الظل

ح ٢٣

الظل

الحلقة الثالثة و العشرون
❄️❄️❄️❄️❄️❄️❄️❄️

في الصعيد
❄️❄️❄️❄️

في المستشفي
❄️❄️❄️❄️❄️

بعد مرور اسبوعين كان يهتم صقر بزمرد بشدة و يرفض اي ممرضة مساعدتها و اخير قرر دكتور سراج السماح لها بالخروج من المستشفي و لكن امر صقر بتجهيز سيارة إسعاف مجهز لنقلها الي المطار للسفر للقاهرة فرحب دكتور سراج و معاذ ذلك حتي تستطيع ان تكون بجانب الدكتور سراج فهو كان فى الصعيد لزيارة اقاربة و رفض السفر لحين خروج زمرد او جومانا من المستشفي

صقر بابتسامة : هرجع القصر شوية و هرجع على طول
زمرد : رعد عامل ايه
صقر : بقي كويس متقلقيش فكري في نفسك
زمرد : صقر
صقر : نعم
زمرد : هي لو يعني اااااا
صقر : فى ايه اتكلمي علي طول
زمرد بقلق : هي لو جومانا اللي عملت كده فى الفرسة كنت بردو هتامر مازن يروحها القصر كش هتطمن عليها
صقر : زمرد بلاش تفكري كتير لأنك عارفه الإجابة
زمرد بدموع : يعني انت بتهتم بيا علشان حاسس بالذنب
صقر ببرود : ذنب اه بصراحة شوية علشان ضربتك يوم الحادثة و لو مسكتك مكنتيش خرجتي و اذيتي نفسك و اذيتي رعد
زمرد بدموع غزيرة : يعني طول الأسبوعين دول كان عطف و بس مفيش حاجة تانية
صقر ببرود : ايوة عطف و بس
زمرد بدموع غزيرة : انت قاسي اوي يا صقر قلبك بيجرح من غير تفكير بدعي من ربنا كل حاجة تضيع منك فى لحظة واحدة
صقر بسخرية : افتكر دعوة الظالم مش بتستجاب
زمرد بدموع غزيرة و صراخ : اطلع براااااااااا براااااااااا انا عوزة ارجع عند تيتة
صقر ببرود : هنرجع علي القصر عند جدتك محدش هيساعدك لأنك القصر هجبلك ممرضة و نتهي الكلام
زمرد بدموع غزيرة و نهجان : اطلع براااا اطلع مش عاوزة اشوف وشك
صقر بتنهيدة : زمرد احنا كنا وضحين من الاول و حطينا الشروط فبلاش علشان شوية اهتمام تفكري حاجة تانية
زمرد بالم شديد : من فضلك اطلع و سبني
صقر : براحتك انا راجع القصر كام ساعة و هاجي

خرج صقر و هنا انهارت زمرد اكثر و اكثر و لعنت قلبها و عقلها الذي صور لها اهتمامه و رعايتها بالخوف و الحب و لكن اتضح انها شفقة و عطف فقط

خبط دكتور سراج و معه زوجته فهي ايضا دكتورة باطنة و دخلو وجدوها فى تلك الحالة الهستيرية فاسرعت لها زوجة سراج و ضمتها لحضنها و فضلت تملس على شعرها بكل حنان ام انحرمت منه

زوجة سراج : بااااااس يا روحي اهدي حصل ايه ليه الدموع ديه كلها
زمرد بدموع غزيرة : تعبت اوي تعبت اوي هو انا مش مكتوبلي الفرح و السعادة ليه كل حاجة بتسرق مني هو انا وحشة فيا حاجة غلط امي تموت و بعدها امي التانية تموت و ابويا كمان يموت و تمرمط و بهدل فى الدنيا بطولي و متعلق في رقبتي ناس كتير هو انا ليه ملقتش الحب و الاهتمام طلع عطف و شفقة انا تعبت و الله العظيم تعبت نفسي الاقي الصدر الحنين اللي يضمني لحضنة و يطمني و يدفيني ااااااااااااه يا رب ريحني
زوجة سراج بحزن : وحدي الله يا بنتي قولي يا رب
سراح بحنان : وحدي الله يا بنتي و صلي و قولي يا رب ارزقني بابن الحلال اللي يريحني
زمرد بدموع غزيرة : يااااااا رب الرحمة من عندك
زوجة سراج بحنان ام : يالا يا حبيبتي كفاية عياط و غمضي عيونك و نامي شوية
زمرد بتعب و دموع : خليكي جمبي شوية لغاية منام من فضلك
زوجة سراج بحنان : انا جمبك يا روحي متخفيش يالا غمضي عيونك الحلوة ديه و ستريحي