“Siphayo” – 26
Ngayong malayo na si Jhing-Jhing ay paano ba ang siya’y kalimutan
Na burahin ang lahat ng ala-ala niya na narito sa puso ko’t isipan
Ano paba ang magiging resulta nito at sa huling kahahantungan
Gayong wala na akong pagkakataon na ito’y ipahayag at patunayan
Marahil ay sisikapain ko nalang na makakita ng ibang mamahalin
At baka sakaling mabura na nitong lahat ang damdaming inihain
Ibabaling nalang sa iba ang dalisay kong pagmamahal at hangarin
Sa isang babaeng tatanggapin ako at nahahanda rin akong mahalin
Paalam na sa iyo Jhing-Jhing kung sakaling di na tayo magkita
Babaunin ko nalang sa aking gunita mga matatamis nating alaala
Napag-isip-isip korin naman at tinatanggap ko sa aking kalooban
Na ako’y di nababagay sa isang gaya mo na mataas ang pinagmulan
Nakalalamang ka sa katalinuhan at ang buhay ninyo’y nakakariwasa
Bukod pa sa napaka ganda mo’y marami pang hahabol sa iyong binata
Sino ba naman ako na isang hamak lamang at iyo kayang mapapansin
Wala akong magagarang kasuotan at wala ring kayamanang maihahain
Tanggap kona sa aking kalooban na di ako sa iyo nababagay
Ito marahil ang dahilan kaya di mo ako pansin at di rin kumakaway
Bakit kaya di ko agad ito nakita nuong una paman at naunawaan
Tinimbang ko muna sana ang lahat bago nagmahal ng tuluyan
Ngayon tuloy ay ako ang nahihirapan at nasusugatan
Di kasi nag-isip muna agad bago nagmahal ng lubusan
Ako ang dapat na sisihin sa aking kinahantungan
Sa dahilang langit at lupa ang aming layo at kaibahan
Marahil ikahihiya mo ako kung ako sa iyo’y sasabay
Dahil katatayuan ko sa buhay ay di sa iyo nababagay
Marahil ay mas pipiliin mo ang iba na sadyang matikas
Na sadyang kapwa mo matalino at ang dating ay malakas
Ganuon paman salamat narin sa aking naging karanasan
Patunay lang na ako’y tao din na may damdaming nasasaktan
Hindi ako isang tuod na di maituturing na walang pakiramdam
Marunong din pala akong magmahal kahit walang mga magulang
Itutuloy ....
![](https://img.wattpad.com/cover/2592092-288-k340f6a.jpg)
BINABASA MO ANG
(Maikling Tulang-Salaysay) "Siphayo"
PoetryIsa itong kasaysayang tula na sumasalamin sa buhay ng isang nilalang na kapupulutan ng aral na maging matatag sa buhay at manatiling may pananalig sa Poong Maykapal na mayroon pa ring magandang mangyayari sa kabila ng mga pagsubok sa buhay. Sa kabil...