[Unicode]
အခန်း(၉၈):ရုပ်ရှင်ရိုက်ကူးရေး ၁
ကမ္ဘာပေါ်ရှိ အပျော်ရွှင်ရဆုံးကိစ္စမှာ သင်ချစ်ရသူနှင့် သဘာဝအတိုင်းအိပ်ရာကမနိုးလာခင်အထိ အတူတူအိပ်ရပြီးတော့ အရသာရှိတဲ့နံနက်စာကို စားကြရသည်ပဲ ဖြစ်သည်။
လောလောဆယ်မှာတော့ ဒါက ဆုနိုရဲ့လက်တွေ့ဘဝပါပဲ။
ဒါပေါ့!သဘာဝအတိုင်း မနိုးလာတဲ့အကြိမ်ရေ အနည်းငယ်ရှိတာပေါ့လေ!ဒါပေမယ့်လည်း အနမ်းလေးနဲ့ နှိုးခံရတယ်!ဒါကြီးက အရမ်းကို မိုက်တာပဲ!တကယ့်ကို သက်တောင့်သက်သာရှိတယ်!
"မောနင်း....." ပြတင်းပေါက်မှနေရောင်ဝင်ရောက်လာသည်နှင့်အမျှ အိုးရန်လုံသည် သူ့ပါးပြင်တစ်ဖက်ကို ဖျစ်ညစ်လိုက်သည်။
ကမ်းစပ်ခပ်ဝေးဝေး၌ ရိုက်ခတ်နေတဲ့ လှိုင်းတံပိုးခတ်သံကို ကြားနေရ၏။ဆုနိုသည် သူ့ခန္ဓာကိုယ်ကို နူးညံ့ပျော့ပျောင်းတဲ့ အသိုက်မြုံထဲမှာ ဆန့်တန်းရင်း သူ့မျက်လုံးတွေက ခပ်ကျဥ်းကျဥ်းအနေအထား, အပေါက်လေးတစ်ခုလို ဖွင့်လိုက်ပြီး စပြောလိုက်သည်။ "မနေ့ညက အိပ်မက်အရှည်ကြီးမက်ခဲ့တယ်"
"ဘာအိပ်မက်မက်ခဲ့တာလဲ?" အိုးရန်လုံ မေးလိုက်သည်။
"ဂြိုလ်သားအုပ်စုကြီးက ကမ္ဘာမြေကို တိုက်ခိုက်ပြီး ထျန်ချန်း entertainment အဆောက်အအုံကို ဖျက်ဆီးပစ်ခဲ့တယ်။ ဂျက်ဆန်ကိုလည်း နဂါးငွေ့တန်းဂလက်ဆီအပြင်ဘက်မှာ နေတဲ့ လက်တန်ရှည်မွန်းစကားကောင်တွေရဲ့ ရက်စက်စွာဖမ်းဆီးတာကိုခံခဲ့ရတယ်လို့ ကျွန်တော် မက်ခဲ့တာ" ဆုနိုရဲ့ အိပ်မက်က တကယ်ကြောက်စရာကောင်းတာပဲ!
"မင်းကရော?" အိုးရန်လုံ ပြုံးလိုက်သည်။
"ကျွန်တော်က အလုပ်,လုပ်ဖို့မလိုတော့တာကြောင့် အောင်ပွဲခံဖို့ အသားကင်တွေ စားနေတယ်" ဆုနို ရယ်လိုက်၏။
အိုးရန်လုံ : ........
"မင်း တကယ်အလုပ်မလုပ်ချင်ဘူးဆိုရင် ကိုယ်တို့ရဲ့အားလပ်ရက်ကို ထပ်တိုးလို့ရတယ်နော်" ဒါ့ကြောင့်မို့ မစ္စတာဒါရိုက်တာသည် တကယ့်ကိုချစ်တတ်လွန်းတဲ့ top တစ်ယောက်ပင်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
