ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)

53

{Unicode}

"ပြီးပြည့်စုံမှုကို ရှာဖွေခြင်း"

သက်တော်စောင့်များသည် ရန်ကျားလိကို ဆွဲခေါ်ပြီး အပေါ်ထပ်သို့ တက်လာကြသည်။

ရန်ကျားလိ၏ စိတ်ခံစားချက်များသည် မတည်မငြိမ်နှင့် တက်လိုက်ကျလိုက် ဖြစ်လို့နေသည်။ ကနဦးကတည်းက မနိုင်ဝန် ထမ်းပိုးထားရသော နှလုံးသားသည် စည်းပေါက်သွားသော ရေကာတာကဲ့သို့ ရက်ပေါင်းများစွာ ပိတ်ဆို့နေသော မြစ်ရေများသည် ဒလဟော လျှံကျလာသည်။ ဤအခိုက်တွင် သူသည်လည်း ရုတ်ချည်း အသက်ရှူ မဝသလို ဖြစ်လာပြီး ရင်ဘတ်မှာလည်း အသက်ရှူသံနှင့်အတူ ရေလှိုင်းလုံးပမာ နိမ့်ချည်မြင့်ချည် ဖြစ်နေကာ ဆွဲဆွဲငင်ငင် ငိုကြွေးမိတော့၏။

သို့သော်လည်း သက်တော်စောင့်များ၏ ချုပ်ကိုင်ထားမှုကိုလည်း ရုန်းကန်၍ မရနိုင်ပေ။ သူသည် ထွက်ပေါက်မှ အလင်းရောင်က မိမိနှင့် တဖြည်းဖြည်း ဝေးကွာသွားနေသည်ကိုသာ ကြည့်နေခဲ့ရသည်။

မျက်စိရှေ့မှာ ရှိနေရဲ့သားနဲ့၊ ခြေတစ်လှမ်းလောက် ပိုမြန်လိုက်လျှင် လွတ်မြောက်နိုင်သားနဲ့ကွယ်။

ရန်ကျားလိသည် သက်တော်စောင့်၏ အင်္ကျီလက်ကို အားနှင့် ဆုပ်ကိုင်လိုက်ပြီး ငိုရင်းယိုရင်း မမေ့မလျော့ တောင်းဆိုသည်။

"အစ်ကိုကြီး၊ အစ်ကိုကြီး ကျွန်တော့်ကို ကယ်ပါဦး။ သူက စိတ်မနှံ့ဘူး၊ ရူးနေတဲ့ ခွေးတစ်ကောင်ပါ၊ သူက ကျွန်တော့်ကို သေအောင် လုပ်တော့မှာ။ ခင်ဗျား ကျွန်တော့်ကို လွှတ်ပေးလိုက်ပါနော်။ ကျွန်တော် တောင်းပန်ပါတယ်။ ကျွန်တော့်ကို ပြန်မခေါ်သွားပါနဲ့..."

"ကျွန်တော် ခင်ဗျားရဲ့ သနားကရုဏာထားမှုကို တစ်သက်လုံး မှတ်သားထားပါ့မယ်၊ ကျွန်တော့်ကို လွှတ်ပေးပါနော်၊ ကျွန်တော် တောင်းပန်ပါတယ်..."

သက်တော်စောင့်သည် အပေါ်ထပ်မှ ခြေလှမ်းများ ရပ်တန့်သွားသည်ကို ကြားလိုက်ရသောအခါ မိမိ၏ နှလုံးခုန်သံသည်လည်း နှစ်ကြိမ်မျှ ရပ်တန့်သွားခဲ့သည်။

သူသည် ခန္ဓာကိုယ်ကို နှိမ့်လိုက်ပြီး လေသံကို တိုးလိုက်ကာ