[Unicode]
အခန်း(၁၀၅):ရုပ်ရှင်ရိုက်ကူးရေး ၈
ဆုနိုသည် လောင်းကစားကိစ္စပြီးနောက် လော့လီကို လုံးဝ မေ့သွားပြီး အနှီနာမည်ကို ရုတ်တရက် ကြားလိုက်ရသောအခါတွင် ချက်ခြင်း သတိကပ်သွားမိသည်။
"သူ့က ဘာဖြစ်လို့လဲ?" ရှန်းဟန်သည် ဆုနိုမျက်နှာရှေ့တွင် သူ့လက်ကို ဝှေ့ယမ်းလိုက်သည်။သူ ဘာကြောင့်များ ရုတ်တရက် အံ့အားသင့်သွားရတာလဲ?
"ဘာမှမဟုတ်ပါဘူး" ဆုနိုက သတိခွက်လွတ်သွား၏။ "မင်းရဲ့ ချစ်လှစွာသောဝမ်းကွဲက ဘာကြောင့် ရုပ်ရှင်လုပ်ငန်းမှာ ရင်းနှီးမြှုပ်နှံဖို့ ဆုံးဖြတ်ခဲ့တာလဲ?"
"ဘယ်သူသိနိုင်မလဲ;သူက ပိုက်ဆံပဲရှာချင်နေတာ နေမယ်။" ရှန်းဟန်သည် ခန့်မှန်းလိုက်သည်။
'ငွေရှာချင်တာက ရိုးရှင်းတဲ့ကိစ္စမဟုတ်တာတော့ သေချာတယ်'။ ဆုနိုသည် မကျေမနပ်တွေးလိုက်သည်။
'သူ့မှာ ဖုံးကွယ်ထားတဲ့ကိစ္စတစ်ခုခု ရှိရမယ်!'
သူတို့က come out လုပ်ပြီးသားဖြစ်ပေမဲ့လည်း ဒီအရှုပ်အထွေးကိစ္စကြီးကို မရှောင်နိုင်ကြသေးပါဘူး။အရမ်းကိုမှ စိတ်ကသိကအောက်ဖြစ်ရတယ်!'
ဆုရှောင်းနိုသည် စိတ်ပင်ပန်းစွာ သက်ပြင်းချလိုက်သည်။
"အကိုဆီမှာ သကြားလုံးရှိလား?" ရှန်းဟန်က သူ့ကို မေးလိုက်သည်။
သူသည် ချောကလက်ကို ကိုင်ပြလိုက်တော့ ရှန်းဟန်၏မျက်လုံးများက တောက်ပလာသည်။နှစ်ရာချီကြာအောင် ဘာမှမစားခဲ့ရသေးသလိုပဲ!
"ယန်ရှီက မင်းကို မကျွေးဘူးလား?" ဆုနိုသည် ချက်ခြင်းပင် ကိုယ်ချင်းစာမိသည်။
မစ္စတာယန်သည် ရှန်းဟန်၏အလုပ်မတရားများသူ မန်နေဂျာတစ်ယောက်ဖြစ်ပြီး ကပ်စေးနဲသူတစ်ဦးလည်းဖြစ်သည်။အလွန်ပင် ကြောက်စရာကောင်းလွန်းသည်။
နှိုင်းယှဥ်ကြည့်ရလျှင် သူ့ရဲ့တော်ဝင်ကိုယ်လုပ်တော်လေးက ပိုကောင်း၏။
"သူက စားရင်ဝိတ်တက်လာလိမ့်မယ်လို့ပြောတယ်။ဆေးသောက်ပြီးရင် သကြားလုံးတစ်လုံးတောင် မပေးသွားဘူး" ရှန်းဟန်က ဝမ်းနည်းကြေကွဲစွာ ပြောလိုက်သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
