[Unicode]
အခန်း(၁၀၈):ရုပ်ရှင်ရိုက်ကူးရေး ၁၁
"မနေ့က ရေချိုးခန်းထဲမှာ လဲကျသွားတုန်းက မင်းခြေကျင်းဝတ်လည်သွားတာ ဖြစ်နိုင်တယ်။" လော့လီက ဒိုင်အန်းကို ကုတင်ပေါ်ပြန်ထိုင်စေပြီး "ငါ ဆရာဝန်သွားခေါ်လိုက်မယ်။"
ငါဘာလို့ ကံဆိုးရတာလဲ!
တော်ဝင်ကိုယ်လုပ်တော်လေးက မျက်ရည်တောင် တပေါက်ပေါက်ကျချင်လာသည်။
ဒါပေမယ့် စစ်ဆေးပြီးနောက် လော့လီနဲ့ သူ့ကို လမ်းတစ်ဖက်က ဟိုတယ်ခန်းထဲကို အတင်းအကြပ် ရွှေ့ခိုင်းစေလိုက်တာပဲ။
ဆေးရုံကုတင်အရေအတွက်က ကန့်သတ်ထားသောကြောင့် ဒိုင်အန်း၏အသေးစားဒဏ်ရာအတွက် အထူးကောင်းမွန်သည့် ဆေးရုံအခန်းကြီးတစ်ခုလုံးကို သိမ်းပိုက်ထားခြင်းအား လက်မခံပေ။ဒါပေမယ့်လည်း ပုံမှန်ဆေးရုံအခန်းတွေက အဆင်မပြေတဲ့အတွက် လော့လီက ဆေးရုံတစ်ဖက်,လမ်းဘေးမှာရှိတဲ့ ဟိုတယ်အခန်းကို ကြိုတင်စာရင်းသွင်းဖို့ ဆုံးဖြတ်လိုက်တာကြောင့် နောက်ထပ်စစ်ဆေးမှုများအတွက် အလွယ်တကူ ဆေးရုံသို့ပြန်သွားပြလို့ လွယ်စေသည်။
"အောက်ထပ်က ဘဏ်ကိုပို့ပေးနိုင်မလား?ကျွန်တော် ပြန်ပေးမယ်။”
"လေးသိန်းနော်?" လော့လီက အဓိကအချက်ကို ပြောလိုက်သည်။
ဒိုင်အန်း:......
“အခုလောလောဆယ် ပိုက်ဆံမရှိသေးရင်လည်း စိတ်ပူစရာမလိုပါဘူး။တစ်နှစ်ကို နှစ်သောင်းနှုန်းနဲ့ နောက်အနှစ်နှစ်ဆယ် ပြန်ဆပ်နိုင်တယ်" လော့လီက သူ့ကို နှစ်သိမ့်ဖို့ ကြိုးစားလိုက်၏။ "ငါ မင်းကို အတိုးမယူပါဘူး။"
"ကောင်းသောညပါ!" ဒိုင်အန်းသည် စောင်ကိုကိုင်ကာ ခေါင်းထိခြုံလိုက်သည်။
လော့လီသည် ဒိုင်အန်း၏ ဗိုက်ကိုလက်ညှိုးဖြင့် ထိုးလိုက်သည်။ သူ့ဘေးနားမှာ ရပ်နေရင်း လော့လီတစ်ယောက် ရွှင်လန်းနေခဲ့သည်။
"ရပ်လိုက်!!" တော်ဝင်ကိုယ်လုပ်တော်လေးက ဒေါသမီးတွေတောက်လောင်ရပြီ။သူဘာလို့ ဒီလောက်တောင်စိတ်ရှုပ်စရာကောင်းနေရတာလဲ!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
