ليتك قدري
بقلمي_ترانيم هاديلا هجرَكِ أنتِ مشكلتي
ما دامَ الهجرُ يُرضيكِ
إنّما
هذا المقْعدُ في صدري
ما عادَ يجاري
أحداً
كما كانَ يُجاريكِ........................
هلاو حلويني اعذروني عالتأخير بس امتحانات وملتهيه كلش وانشالله اذا كدرت انزللكم بارت تعويض لعيونكم
مشاهده ممتعه ولاتنسون تصوتون_قربني من خصري وهمس
رائد: بنيتي صرتي وام بيتي وام زعاطيطي
لزمته من خده وابتسمت
ترفـه:اوي فديتو لابو زعاطيطي ههههه
... اخذنا صور بالكاميرا مال مصور ... شوي وخلالي الحنه وطلع يحضر لحنته وي الشباب
وبدت النسوان تركص وتهلهل ... جانن محضرات الحنه بصينيه مرتبه وشموع ملونه وورق الياس الماليها والديكور فد شي
حنن ايديه والبنات يتسابقن حتى يخلن الحنه على بالهن يتزوجن قريب ، والاغاني والركص بيناتنا واجواء تخبل
لليل كمت بدلت ملابسي ولبست فستان مرتب ومخصر على جسمي طويل
ومسحت مكياجي وخليت خفيف... والبنات كلهم صعدن فوك يشاهدن حفله الحنه مال رائد
... صعدت وراهن وهنه يتعاركن على الحايط ويتهامسن وكلوحده بيهن تكول هذا الي وهذاك الج ههههه
رحت يمهن اخذتلي مكان واشاهد منه مطلعه نص راسي خاف احد يشوفني
الشارع جان مزين بالاضويه والنشرات والكراسي الي مرتبيها على طول الشارع ... عيوني ادور على حبيبي بين الموجودين
وشفته وجن كلبي طلع من مكانه مجرد بس شوفته توترني وطيرني لسابع سمى
جان لابس دشداشه نيلي بارزه عضلات ايده وغتره بلونها، والسبحه بأيده ويفر بيها،والجكاره بحلكه زايدته جمال والسلاح بأيده
... ععـزااا شدعوه هالكد حلو
عاينت على الشباب هم لابسين دشداديش زايدتهم جمال بس موبجمال حبيبي ههههه ...واصدقائه مالين الشارعع على طوله وكلهم نفس اللبس دشاديش وغترات والي بيهم السلاح بيدهم ويهوسون عبالك شيوخ
ودخل وياهم وريته ماداخل وضل واكف بمكانه وسلاحه بيده ... صار هوه بالنص وهمه شكلو سرى ويدبجون
بعدها ترأس وصارو يركصون جوبي ... ونرجس كتلت نفسها بدها تنزل بيناتهم
نرجس: ععـزااا اموع واتسرسح وججج ترفـه حوكع لزميني دباعي هيبه وجمال
ترفـه:وجع وج صوتج فضحتينا انتي بس شوفي حبيبي افففف شدعوه هيج حلوو صاير
نرجس:دباعي حبيبي غير جنه كيك
أنت تقرأ
ليتك قدري
ChickLitكثيرون تاهوا في هذه الحياة، وكان في حياتهم الكثير من التحديات جعلتهم أحياناً يفقدون قيمة الاستمرار أو المضي قدماً، لما يجدونه من هالة سوداء كبيرة في مخيلتهم عن محدودية كل شيء، وكل شيء حولهم لا يبدو فيه أي شيء، الصمت والخواء والفراغ واللاهدف... عن طـ...