الظل

الحلقة ١

الظل

الحلقة الأولى
❄️❄️❄️❄️❄️

في شقة فخمة
❄️❄️❄️❄️❄️

فى تمام الساعة الثامنة صباحا نستمع لصوت الهاتف بنغمة اجنبية و لحظات و تخرج يد من أسفل الفراش تطفي ذلك الصوت المزعج و تقوم

الفتاة : اوف اوف اوف

توجهت تلك الفتاة الي الحمام و اخذت دش بارد و خرجت تلف جسدها باحدي الفوط التي تسمح من خلالها ان تظهر جسدها بسخاء

الفتاة : امممممممم اختار ايه البس ايه اه ده حلو

و لكن قطع اختيارها صوت رنين هاتفها مرة أخري فاسرعت له و فتحت المكالمة و رمت نفسها على السرير

الفتاة بدلع : صباح الخير
المتصل : صباح النور جاهزة
الفتاة بدلع : لسه كنت بختار لبس بس محتاره البس ايه
المتصل : اي حاجة انتي حلوة في اي لبس
الفتاة بفرحة : بجد صقري
صقر بابتسامة : بجد يا قلب صقرك يالا بقي اجهزى بسرعة علشان هاجي اخدك و نروح سوا
الفتاة بفرحة : حالا حبيبي هكون جاهزة
صقر : تمام جوجو سلام

اغلقت الفتاة بفرحة و وقفت امام المرايا تنظر لنفسها بكل غرور و ثقة و لما لا فهي تستحق ذلك بجداها فهي جميلة جدا بشعرها البني الامع مع عيونها الزرقاء و جسدها الممشوق و فوق كل هذا مخطوبة لاحد أشهر رجال الأعمال صقر الجارحي الذي يدللها و ينفذ جميع طلباتها بصدر رحب

جومانا و هي تلقي قبلة لنفسها فى المرايا : قمر طول عمري و مجننه الناس من جمالي
و بشهقة :  يا لهوي صقر زمانة جاي

اسرع الي الدولاب و وقفت تختار فستان باللون الأحمر الناري لمنتصف الفخد و رفعت شعرها إلى الأعلي و ارتدت سلسلة و خاتم خطوبتها و رشت عطرها و ارتدت حذاء لكعب عالي باللون الاسود مع حقيبة يد باللون الاسود من افخم الأنواع وخرجت

جومانا بابتسامة : صباح الخير مامي
السيدة بابتسامة : صباح النور جوجو صقر جاي يخدك
جومانا : اه علشان عربيتي فى التوكيل
السيدة : هو فقير لما يجبلك عربية جديدة
جومانا بضحك : اهدي يا فوفا انا بلعب معاه على الهادي و هو هيجبها هيجبها متقلقيش
ألفت : حكاية صقر طولت بقالك ٤ شهور مخطوبة
جومانا و هي تجلس امامها : متنسيش هو جابلي حاجات كتير و لما نتجوز هبقي جومانا هانم الجارحي يعني الكل فى الكل
ألفت : بس متنسيش جدته
جومانا : هو بيعرف يسيطر عليها متقلقيش
ألفت : تمام ربنا معاكي بس حولي تنجزي بسرعة الواحد عاوز يتفسح
جومانا بابتسامة   متقلقيش صقر بيجهز سفرية للجونة علشان مشروع جديد و اكيد هسافر معاه و هو عمره مهيسيبك لوحدك
الفت : حلوة الجونة بتفرج عليها فى التلفزيون او النت بتبقي جامد
جومانا : صقر بيرن يبقي اكيد تحت يالا سلام
ألفت : سلام ابقي اعزمي صقر على الغدا بكرا
جومانا : تمام