قدرى كده
꧁الفصل 15꧂
ادم بخوف: العمليه نجحت صح
مراد بحزن: للاسف حصلها نزيف وفقدت دم كتير هي العمليه نجحت فعلا بس بسبب النزيف ف ادعولها تعدى 48 ساعه دول ع خير
ادم بحزن: يارب يارب
مراد: امسك نفسك يا ادم هي هتكون محتاجه ليكم اكيد
اسماء: الدكتور معاه حق اهدى ياحبيبي
ادهم: فعلا يا ادم هي هتفوق ان شاءلله وهتكون كويسه وبعدين متخافش عليها هي قويه وعندها ثقه بربنا كبيره
ادم: طب انا هروح اصلي و ادعيلها
اسماء: ماشي ياحبيبي
مراد: خدني معاك يا ادم
ادم بستغرب: يلا
ونزل ادم ومراد
اسماء: هو انت خدت بالك من حاجه ياض
ادهم: خدت بالي اكيد اننا لازم ناكل عشان احنا من غير اكل من الصبح
اسماء: امشي ياحيوان انا غلطانه اني بتكلم مع عيل طفس ذيك
ادهم بضحك: اهدى بس ياسوسو اكيد خدت بالي ان الدكتور مهتم بيها
اسماء: ما اكيد هو مش اكيد عشان شافها ف المستشفى بس اكيد كان يعرفها
ادهم بتفكير: اه اه افتكرت فاكره اليوم اللي روحت مع يارا الشركه وبعدها روحنا المقابر فاكر اننا شوفنا هناك وهي سلمت عليه كمان واتكلمت شويه
اسماء: يبقا انا صح هو اكيد يعرفها
ادهم: اه وكمان الدكتور شكله واقع خالص
اسماء: طب يارب شكله ابن ناس ومحترم وبيحبها كمان
ادهم: فعلا ربنا يكتبلها الخير يارب
اسماء: امين يارب
.......................
رجع ادم
ادم: يلا يا ادهم خد ماما و امشي يلا
اسماء: لا ياحبيبي انا هقعد معاها أمشى انت عشان ترتاح
ادم: ياحبيبتي انتي هتتعبي من المستشفى وكمان عشان بابا هو مشى عشان الشغل لازم يرجع تكوني موجوده ف البيت امشي ومتخافيش انا هفضل معاها
اسماء: ماشي حاضر يلا يا ادهم
ادهم: حاضر سلام لو حصل حاجه كلمني
ادم: ليه شايفني سوسن حضرتك امشي ياض
ادهم بضحك: حاضر حاضر اى العيله اللي محدش يعرف يهزر معاها دي بس ياربي
ومشى ادهم و اسماء
مراد: طب تعال استريح ف المكتب بتاعي عشان مش هينفع تقعد كده وبعدين ياعم انا هكون بشوف الحالات اللي هنا لو حصل حاجه هقولك وكمان هى مش هتفوق دلوقتي
ادم: ماشي يامراد
مراد: تعال ياخويا
.......................
بعد يومين كان ادم مش بيمشي من المستشفى و مرات بردو بيفضل ف المستشفى و اسماء بتيجي شويه وتمشي مع اسرار ادم وانهارده المفروض انها تفوق
ادم: اى يامراد مش قولت هتفوق انهارده
مراد: المفروض بس لو مفقتش هتكون دخلت ف غيبوبه تاني ادعي ربنا ميحصلش كده
ادم بخوف: يارب يارب
وبعد ساعه خرجت الممرضه تجري
ادم بخوف: ف اى هى مالها
الممرضه: المريضه فاقت لازم انده الدكتور بعد اذنك
ادم بفرح: الحمدلله الحمدلله يارب
جى مراد جرى ودخل الاوضه ع طول
يارا بتعب: اااااااااه
مراد: حمدلله بالسلامه
يارا بتعب: الله يسلمك
مراد: انتي حاسه اى دلوقتى
يارا: راسي وجعاني اوى
مراد: ده طبيعي ف حاجه تانيه
يارا: لا مفيش
مراد: طب اقدر اقولك انك دلوقتي بالف خير
يارا: شكرا يادكتور
مراد: مفيش شكرا خالص اهم حاجه انك بخير دلوقتي انا هخرج عشان ادم هيموت ويدخل بعد اذنك
وخرج ودخل ادم
ادم: حبيبتي حمدلله على سلامتك ياروحي
يارا: الله يسلمك ياحبيبي
ادم: يلا فوقي كده وانا اوعدك مش هندخل مستشفى تاني خالص بعد كده
مراد: خلاص مفيش مستشفى تاني
يارا: شكرا ليكم بجد
ادم: يابنتي انا مش عايز اضربك دلوقتي شكرا اى ياهبله انتي متعرفيش انتي عندي اى
مراد: اتكلم انت ونبي كل لما تشوف وشى تقولي شكرا هو انا مكتوب ع وشى شكرا يعني
يارا بضحك: خلاص خلاص اسفه مش هقول شكرا تاني
ادم: ايوا كده دلوقتي ارتاحي شويه وانا هخرج أكلم ماما وهرجع
يارا: ماشي ياحبيبي
وخرج ادم
يارا: هو انا المفروض اخرج امتي يادكتور
مراد: المفروض يومين ع الاقل عشان نطمن عليكي
يارا: ماشي يادكتور
مراد: مراد خليها مراد وخلاص من غير القاب ممكن
يارا: ماشي يامراد
مراد بابتسامة: طب انا هخرج هتعوزي حاجه
يارا: لا شكرا
مراد: بردو
يارا: خلاص والله بس مخدتش بالى
مراد: ماشي ياستي المره دي سلام
يارا بابتسامة: سلام
وخرج مراد
.......................
بعد يومين
ادم: كده كل حاجه جاهزه
يارا: كويس عشان زهقت من المستشفى والله
مراد: اى ده انتوا زهقانين منى
ادم: اكيد لا يامراد
يارا: هو المشكله كلها انى مش بحب المستشفيات بس
مراد: ماشي ياستي ادم ممكن دقيقه
ادم: اكيد
وخرج ادم ومراد
مراد بتوتر: هو يعني انا عاوز اقولك حاجه بس متقولش لى يارا ممكن
ادم: اكيد ف اى
مراد: يعني هو بعد بكره فاضين عشان اجي انا و الحج والحجه
ادم: هو اللي انا فهمته صح
مراد بابتسامة: اه صح انا عاوز اتقدم لى يارا
ادم بفرح: الف مبروك ياحبيبي اكيد تنورنا
مراد: بس انا مش عايزها تعرف ماشي
ادم: حاضر طب انا هدخل عشان الفضول هيموتها
مراد: ماشي انا هروح اشوف الشغل بقا و ع معادنا
ادم: اكيد
معاد اى
نتبع
ياترى مين اللي اتكلم
ويارا هتوافق ع مراد ولا لا
و تميم هيعمل حاجه
انا متاخرتش اهو بس عاوزه تفاعل عالي بجد التفاعل وحش
