رواية بين ظلمات الليل يبزغ القمر لينير السماء

الظلمة الرابعة عشر«حريق يكشف الاسرار»

السلام عليكم ورحمة الله وبركاته
اللهم صلي وسلم وبارك على سيدنا محمد وعلى اله وأصحابه اجمعين
بسم الله نبدأ
*********************************
«بين ظلمات الليل يبزغ القمر لينير السماء»
«الظلمة الرابعة عشر بعنوان.... حريق يكشف الأسرار»

صالح: يا ولدي قول ايش فيك؟
اسامة بتوتر: احم ابي اتكلم معكم بموضوع

سلمان بابتسامة: اي ندري انك تبي تتكلم معنا بموضوع ومن  الصبح وانت تقول كذا وجايبنا على مجلس الرجال لاجل ما احد يسمع او يقاطع الكلام لانه موضوع خاص على قولتك ... ومن ربع ساعة وانت تكرر نفس الجملة ... يا ولدي الله يرضى عليك قول اللي عندك من دون خوف ترى مارح نذبحك صدقني...

ابتسم اسامة لعمه ونظر لوالده الذي يحثه على الحديث فأخذ نفس عميق وأخرجه ثم انزل رأسه و قال بسرعة وكانه يلقي قنبلة : انا ابي اتزوج تسنيم بنت عمي

ساد الصمت لدقائق فرفع رأسه بحذر وخوف ليجد انهما ينظران له بتفاجؤ ليقول بهمس : ايش فيكم تناظروني كذا؟

نظرا لبعضهما لوهلة ثم انفجرا بالضحك بصوت مرتفع ... ضحكوا وضحكوا دون توقف ليقول بضيق: قلت شي غلط؟

حاولوا التماسك ليقول سلمان : لا ولدي ما قلت شي غلط بس تصرفك هو اللي غلط تقريبا
نظر له بعدم فهم ليكمل صالح: يا ولدي انت مقلقنا من الصباح ابيكم بموضوع مهم وابيكم بموضوع مهم وجايبنا هنا ومحسسنا انك رح تقول سر خطير وبالأخر تقول ابي اتزوج ...

انزل رأسه بخجل منهما وهو يفكر بتصرفه.... امم يبدو انه بالغ قليلا ... قليلا فقط... قال بهدوء: المهم...شنو رأيكم؟

نظرا لبعضهما لدقيقة ثم قال سلمان : شوف يا ولدي احنا ندري انك الوحيد اللي تقدر تراعي تسنيم ومشاعرها وشخصيتها الحساسة الهادية حتى انه ذاك اليوم كنا نتكلم عنكم وقتها قال ابوك ودي ازوج اسامة وتسنيم احسها الزوجة اللي تناسبه وتناسب شخصيته وهو نفس الشي ... واحنا متأكدين انك ما رح تاذي بنت عمك وانك اعقل من خالد وياسر ..

اسامة بترقب: يعني... شنو افهم من كلامك؟
صالح بابتسامة: يعني احنا موافقين بس راي تسنيم هو الاهم

اسامة بلهفة: اي ومتى تكلموها
سلمان بضحكة: صبرك يا الحبيب
صالح وهم يضحك ايضا: ولا يهمك اليوم اكلمها ارتحت الحين؟

اسامة بسعادة : اكيد ارتحت باقي هي توافق مشان تكمل راحتي وسعادتي

صالح : ولد احشم ابوك وعمك الي يكونوا عمامها بعد..

اسامة بخجل: اسف بس نسيت نفسي من الفرحة
ضحكا عليه ليقول بتغيير للموضوع: وابي اتكلم معكم بموضوع ثاني..

سلمان : تفضل بس رجاءا ادخل فيه مباشرة مو مثل هالموضوع
اسامة: ههههه أمرك يا عم ... ثم اكمل بجدية... وش رأيكم نروح على البر ؟ يعني انا لاحظت البنات من لما انخطفوا وهم خايفين وبعدهم متأثرين باللي صار ففكرت انه نطلع البر نغير جو ويغيروا نفسيتهم وينسوا الي صار ... شنو رايكم؟