قدري كده
꧁الفصل الاول ꧂
عزه: قومي يابت عشان تروحي الجامعه قبل ما ابوكي يرجع
يارا وهي بتقوم من النوم: حاضر هقوم هو هيرجع امتي
عزه: هيرجع العصر لازم تكوني هنا قبل ما يرجع عشان ميزعقش معاكي تانى
يارا: حاضر ياماما هقوم وهرجع ع طول متخافيش
عزه: يلا بسرعه
وخرجت وقامت يارا تخد دوش وتصلى
(نتعرف عليها الاول
يارا عندها 22 سنه ف تلاته تجاره انجليزي عينها رمادي و شعرها طويل بنى و وهي بيضه وجسمها مظبوط اغلب البنات تحسدها عليه هى عايشه مع امها و ابوها وكان عندها اخت بس ماتت من سنه هي كانت اكبر منها وكانت بتحبها اوى
عزه: ولدت يارا ست زاي كل الستات طيبه بتحب عيالها جدا بس مش بتعرف تعمل حاجه قدام جوزها و ظلمه عليهم اللي بسبب كده بنتها ماتت عشان كده بتحاول تساعد يارا ف مستقبلها عشان ميحصلش اللي حصل مع اختها "هنعرف بعدين ماتت ازاي" نكمل)
خرجت يارا كانت لبست دريس اسود و طرحه بيضه وكوتش ابيض
يارا: ماما انا هنزل
عزه: متتاخريش و امسكي دول خليهم معاكى
يارا: اى دول ياماما جبتيهم منين
عزه: شلتهم من وراه امال هنعمل اى يابنتي ربنا ع المفتري
يارا: معلش ياماما انا والله قولت اشتغل بس هو مش عايز
عزه: بكره تتجوزي وتمشي بعيد عنه وعن القرف ده كلوا
يارا: ان شاءلله ياماما انا هنزل سلام
عزه: مع السلامه خدي بالك من نفسك
يارا: حاضر
ونزلت راحت الجامعه هى ملهاش صحاب ع طول ف حالها كل شباب الجامعه نفسهم حد يعرف يكلمها بس هي مش بتخلي حد يقرب منها خالص دخلت المحاضره وخلصت وهي طلعه ف واحد خبط فيها
يارا: مش تحاسب
الشاب: اسف ياانسه مخدتش بالى
يارا: ماشي خد بالك بعد كده ومشيت
الشاب فضل واقف بيبص عليها جى واحد صحبه جنبو
ادهم: اى يابرنس قالتلك اى البت دى
ادم: مفيش انا اللي خبطت فيها بس مالها دي مش زاي البنات يعنى
ادهم: اه ياخويا دى الكل بيحاول بس يتكلم معاها بقالها تلات سنين عمري ما شوفتها بتكلم مع حد ولا ولد ولا بنت كمان
ادم بستغرب: غريبه يعنى انا اعرف ان النااس بتدخل الجامعه تعمل صحاب و تتكلم حتا لو بنات بس
ادهم: دى غيرهم كلهم هى محترمه جدا الصراحه كام شاب حاول يتكلم معاها بس واقفتهم بالذوق من غير غلط لدرجه ان هو اللي بيتكسف ويمشي
ادم: فعلا انا كنت فاكر هتزعق وتعمل زاي البنات كده بس لا قالتلي ماشي خد بالك بعد كده ومشيت ع طول
ادهم: ده كويس انها اتكلمت معاك يلا ياخويا عندي محاضرات تاني
ادم: يلا
(نتعرف عليهم هما كمان
ادم: عنده 23 سنه ف رابعه تجاره انجليزي زايها هو عينه بنى و شعره اسود و قمحي شويه وجسمه رياضه وحلو من النوع المحترم بس بيستحقر البنات السهله جدا
ادهم:صحب ادم من زمان عنده 23 سنه بردو عنيه بنى فاتح و شعره بنى بردو وجسمه رياضه و محترم زاي ادم بس بيحب يعرف اخبار كل حاجه بتحصل)
يارا كانت خارجه من الجامعه بس ف عربيه خبطتها وقعت ع رجلها
يارا بتعب: ااااه
نزل شاب منها بسرعه
مراد: انتي كويسه ياانسه
يارا: الحمدلله بس رجلي وجعاني اوى
مراد: طب تعالي نروح المستشفى
يارا: شكرا لحضرتك انا همشي
مراد: لا طبعا ازاى اتفضلي حضرتك انا دكتور ف مستشفى قريبه من هنا تعالي
و ركبت معاه العربيه وراحت المستشفى وكشف عليها
( نتعرف ع مراد
مراد: عنده 27 سنه دكتور جارحه عينه خضرا و شعره بنى فاتح و جسمه رياضه عشان هو بيلعب ملاكمه كمان و هادي خالص بس لما بيتعصب بيكون شخص تانى خالص)
مراد: هى مفياش حاجه بس المهم ترتاحي عليها يومين عشان متتعبيش
يارا: ان شاءلله يادكتور اقدر امشي
مراد: تحبي اوصلك
يارا: لا حضرتك انا همشي لوحدي بعد اذنك
ومشيت نزلت ركبت تاكسي ومشيت رجعت البيت اول لما فتحت اتصدمت 😳
..................
اكمل ولا لا لو ملقتش تفاعل بردو هوقفها ع طول ومش هكتب تاني
