ليتك قدري

البارت ٣

أضعت الكثير من الوقتِ
‏في البحثِ عن سبب
‏قد يفسرُ لي
‏بعضَ ما قد جرى
‏وأرهقتُ قلبي
‏بأسئلة لا جوابَ لها
‏وأربكته بالعتاب المريرِ
‏وحاصرته
‏ما عليك سوى
‏أن ترى ما أرى
‏كُنت قاسي
‏والليالي تمرُّ ببطء غريبٍ
‏وروحي
‏تشربُ نخبَ مراراتها
‏وتغذُّ السُرى
‏ليتني قلتُ لي
‏فلنسرْ قُدماً
‏ما جرى
‏قد جرى .
______________________________

_ ستلمت نيجتي وطلعت ناجحه تمنيت يقين تكون وياي وحياتي خلصت بين مذكرتي والاربع حيطان واشتياقي ليقين جنا نحجي عالفايبر شوي وتروح لان مبايل امها واذا شافتها حصيرلها مشاكل .

_تعرضت لهواي مواقف بس كلمرة اصير اقوئ وانو اني سند لنفسي ،وراء كل حزن فرج وفرح بس يحتاج صبر والله يعوض كلشي بشي ينسيني الايام المره كلها لذالك خلي املي بربي فقط.
______________________________
جنت كاعدة بالغرفه واكتب بمذكرتي واجتي ماما
_وينج ترفه
ترفه:ها يومم
_تعالي انزلي اجت خالتج ابتهال ونرجس
ترفه:اي اجيت

_نزلت ولكيت خالتي ابتهال وماما يسولفن

ترفه:هيلاو يجماعه

نرجس:هلا بالبذاته

ابتهال:كومن خلنروح لخطبه بت امم تحسبن

جنان:اي المرة عزمتني بس مابيه حيل اروح

ابتهال:دكومن خلنغير جوو كومي ترفه البسيلج شي

ترفه:وففف خاله ماريد واصلا اني ممتعود اطلع
لاعراس وهوسه اختنك وبالاخص سوالف النسوان ماطيقهن يضلن يحشن بالعالم

نرجس:دكومي لاسحلجج هههه يلاا ولجج واكيد العرس متروس صاكين اذوب اني

ترفه:وييـع صاااكين تف عليجج وعالصاكين

نرجس:كومي ولجج فضيها

ترفه:وك كايمه خلبدل

_لبست فستان محجبات بني يصير ضيق من الخصر وبيه حزام لون اسود وبيه نقشه من الصدر بني ولبست كعب اسود وشال بني وخليت مسكارة وحمرة مكياج بسيط بس طلعت توووب هههه

_سلمت عالعروس وكعدنا شوي وطبعا هيه اصغر مني بسنه ماعرف ليش مستعجلات عالزواج وسلمت عالنسوان الموجودات بس اكلني بعيونهن.

نرجس:شوفي ولج ترفه باعي ام علي تاشر عليج
وتسولف وي ام تحسين

ترفه:سدي حلكج ﻼטּ مالي خلك هالتفاهه يربي هسه شجابني وفففف شـﯡﻛـت تخلص

نرجس:دوخري مابيج خير خلكوم اركص

_اباوع علئ نرجس ذبت لحم ههه يربي شبيها هاي بس واللّٰـه خوش تركص مومثلي اذا اهز جتف عبالك بيه صرع ههههه
كعدنا شوي ورجعنا لبيتنا وخالتي راحت لبيتهاا بيت خالتي قريب علئ بيتنا بعد مسافه موهواي

_ثاني يوم اجتي خالتي ابتهال هيه ونرجس سويت فواكه وكعدنا نسولف ونضحك شوي

ابتهال:جنان بتج كبرت وصارت تجيها خطابه