ليتك قدري
بقلمي_ترانيم هادي
_ جنت كاعده بغرفتي واني احس روحي تلوب والرجفه مسيطره عليه
واسمع صوت عياط جوا ، اخذت شالي وطكيتها ركضه
رحت للصاله جان رائد كاض رحمه ومكطعها تكطع والدم يجري من خشمها وحلكها
اول مره اشوفه بهالمنظر والغضب يتطاير بعيونه
وبلكوا يوخرونه منها ويرجعلها خلصها خلاص
رائد:لججج عاار زين عليه ومخليج چا على سوالفج البيه خير يذبحج بس هينه انه اعلمج شلون تساوين نفسج وياها ودورين حقوق
راد يرجعلها وعمي سحبه وطلعه برا ... واني واكفه واحس رجليه بلكوا سانداتني
كومتها عمتي وريماس وريم كاعده وتتفرج وابتسامتها مرسومه على ثغرها
...هيه شافتني واكفه وحجت ،ك*** كله من وراج بس انه اعلمج
ضربتها عمتي على حلكها وسكتتها ، عفتهن وطلعت
واني بلكوا امشي واتكئ عالحايط ، دخل رائد من برا وشافني وعيونه جحظت
رائد:شني هااي
اجى بسرعه عليه ولزمني ،ترفه شني هالدمم وجج شبيج
باوعت على نفسي الدم تارس الدشداشه ولونها صاير احمر ، حتى ماحسيت بنفسي شوكت نزفت
للحضه الالم صار يكطع بطني ، ورائد خبصهم خبص
رائد:نعلعلهه واالديكممم لججج ريمم فضيهاا حترووح من ايددي خررب بالك***
على صوته كلها اجت واني جامده بمكاني شالني وصعدني للغرفه
واجت ريم ورااه ، نزعني ملابسي وهوه راح طلع مدري وين
وريم سبحتني ولبستني واني ممحركه ساكن والالم ينهش بيه
طلعتلي صايه وشال ولبستني ،شوي وصاحت رائد عيونه حمررر والدم مختلط بيهن وشرايينه بارزه من العصبيه
اجى شالني واني مثل اللعبه بأيدهم همه يودوني منا ويجيبوني منا
شالني وهمس يم اذني ، اصبري بنيتي
... وصلنى للمستشفى وهوه كضاها يسب ويفشر فشار مينلبس عليه ثوب
ردت امشي مرضى شالني ، وعيون الناس كلها علينه من الخجل دحست راسي بركبته وهوه انفاسه تلهث بوجهي
ماخلو يدخل دخلت وي ريم كصينا باص وشوي كعدنا ننتضر ودخلونا
سولفتلها ريم على حالتي وهيه خبصتني بالاسئله واني كوا حامله نفسي
اخرها طلبت تحليل سوينى ورجعنى
_ماماتي انتي تدرين بنفسج حامل والجنين مهدد بالاسقاط مع انو نزفتي هواي بس بعده بيه نبض
أنت تقرأ
ليتك قدري
ChickLitكثيرون تاهوا في هذه الحياة، وكان في حياتهم الكثير من التحديات جعلتهم أحياناً يفقدون قيمة الاستمرار أو المضي قدماً، لما يجدونه من هالة سوداء كبيرة في مخيلتهم عن محدودية كل شيء، وكل شيء حولهم لا يبدو فيه أي شيء، الصمت والخواء والفراغ واللاهدف... عن طـ...
