على خطى الماضي نسير

الفصل السادس

الفصل السادسه
الام :انا قلبي واكلني علي جني يا مجدي
مجدي : ماتقليش يا ساميه بنتي قويه وتقدر تعدي فوق اي وجع
(الباب خبط )
جني : ممكن ادخل يا بابا
مجدي : تعالي يا جني
(دخلت جني وقعدت وسط والديها وقالت ...)
جني : بابا معاه حق يا ماما .... انا اقوي من اي وجع ... اقوي من اي شئ ومستحيل اتكسر .... مستحيل حد يقدر يجرحني ... طول ما انتوا معايا انا اقوي بيكم
( خدوها في حضنهم وطبطبوا عليها بحنان فقالت ...)
جني : بعد اذنكم انا عايزه اسيب الشغل
مجدي : وماله يابنتي ... احنا الحمدلله حالتنا الماديه كويسه جدآ ومش محتاجين شغلك في حاجه
جني : وعايز اسافر عند عمتي في استراليا شويه
ساميه : وتسيبيني يا جني
جني : مش هقعد كتير يا ماما .... هغير جو شوي بس
ساميه : بس توحشيني اوي
جني وانتي كمان يا ماما بس ...
مجدي : خلاص يا ساميه ... سيبي البنت تغير جو شويه وتشوف وشوش جديده
جني : ها يا ماما قولتي ايه
ساميه : هقول ايه بس يا بنتي ... انا مايهمنيش الا راحتك
جني : حبيبتي يا ماما ما اتحرمش منك ابدآ
( وحضنت امها وباستها فاتكلم الاب بزعل مصطنع )
مجدي : يعني هي حبيبتك وانا لا
(فحضنته هو كمان وباصته وهي بتقول )
جني : هو انا اقدر دا انت الخير والبركه
ساميه : طب نامي جمبنا بقي الليله دي زي زمان
جني : بس كده من عيوني
(ونامت جني جمب مجدي وساميه )
الحلقه 59
(وصحت الصبح بدري ولبست هدومها و راحت الشركه ودخلت عند المدير(مدحت) علي طول عشان ما تشوفش ادهم)
جني : السلام عليكم
مدحت : وعليكم السلام ياجني خير
جني : انا جايه النهارده عشان اقدم استقالتي
مدحت : ليه يا بنتي فيه حد زعلك ولا حاجه
جني : لا ابدآ .... بس متطره اسافر بره مصر
مدحت : طب ما تخدي اجازه ....
جني : للأسف مش عارفه انا رجع امتي
مدحت :انتي مكسب لاي مكان وصعبان عليا اخسرك .... علي العموم مكانك هيفضل محفوظ وفي اي وقت ترجعي فيه هتلاقيه
جني : انا بعتز بتمسك بيا يا فندم وشكرآ ليك بجد واكيد انا مش هلاقي مكان احسن من هنا عشان اشتغل فيه
(وهنا الباب خبط وأذن مدحت للي بيخبط بالدخول فدخل أدهم ومعاه جوليا ومن صدمة ادهم بوجود جوليا ماقدرش يتكلم )
جوليا : هاي
مدحت : اهلا جولي
جوليا : اتفضل يا اونكل دي دعوة خطوبتي
مدحت : الف مبروك يا حبايب قلبي .... عقبالك يا جني
جوليا : مين جني .... اكيد انتي ....صح
(جني بصتلها وابتسمت وقالت )
جني : اه انا جني .... الف مبروك ربنا يتمم بخير
جوليا : الله يبارك فيكي اتفضلي دعوة الخطوبه
(جني اخدت الدعوه وبصت ل أدهم اللي اتصدم من شكلها الدبلان واللي واضح جدآ انها منامتش طول الليل وانها كانت بتعيط )
جني : بعد اذنكم
(استأذنت جني وخرجت راحت عند بوسي وودعتها بعد ما قعدوا يتكلموا ويرغوا كتير جدآ ..... روحت بيتها وجهزت شنطتها وقضت اليوم مع اهلها والفجر وصلوها للمطار و ودعوها ....وبعد ساعات في الطياره وصلت استراليا وبعد ما خلصت الاجرءات خرجت من المطار وفضلت تدور بعيونها علي عمتها وسط الناس بس مالقتهاش .... حطت شنطتها علي الارض وقعدت عليا ....وعدي الوقت وهي محتاره تعمل ايه ....كل شويه تمسك الفون وتبص فيه وتحاول تفتكر ان خطها مصري ومش هتعرف تتصل بيه لا علي عمتها ولا علي اهلها فات عليها نص ساعه وهي علي الحال ده وفجأه ظهر شاب وراح لها وهو بيجري وبيقرب منها وهو بيقول .....)
_ : اسف اسف بجد
جني : ايه المواعيد اللي زي الزفت دي .... بقالي ساعه قاعده
_ : والله غصب عني
جني :وانا اعمل ايه بأسفك ده يا كابتن رامي
رامي :معلش بقي
جني : واصرفها منين معلش دي
(وقامت وقفت وشالت الشنطه وحدفتها عليه بكل قوتها وقالت )
جني :خد دي بقي
رامي : ااااااه ... يابنت المجنونه
جني : نعم يا كابتن .... بتقول حاجه
رامي : هش هش من هنا يلا قدامي علي العربيه
جني : طب يلا ورايا يا كابتن
(بعد ما حط الشنطه ركب رامي قدام عشان يسوق وجني ركبت العربيه ورا .... راح باصص لها )
رامي : دا علي اساس اني سواق حضرتك
جني : ايه ده ..... هو انت مااتعرفش
رامي : ماعرفش ايه
جني : عمتي قالتلي انها هتبعتلي السواق
رامي : بس انا مش السواق ... انا رامي ابن عمتك
جني :بــــجــــــد يا جدع قول كلام غير ده
رامي : رخمه
جني : طب يلا يا اسطي الله يكرمك
رامي :بت ما تجننيش ... قومي تعالي هنا
جني : لا مش جايه
رامي : طب مش ماشي
جني : يووووووه بقي
رامي : هو كده بقي
جني : طــــيــــــب
(ونزلت جني وركبت جمبه قدام )
رامي : ايوه كده ..... مش هنبدأ عند من اولها كده
جني :طب سوق بينا يا اسطي
(رامي شغل العربيه وبيبص ليها لقاها تمد ايدها عشان تشغل اغاني فقالها )
رامي : ممنوع
جني : هو ايه ده اللي ممنوع
رامي : انك تشغلي اغاني
جني : ليه بقي ان شاء الله
رامي : عربيتي وانا حر فيها
جني : ما انت رخم اقول ايه
رامي : مش ارخم منك .... وبعدين انتي ايه اللي جابك عندنا
(بدأ يسوق العربيه و جني بصتله بغيظ )
جني :وانت مالك انت .... انا جايه عند عمتي
رامي : ايه ده .... هو انتي ماتعرفيش ...
جني : ايه
رامي :انا ابقي ابن عمتك وعايش في نفس البيت
جني : معنديش مانع انك تعيش معانا في نفس البيت علي فكره
رامي : اييييه
جني : لو حابب تروح تعيش في مكان تاني برده معنديش مانع
رامي : ايييييه
جني : استني استني
رامي : فيه ايه يا مجنونه انتي
جني : مش ده بيتكم برده ولا انا متهيقلي
رامي :هاااااااراسكت من اول يوم كده نستيني مكان بيتي
جني : كلها يوم واخليك تمشي في شوارع استراليا تشد في شعرك وناسي اسمك
رامي : بتحلمي
جني : بكرا نشوف ..... انزل بقي دخلي الشنطه
(نزل رامي من العربيه وطلع الشنطه ورماهالها علي الارض وركب العربيه تاني)
جني : ايه ده
رامي : مش فاضيلك انا .... ولا حتي الشيال بتاع سيادتك ..... سلام
جني : هتفضل طول عمرك رخم
(ساق العربيه وسابها ومشي وهي هاين عليها تولع فيه )
( عمتها خرجت من البيت واخدتها بين احضانها )
العمه نواره : حبيبة قلبي الحمدلله علي السلامه
جني : عمتو يا قلبي الله يسلمك
نواره : وحشتيني اوي يا جيجي
جني : انتي اوحش ينفع اللي انك بيعمله فيه ده
نواره : اه صحيح هو فين وانتي واقفه كده ليه
جني : وصلني لحد هنا وسابني ومشي
نواره : اكيد عاندتم بعض كالعاده
جني : احم احم ..... احنا هنفضل واقفين كده ولا ايه
نواره : لا يلا بينا ندخل جوا
جني : طب والشنطه اسيبها مرميه كده
نوراه : ماتقلقيش جيلان هتبعت حد يدخلها
جني :مين جيلان دي كمان
نواره : مديرة المنزل يا بت
جني : والله واتطورتي يا بنت الحاج مسعد الطوخي وبقي عندك مديرة منزل
نواره : طول عمرك لسانك طويل يا بنت منصور
(وبعد موجه من الضحك الهزار بعد ما دخلوا البيت نواره خدت جني ووصلتها لاوضتها وبدأت ترتب هدومها في الدولاب )
نواره : جني
جني :نعم يا عمتي
نواره : احكيلي بقي فيه ايه
جني : مفيش حاجه ياعمتي
نواره : يا بت .. عليا انا .. دا انا عمتك اللي مربياكي
جني : صدقيني مفيش حاجه
نواره: طب عيني في عينك كده
(جني قعدت جمب عمتها وبدأت دموعها تنزل من عينيها )
جني : اتجرحت يا عمتي .... حبيت مره واتنين والنتيجه هي نفسها ... جرح ووجع والم ... حسره وقهر واه .. الاولاني كان بيلعب بيا زي باقي البنات مع انه كان اول تجربه في حياتي ... والتاني كان بيقرب مني كل يوم اكتر من اللي قبله ... وهمني انه بيحبني .. حبيته ... خليته هو محور حياتي ..خليت كل حاجه حلوه خيالي اتجسدت فيه .... وفي الاخر اكتشفت انا خاطب .. ومين بنت صاحب الشركات اللي بنشتغل فيها ... تعبت يا عمتي
(نواره خدت جني في حضنها وبدأت تطبطب عليها حنيه وتتكلم بهدوء وتقول )
نواره : اهدي يا جني .. مش كده ياحبيبتي .. ده مكنش حب .. الحب مش كده .. الحب امان .حياه . موده . رحمه . مشاركه . الحب عطاء .. ماينفعش تكوني انتي اللي بتدي وبس .. ولا انتي اللي بتهتمي وبس .. ولا انتي اللي بتسألي وبس .. ماينفعش انتي اللي تشيلي الهم وتدوري الحب انك تكوني قاعده ومتضايقه وقلبه يحس بيكي يكلمك يطمن عليكي ... الحب ان يدوب في كل تفاصيلك .. عيونه ماتشوفش حد غيرك
(نواره خلصت كلامها وطلبت من جني انها تنام وترتاح علي ما رامي يرجع من الشغل ... سابتها تنام ونزلت قعدت في حديقة بيتها وفضلت تتمشي لحد ما تعبت وقعدت علي كرسي فيها لحد ما وصل رامي ولمحها وهي قاعده راح لها )
رامي : الجميل بيفكر في ايه
نواره : في جني
رامي : يادي جني ... هي لحقت تشغلك
نواره : ياسلام لو اللي في بالي حصل يارامي
رامي : انسي يا نواره مش هتجوزها ..... هو انا فاضي للجواز ولعب العيال ده
نواره : ولد عيب ... نواره كده من غير ماما ..... وبعدين من امتي والجواز لعب عيال
رامي : مش عايز اكبرك واقولك ماما يا ام رامي يمكن نلاقيلك عريس
نواره : رامي
رامي : نعم ياعيوني
نواره : غور من وشي
رامي : واهون عليكي يعني
نواره : ايوه عادي
رامي : ما خلاص راحت عليا مدام بنت اختك هنا
نواره : جني دي حته من قلبي
رامي : يعني ايه يعني
نواره : يعني فكر في الجواز منها .... او اديني سبب مقنع لرفضك
رامي : ماينفعش ياامي
نواره : لــــيــــه
رامي : لانها مابتحبنيش .. وماينفعش اجبرها تحبني ..وماينفعش اطلبها للجواز وانا متأكد انها هترفضني ... جني وخداني اخ ليها وبس مش اكتر ومتأكد انها مستحيل تقبلني غير اخ ليها عرفتي ليه ماينفعش احط نفسي في الوضع ده .. عشان كده بقولك خلينا اخوات احسن ما ترفضني وتموت صداقتنا دي
نواره : بتحبها للدرجه دي
رامي : واكتر من كده يا امي
نواره : طب افرض مع الايام حبتك
رامي : لما اتأكد من انها ممكن توافق عليه .... وقتها بس هتقدملها
(كانت جني خرجت من اوضتها وسألت عن عمتها وقالولها انها في الحديقه وخرجت لها وسمعت كل الكلام اللي دار بين عمتها وابن عمتها ... حست انها محصوره جوا دايره صغيره وكل يوم تضيق عليها اكتر دخلت الفيلا عشان محدش يحس بيها بس التفكير كان لسه مسيطر عليها ... الايام مرت عليها يوم بعد يوم لحد ما جه يوم حفلة خطوبه ادهم علي جوليا ... بوسي كانت بتكلمها كل يوم واتفقت معاها انها هتحضر وتصورهم وتبعتلها الصور ... بوسي رفضت في البدايه ولكنها وافقت بعد اصرار من جني ... وفعلا بوسي حضرت الحفل وصورتهم وبمجرد ما الصور وصلتلها انهارت كليآ ... الدموع نزلت من عيونها غصب عنها ... بدأت تصرخ وتبكي ... كسرت كل شئ في اوضتها ... طلعت نواره علي صوت الدمار اللي جاي من الاوضه وبدأت تهدي في جني واتصلت ب رامي ... طبعآ رامي جه بسرعه جدآ ولأنه دكتور عطالها حقنه مسكنه وفضلوا قاعدين جمبها لحد ما نامت وسابوها وخرجوا )
رامي : خير يا ماما ايه اللي حصل
نواره : مش عارفه والله يا بني انا كنت قاعده لا بيا ولا عليه سمعت صويتها طلعت جري واتصلت يك
رامي : ان شاء الله خير
(وبعد ساعات قضتها جني في النوم تعبت نواره من السهر جمبها وراحت تنام في اوضتها وصحت جني وفتحت عيونها وحاولت تفتكر ايه اللي حصل معاها لكنها ما افتكرتش حاجه فقررت تغمض عينيها وتنام تاني بس لمحت ان رامي نايم علي الكرسي جمب سريرها بصت ليه وابتسمت ان بالرغم من عنده معاها الا انه مهتم بيها مدت ايديها علي الكوميدو فتحت الاباجوره ف رامي صحي مفزوع .....)

٠