[Unicode]
အခန်း(၉၀):ခွင့်ရက်ယူခြင်း နှင့် တွေ့ဆုံခြင်း
ချိုးကျီယန်ရဲ့နှလုံးသားထဲမှာ တွေဝေမှိုင်းထသွားပေမယ့်လည်း မက်ဆေ့ချ်ကို မစစ်ဆေးခဲ့ပေ။ထန်ရှောင်းယွီအပေါ် သူ့ရဲ့ထိန်းချုပ်မှုသည် 'ယခင်က သူနှင့်အတူရှိခဲ့ဖူးသော မေးခွန်းထုတ်စရာလူများနှင့် အဆက်အသွယ်မပြုရန်' ကန့်သတ်ထားခြင်းသာ ဖြစ်သည်။သူသည် တစ်ဖက်လူရဲ့ပါဆင်နယ်ကို အတော်လေး လေးစားခဲ့သည်။
ဒါ့အပြင် ကလေးတစ်ယောက်အတွက် သူငယ်ချင်းတွေ များများထားတာတော့ မဆိုးပါဘူးလေ။
"အစ်ကိုကျီရန်...ဘာလုပ်နေတာလဲ?" လိမ်းဆေးက တော်တော်လေး အေးတော့ ထန်ရှောင်းယွီသည် သူ့မျက်လုံးတွေကို မှုန်ကုပ်ကုပ်နဲ့ ဖွင့်လိုက်ပြီး သူ့မျက်နှာတစ်ပြင်လုံးမှာ ပဟေဋ္ဌိဆန်ဆန် စကားလုံးတွေက ဖော်ပြလို့ထားသည်။
သူဆက်လုပ်မလို့လား?
"မကြောက်ပါနဲ့။ ပြန်အိပ်တော့။" ချိုးကျီယန်သည် သူ့နှုတ်ခမ်းလေးကို ညင်သာစွာ အနမ်းပေးလိုက်ပြီး "မင်းကို ကိုယ် လိမ်းဆေးလိမ်းပေးနေတာပါ ဒါမှမဟုတ်ရင် မနက်ဖြန်ကျ မင်း နာနေလိမ့်မယ်"
သူ စိတ်သက်သာရာရစွာဖြင့် ထန်ရှောင်းယွီသည် သူ့မျက်လုံးတွေကို နာနာခံခံဖြင့် ပြန်မှိတ်လိုက်သည်။
-beep- လုပ်ပြီးသည်နောက် မောပန်းနွမ်းနယ်နေသော်လည်း ချိုးကျီယန်သည် လိမ်းဆေးဆီလိမ်းပြီးနောက်တွင် အိပ်ချင်စိတ်ကို အနည်းငယ်မျှ မခံစားမိပေ။သူသည် ချစ်ရသူ၏မျက်နှာနှင့် တင်ပါးတွေကို နမ်းရှိုက်လို့နေသည်။သူ့နှလုံးသားသည် ပေါက်ကွဲလုမတတ် ချစ်ခြင်းမေတ္တာများဖြင့် ပြည့်နှက်နေ၏။
"ရပ်တော့။ အိပ်သင့်နေပြီ။" ချိုးကျီယန်၏ထပ်ခါတလဲလဲ အနမ်းများကြောင့် ယားယံပြီးစိတ်မသက်မသာ ခံစားနေရသည်မို့ ထန်ရှောင်းယွီသည် သူ့ခြေထောက်ကိုမကာ အားပျော့စွာ ကန်ထုတ်လိုက်သည်။
ချိုးကျီယန်၏နှုတ်ခမ်းတွေက ပင့်တက်လာပြီး သူ့လက်တွဲဖော်ကို အနောက်ကနေ ပွေ့ဖက်လိုက်၏။ "ဂွတ်နိုက်"
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
