[Unicode]
အခန်း(၁၁၀):ရုပ်ရှင်ရိုက်ကူးရေး ၁၃
ပြတင်းပေါက်အပြင်ဘက်တွင် လေပြင်းများ ဆက်လက်တိုက်ခတ်လာ၏။ဆယ်မိနစ်ခန့်အကြာတွင် လော့လီသည် ဝယ်လာသည့်အစားအသောက်အစုံအလင်ဖြင့် ပြန်ရောက်လာပြီး မိုးရေစက်တွေက သူ့အဝတ်အစားတွေမှ စီးကျလာသည်။
"ဘာလို့ ထီးမဝယ်လာရတာလဲ?" ဒိုင်အန်းက မေးသည်။
"လေထန်လွန်းတယ်၊ထီးတွေနဲ့ အဆင်မပြေဘူး" လော့လီသည် ထမင်းဘူးများကို စားပွဲပေါ်တင်လိုက်သည်။စိုနေသည့် အင်္ကျီကို ချွတ်ကာ ဆံပင်အခြောက်သုတ်ရန် ရေချိုးခန်းထဲသို့ ဝင်သွားသည်။
သူ့ရဲ့ကြေးညိုရောင်အသားရောင်က သူ့ရဲ့ကျန်းမာရေးကောင်းနေတာကို ဖော်ပြနေပြီး တောင့်တောင့်တင်းတင်းရှိနေတဲ့ကြွက်သားတွေနဲ့ လော့လီရဲ့ ပုံသဏ္ဌာန်ဟာ catwalk လျှောက်လမ်းပေါ်က အမျိုးသားမော်ဒယ်တစ်ယောက်နဲ့တူနေသည်။
သို့သော် ဒိုင်အန်းကတော့ဖြင့် သူ့ရဲ့အလှကို ချီးမွမ်းလိုစိတ်မရှိ၊စိတ်ဖိစီးနေဆဲဖြစ်သည်။
"ဘာလို့မစားသေးတာလဲ?" လော့လီသည် သူ့ဆံပင်ကို အခြောက်ခံပြီးနောက် ထွက်လာခဲ့သည်။ဒိုင်အန်းတစ်ယောက် သူ့ကုလားထိုင်ပေါ်တွင် မှိန်းနေသေးသည်ကို မြင်လိုက်ရသဖြင့် သူ့အတွက် ထမင်းဘူးများကို ဖွင့်ပေးလိုက်သည်။သူ့ရဲ့ဗလာကျင်းလျက်ရှိနေတဲ့အပေါ်ပိုင်းကို ဒီလိုပုံစံနဲ့ လှုပ်ရှားနေတာကို မြင်ရတာ ဆွဲဆောင်မှုရှိနေပြီး သူ့မှာ အကျည်းတန်တဲ့ ချုပ်ရိုးအစင်းကြောင်းတွေပါ ရှိနေသေးသည်။
အမာရွတ်ကိုကြည့်ရုံဖြင့် ဒိုင်အန်း၏ဦးရေပြားသည် တစ်ဆစ်ဆစ်ဖြစ်သွားပြီး သူ့ရင်ဘတ်ထံမှ ရုတ်တရတ်စူးရှသွားသလို ခံစားလိုက်ရသည်။
မသိရင် သူမှာ အမာရွတ်တွေ ရှိသွားသလိုပဲ!
"ဒါတွေက တိုက်ပွဲမှာ ရခဲ့တဲ့အမာရွတ်တွေ" လော့လီသည် သူ့ခေါင်းထိပ်ကို ညင်သာစွာ ပွတ်သပ်လိုက်သည်။ “မင်း စားသင့်ပြီ”
"ခင်ဗျားရဲ့နှလုံးသားကို ရောက်လုနီးနီးပဲ" ဒိုင်အန်းက မျက်ခုံးတွန့်ကာ။သူ ဘာလို့ ဒီလောက်တောင်မဆင်မခြင်လုပ်ရတာလဲ?
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
