[Unicode]
အခန်း(၉၇):လက်တွေတွဲထားကြမယ် နှင့် Happily Ever After
"အကိုဆုနို ကျွန်တော့်ကို ပေးနိုင်မယ့်တခြားနည်းလမ်းတွေ ရှိလား?" ထန်ရှောင်းယွီသည် ထိုကဲ့သို့သော အဝတ်အစားမျိုးကို ၀တ်ပြီး ဖြားယောင်းသွေးဆောင်ဖို့ရာ မဖြစ်နိုင်ပေ... ရှက်စရာကောင်းလွန်းတယ်!"ဒါဆို မင်းတို့တွေလမ်းခွဲကြမလား?" ဆုနိုက အရှုံးမပေးချင်သေးပေ။
"မခွဲဘူး!" ထန်ရှောင်းယွီသည် ထိုအကြံအစည်ကို မဆိုင်းမတွ ချက်ချင်းငြင်းဆိုလိုက်သည်။
ဒီလိုအကြံမျိုးကို သူ ဘယ်လိုတောင်ပေးနိုင်ရတာလဲ!
ဆုရှောင်းနိုတစ်ယောက် သက်ပြင်းရှည်ကြီးချလိုက်သည်။
ဒီကြွက်သားကောင်နဲ့ ပတ်သက်ပြီး ဘာတွေကများ အရမ်းကောင်းနေရတာမို့လို့လဲ?
သူ တကယ်နားမလည်နိုင်တော့ဘူး။နာရီဝက်ကျော် ဖုန်းပြောနေသော်လည်း ထန်ရှောင်းယွီသည် အသုံးဝင်သည့် အကြံဉာဏ်များပင် မရရှိခဲ့သည်မှာ အသိသာကြီးပင်။အဲဒီအစား သူကြားခဲ့သမျှတွေက "ချိုးကျီယန်က လိင်တူချစ်သူမဟုတ်တာ သေချာလား?" "သူဟာ ပန်းရောင်ဇာပေါက်တွေကို ကြိုက်တာဖြစ်နိုင်မလား?" "မင်းလမ်းမခွဲနိုင်လွန်းလောက်အောင် မင်းမှာ အကောင်းမြင်စိတ်များရှိနေတာလား?" ဟူသည့် အဓိပ္ပါယ်မရှိ စကားတွေသာဖြစ်သည်။ထိုမျှသာမက သူ့ရဲ့ မိသားစုနောက်ခံ၊ သွေးအမျိုးအစား၊အရပ်နှင့် ခြေထောက်ထက်က အမွေးအမြှင်တွေ၏အတိုင်းအတာ တစ်ခုလုံးကိုပင် မမျှော်လင့်ဘဲ သိခဲ့ရသည်။
သူတို့ နောက်ဆုံးဖုန်းချဖို့ကို အချိန်အတော်ကြာ အချိန်ယူလိုက်ရပြီး ထန်ရှောင်းယွီသည် သူ့ခေါင်းတစ်ခုလုံး ပေါက်ကွဲထွက်သွားသလို ခံစားလိုက်ရသည်။
ထန်ရှောင်းယွီသည် သူ့ရဲ့ဝဘ်ဘရောက်ဆာကို ဖွင့်လိုက်သည်နှင့် အဖွဲ့လိုက်လေ့ကျင့်ခန်းတစ်ခုတွင် ဦးဆောင်နေသည့်ချိုးကျီယန်၏ သတင်းသည် ဖျော်ဖြေရေးကဏ္ဍ၏ရှေ့မျက်နှာစာတွင် ရှိနေသည်ကို တွေ့လိုက်ရသည်။မှတ်ချက်တွေကို ဦးနှောက်သေနေသည့်ပရိသတ်များက သိမ်းပိုက်ထားပြီးဖြစ်သော်လည်း အပြုသဘောဆောင်သည့် မှတ်ချက်တို့သည်လည်း မှတ်ချက်ကဏ္ဍကို လွှမ်းမိုးထားနေဆဲ။ရံဖန်ရံခါတွင် "အပေါ်ယံလောက်လေးနဲ့ဘဝင်ခေါင်ခိုက်ကြွားဝါသူပဲ" နှင့် အလားတူဝေဖန်မှတ်ချက်အချို့ရှိခဲ့သော်လည်း ၎င်းတို့သည် လျင်မြန်စွာ နစ်မြှပ်သွားခဲ့သည်။အားလုံးကို ခြုံငုံကြည့်ရင်တော့ ဆိုးကျိုးသိပ်မရှိပေ။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...