MAIN HOON NA

PART 11

Raj: PAR.....???

Naina: jab main uss din tumhare paas aa rahi thi toh mujhe ek letter mila...

Aur usme likha tha ki

"

Dear Naina Singh Ahluwalia,

Aakhir aa hi gayi tum apne bhai ke liye jaha tumhare bhai ka itni bezzati ki, use gaddar karar kar diya aur ant me mar bhi gaya yahi KMA me.....!!!

Haha jaha tumhare bhai ne apna sab kuch khoya tha waha tum bhi kuch paavogi nahi Naina.....

Apne bhai ko nirdosh saabit karne aayi ho na, lekin tum kabhi nahi kar paavogi Naina....

Lekin tum ne apne bhai ke liye aane me bohut waqt laga diya Naina, kyunki maine toh socha tha ki tum Naveen ki khabar sunte hi turant aajavogi.....

Kyunki Naveen toh hamesha kehta tha ki uski Gudiya uske liye kuch bhi kar sakti hai....

Khair koi baat nahi, Aakhir me aa toh gayi na tum....!!!

Ab toh tumhare bhai ka best friend Captain Rajveer Singh Shikhawat bhi yaha aa chuka hai...!!!

Uske sar par bhi vahi bhoot Chada hai jo tumhare sar chada hua hai....

Tumhare bhai ko nirdosh saabit karne ka bhoot....!!!

Naveen toh hamesha kehta tha ki agar use kuch hogaya toh sabse pehle uske liye ladne ke liye aane wale uska Raj aur uski Gudiya hai....!!!

Ab toh uski baat sach hogayi kyunki uska dost aur uski behen dono yahi hai aur dono ek hi maksad ke saath aaye hai...!!!

Ab tum soch rahi hogi tum directly jaake Captain Rajveer ko bata dogi ki tum hi uske dost Naveen ki behen ho aur Naveen & tumhare saath kya kya hua tha...!!!

Aur captain Rajveer ye sunkar bohut khush ho jaayenge Aur tumhari help karne lag jaayenge bina apni parwah kiye Naveen ko innocent prove karne me.....

Lekin... lekin....

Tab kya hoga Rajveer ke saath....

Vahi hoga jo manzoore khuda hoga ye kehne wali thi main par end me maine apna dialogue change kar liya...

Isliye Rajveer ke saath vo hoga jo Maine Manzoor kiya hai....!!!

Matlab samjhi nahi na....!!!

Chalo main samjhati hu....

Vo kya haina jab Naveen ko gaddar prove kiya jaa raha tha toh tumhe kuch nahi pata tha Isliye tum kuch nahi kar paayi....!!!

Lekin Rajveer ke saath....

Uske saath jo kuch bhi hoga tum uski chashmadeed gawa banogi aur sab kuch apne aankho ke saamne hote huye dekhogi ....!!!

In fact uske saath jo kuch bhi hoga uske liye tum khud zimmedar hogi....!!!

Use jo bhi hoga tumhe sab kuch pehle se hi pata chalega par phir bhi tum kuch kar nahi paavoga....!!!

Tum use bachana chahogi par tum itni helpless ho jaavogi ki tumse ek Shabd tak bola nahi jaayegi....!!!

Tum Naveen ki Gudiya thi na,

Toh ab tum mere ishaaro pe naachnewali katputli ki Gudiya ban ke reh jaavogi....!!!

Phir ant me apne Rajveer ko apne aankho ke saamne dam todte huye bhi dekhogi...!!!