد : انا وهو ، ما علينا
تيان : احنا عايزين بس نأكدلك انك قدها وقدود يا لوزا .. انتِ قوية و هتهزميه
هشام : و عايز اقولك ان علي عاملك حتة تورتة ، حكااييةة ، كنت هموت وادوقها بس احمد لحقني على اخر لحظة و اداني على قفايا
هازال : انا مش عارفة اوصفلكوا انا فرحانة قد اي .. انتوا نستوني تعبي كله .. انا اكتر حاجة بحمد ربنا عليها انكوا دخلتوا حياتي .. ربنا يخليكوا ليا
ياسين : ويخليكِ لينا ❤️
' بعد سنة كاملة '
" تمر الايام و هازال على نفس الحالة ، بتاخد جلسات الكيماوي لكن مفيش تحسن "
" في البيت ، قاعدة هازال في سريرها و لابسة طاقية عشان تغطي دماغها ، يجي ياسين وهو شايل الصانية عليها الفطار " ياسين : والله انا خسارة في الغنى انا المفروض اعمل برنامج للطبخ هازال : شكلك في المريالة هيبقى قمر ياسين : يلا افطري عشان ننزل الشركة هازال : كويس .. انا عايزة اقابل مستر حسام ياسين بتعجب : ليه ؟! هازال : في قرار كدا ، قررت اخدته اعتقد ان ده وقته المناسب ياسين : قرار اي هازال ببتسامة : هعتزل " يسيب المعلقة و يبصلها " ياسين بصدمة : تعتزلِ ؟! ، ليه ! هازال بضحك : اي السؤال الغبي ده ياسين : انا مبهزرش على فكرة ، قرار زي ده قررتيه لوحدك كدا ! هازال : اه يا ياسين لوحدي ياسين : طب لييه هازال بثبات : لاني بقالي سنة بتعالج و مفيش تحسن ولو واحد في المية .. لاني مبقدرش اقف عشر دقايق على بعض من غير ما ادوخ من كتر الكيماوي الي ملى جسمي .. لاني مش هينفع اطلع بالطاقية قدام الناس .. عشان مبقاش عندي شعر … عرفت ليه ؟ " يفضل باصصلها و الدموع تتجمع في عينه ، تبتسم وتكمل فطارها و تحاول تتعامل عادي " هازال : البيض بالبسطرمة حلو اووي .. ابقى اعملنا منه تاني ونبي
