قدري كده
꧁الفصل 13꧂
مراد بحزن: هتفضلي كده تصدقي بالله انتي وحشتيني اوى وصوتك وحشني كمان انا مش عارف اوصفلك حاسس بى اى وانتي كده قومي عشان خاطري تعرفي اول يوم شوفتك فيه كان ف حاجه بتشدني ليك جدا مكنتش عارف مالي بس حاجه خليتني امشي وراكى وساعتها كنت مشغول بيكي مع اني عمري ما كنت مشغول بحد كده مش عارف عملتلي اى بس اللي متاكد منوا اني بحبك ونفسي تقومي
وفضل جنبها طول اليل لحد الصبح
مراد: انا نمت هنا ازاي بس كويس ان محدش جى همشي وهرجعلك تانى بس نفسي تكوني فوقتي
وخرج وبعد نص ساعه وصل ادم
ادم: اى يادكتور مفيش حاجه لسه
مراد: للاسف لسه
ادم بحزن: طب شكرا يادكتور بعد اذنك
ودخل عندها
ادم: مش عاوزه تقومي ليه ليه ضعيفه كده قومي انتي اقوي من كل ده والله مش هخليكي تزعلي تاني بس قومي عشان خاطري ونبي قومي انا بموت وانا شايفك كده بطلي توجعي قلبي عليكي اكتر من كده قومي يا روكا عشان خاطري قومي 😭
وفضل جنبها طول اليوم لحد بليل
مراد: بردو مفقتش
ادم بحزن: لا يادكتور مش عارف اعمل اى
مراد: ان شاءلله خير امشي انت وتعال بكره الصبح
ادم: ماشي يادكتور شكرا ليك بجد
مراد: مفيش شكرا ياعم اعتبر اننا صحاب
ادم: ده شرف ليا اننا نكون اصحاب
مراد: خلاص بلاش دكتور انا اسمي مراد بس
ادم: ماشي يامراد انا همشي
مراد: ماشي
وخرج ادم وفضل مراد معاها
مراد: بردو مش هتقومي طب عشان اخوكي الغلبان ده
وراح قعد جنبها وبيتكلم معاها
مراد: تعرفي انا محبتش قبل كده هو كان اعجاب مره واحده بس مكنتش تستاهل حتى الاعجاب من ساعتها قولت انا مليش دعوه بالحب خالص بس انتي غيرتني خالص بس
وهو بيتكلم يارا فتحت عينها
مراد: انتي فوقتي يارا
يارا بتعب: انا فين
مراد بفرح: انتي ف المستشفى
يارا بتعب: ادم فين
مراد: هكلمه يجيلك ع طول
وخرج كلم ادم ورجع تاني
مراد: حمدلله بالسلامه
يارا: الله يسلمك يادكتور هو انا بقالي كتير هنا
مراد: بقالك شهر تقريبا بس ف حاجه لازم تعرفيها
يارا: خير يادكتور
مراد بحزن: انتي عندك مشكله في القلب والصراحه لازم تعملي عمليه ف اقرب وقت عشان مينفعش نتاخر اكتر من كده
يارا: طب انا اقدر اعملها امتي
مراد بجديه: ان شاءلله بكره الصبح هنعمل التحاليل و الاشاعات عشان نحدد هتتعمل امتي
يارا: تمام يادكتور شكرا لحضرتك
مراد بابتسامه: مفيش شكرا اهم حاجه انك تكوني بخير
يارا ابتسمت
وبعد شويه ادم وصل
ادم: حبيبتي حمدلله على سلامتك كده توجعي قلبي عليكي
يارا: معلش ياحبيبي خلاص انا قومت و هتزهق منى
ادم: عمري ما هزهق منك ابدا انتي متعرفيش غلوتك عندي ازاي
يارا بابتسامه: ربنا يديمك ليا ياحبيبي
مراد: احم ممكن كلمه يا ادم
ادم: اكيد اتفضل
وخرج معاه
ادم: خير ف حاجه
مراد: لا مفيش بس العمليه هتتعمل اخر الاسبوع ده
ادم: تمام يامراد
مراد: طب انا همشي دلوقتي و ان شاءلله بكره الصبح هنعمل التحاليل و الاشاعات عشان كل حاجه تكون خلصت
ادم: ماشي بس هي ينفع تخرج من المستشفى ولا لازم تفضل
مراد: ممكن تخرج بس بعد لما نعمل التحاليل
ادم: تمام
وتاني يوم يارا عملت التحاليل وخرج من المستشفى ورجعت البيت
اسماء: وحشتيني ياحبيبتي نورتي البيت تانى
يارا: بنور حضرتك ياطنط
اسماء: ادخلي ارتاحي شويه
يارا: بعد اذنك ياطنط انا عاوزه اروح الجامعه عشان بقالي فتره كبيره مش بروح
اسماء: بس انتي لسه تعبانه
يارا: انا كويسه والله لو تعبانه مش هخرج من المستشفى
ادم: خلاص ياماما انا هروح معاها عشان بقالي كتير مش بروح بروح
اسماء: ماشي خد بالك منها
ادم: حاضر
....................
ف الجامعه وصل ادم و يارا
ادم: يارا انا هروح اشوف ادهم عشان يجبلنا المحاضرات وانتي استني هنا ماشي
يارا: حاضر
ومشى ادم
تميم كان موجود وشافها و رحلها ع طول
تميم: ممكن اقعد
يارا: خير حضرتك ف حاجه
تميم: انتي مش فاكرني انا اللي وقفت معاكى من شهر عشان المحاضره وكده
يارا: اه بردو مش عارفه حضرتك عايزني ف اى انا بقالي فتره مش باجي عشان تسالني ع المحاضره
تميم بتوتر: احم كنت عايز اتكلم معاكي شويه بس ممكن
يارا: تمام اتفضل خير
تميم: هو انا كنت عايز اقولك انى ................
ياترا تميم هيقولها اى
ومراد هيعمل اى معاها
وهي هتحب مين فيهم
تفاعل عشان وحش جدا
