الظل

ح ٨

الظل

الحلقة الثامنة
❄️❄️❄️❄️❄️

توقفنا عندما غادرت زمرد القصر و توجهت إلي المنزل

دخلت زمرد الي المنزل وجدت الجميع يجلس يبكي على تأخرها

زمرد بخضة : في ايه مالكم ليه بتعيطو

اسرعت شمس لها و حضنتها و قامت زمرد برفعها بين احضانها و اسرع مالك لها و حضنها بشدة

زمرد : مالكم يا حبايبي حصل ايه يا تيتة
الجده بدموع : كنتي فين يا زمرد كده يا بنتي كل ده تأخير كنتي فين
زمرد و هي تجلس : حقك عليا يا حبيبتي بس و الله كان غصب عني
مالك :كنتي فين
زمرد : في شغل جديد
الجده : بجد يا بنتي
زمرد : اه و الله يا توتا يا عسل انتي
الجده : الحمد لله يالا يا مالك روح ذاكر و انتي يا شموسة روحي اتفرجي على التلفزيون
مالك و هو يقبل زمرد : حمد لله على السلامة يا روحي
شمس بفرحة : تعالي اعملي معايا الواجب
مالك : تعال حبيبتي انا هساعدك
الجدة : تعالي معايا زمرد
زمرد : هرتب الشنط ديه و هاجي

انتهت زمرد من ترتيب الشنط فى المطبخ و الثلاجة و خرجت إلي الصالة و جلست بجوار جدتها

الجدة توتا : تعالي ندخل جوا

وقفت زمرد بسرعة و مسكت ايد جدتها و توجهو إلي غرفتهم و جلست على السرير

الجدة توتا : تعالي يا حبيبتي

ضمتها الجده لحضنها فكانت تلك القشة التي قسمت ظهر البعير انفجرت زمرد فى بكاء شديد ليس له مثيل

فضلت الجدة توتا تمسح على ظهرها بكل حنان و حب إلي ان انتهت زمرد من الدموع

الجدة توتا : ايه اللي حصل
زمرد بدموع : جومانا مش عوزة تسبنا فى حالنا
الجدة توتا : حصل ايه
زمرد بدموع : معرفش بس اللي عرفته منه انه خطيب جومانا و اني السبب فى هروبها برا البلد و هو اللي خلاني اترفد من الشغل و دلوقتي جبرني اني اشتغل عنده بس بمقابل ٥ آلاف جنية
الجدة توتا : مفيش مرواح عنده
زمرد بدموع و حزن : مينفعش يا توتا ده هددني بمالك و شمس و انتي و انتم اغلي حاجه عندي
الجدة توتا : منها لله ألفت هي اللي ربت جومانا بطبعها و طمعها
زمرد : مش بس ألفت اللي غلطانة امي و ابويا غلطو هما كمان
الجدة توتا : يالا الله يسامحهم و هتعملي ايه دلوقتي
زمرد : انا جيبت تليفون جديد لمالك و يفضل هنا و كل ليلة بالليل هنتكلم على النت انا دفعت الاشتراك مع مروة و امسكي دول
الجدة توتا : ايه دول
زمرد : الفلوس ديه خليها معاكي و صرفي منها و انا جبت كل حاجة ممكن تحتجوها فى اي وقت و اي حد يسأل عليا قوليلة اني بشتغل فى محافظة تانية ذي مقولت لمروة و انا دلوقتي هجمع هدومي
الجدة توتا بخوف : خايفة عليكي يا بنتي
زمرد بابتسامة : انا محمية برنا و كمان ابويا ميت راضي عليا حتي امي سلوي ميتة راضية عليا و انتي يا توتا راضية عني و لا ايه
الجدة توتا : راضية عندك ليوم الدين ربنا يكرمك و يرزقك بالخير و الهنا و السعادة و يرزقك بأن الحلال اللي يهدي سرك و تلاقي فى حضنة الحنان و الحب و الأمان ربنا يوسع رزقك و يكرمك و يكفيكي شر الناس يا زمرد يا بنت صفا يا قادر يا كريم
زمرد بابتسامة : كفاية كده عليا ربنا هيحميني من كل شر و اي حد هيفكر ياذيني دعاكم و رضا ربنا هيحميني
الجدة توتا : يا رب يا بنتي
زمرد : اه صحيح افتكرت لحظة واحدة و هاجي