“Siphayo” – 28
Buong galang na nagmano si kuya sa matandang naturan
Habang ako naman ay nagtataka sa aking kinatatayuan
Ito ang aking mahal na kapatid na sinasabi ko sa inyo
Na sinabi ni kuya sa matanda ng naruon at nakatayo
Halika nga rito apo ko at ng ikaw ay lubos kong mapagmasdan
Ako ang lola mo na matagal mo ng di nakita at di nahahagkan
Ako ang ina ng tatay mo na naging instrumento para ikaw ay maisilang
Kay tagal tayong hindi nagkita at ang puso ko ngayo’y may kagalakan
Medyo nabigla ako sa kanyang mga sinabi at tinuran
Walang salitang lumabas sa bibig ko at ako’y nagugulamihan
Totoo kaya ang sinasabi niya na ngayon ay aking napapakinggan
Na kami ng kapatid ko ang apo niya na ngayon ay natagpuan
Habang kami ay nasa salas ay mayroon pang isang lalaki ang lumapit
Hindi pa naman siya katandaan subalit groovy parin kung manamit
Sabay abot niya ng kanyang kanang kamay upang ako ay kamayan
Sabay bitaw ng isang pangungusap na lalo pa akong nagulantang
Ang sabi niya sa akin ay “ako ang nawawala mong ama”
Na kay tagal-tagal mong di nakita at hindi nakikilala
Halos bumagsak ang puso ko sa aking kinatatayuan
Takang-taka ako sa mga salitang kanyang binitiwan
Di ba dapat ay yakapin niya ako at imbis na kamayan
Dahil sa tagal ng panahon na di niya ako nayakap at nahagkan
Bakit tila parang nag-aatubli siya ngayon at walang kasabikan
Bakit walang lukso ng dugo sa kalooban ko na maramdaman
Bakit tila parang napaka kaswal lang ng aming pagkikita
Kamayan lamang ang nangyari sa una naming pagkikilala
Ganuon lang ba ang normal na dapat manyari sa isang mag-ama
Na tila parang isang magkaibigan lamang ang kanilang nadarama
Agad ng tumalikod si ama ng mga sumandaling iyon
At si lola nalang ang umistima sa amin at nagtanong
Kumusta naman ang pag-aaral mo at iyong kalalagayan
Okay ba ang lahat at di ka naman lubhang nahihirapan
Itutuloy ...
![](https://img.wattpad.com/cover/2592092-288-k340f6a.jpg)
ESTÁS LEYENDO
(Maikling Tulang-Salaysay) "Siphayo"
PoetryIsa itong kasaysayang tula na sumasalamin sa buhay ng isang nilalang na kapupulutan ng aral na maging matatag sa buhay at manatiling may pananalig sa Poong Maykapal na mayroon pa ring magandang mangyayari sa kabila ng mga pagsubok sa buhay. Sa kabil...